السلام عليكم ورحمة الله وبركاته,,
بالبدايه تحملوني بقول مقدمه والقصه تحت ,,
من زمان ابي اكتب هالموضوع وانسى ,,الى ان قابلت وحده امس ماعرفها وسالفه تجر سالفه قالت انها كل ماتنخطب يتكنسل زواجها بدون سبب والبنت مشاءالله ذوق وعسل وجذابه مشاءالله عليها وباين عليها اخلااق ومحترمه الله يسعدها ويعجل برزقها بزوج صالح يرضى ربي خلقه ويعجبها خلقته وبنات المسلمين عااامة يارب قلت لها على قصة اختي نفس حكايتها والحمدلله ان شاءالله تبشرني بزواجها قريبا ياارب لانها اخذت رقم جوالي:heart:انا كذا الحمدلله محبوبه من شافني طلب رقمي وانا خبله اعطي على طووول ههههههههه خشيت جو >>المهم نجي لزبدة الكلام,,
فيه بنات الله يهديها تنزل اوحتى تسال وتتجراء تكتب اللي نفعها الاستغفار تقول لنا والثانيه تكتب بنات قولو لنا تجاربكم مع الاستغفار والثالثه هل في احد استغفرت او قرت سورة البقره وحملت اوتزوجت او ......الخ....
هذي النوعيه اتعجب منهم اتمنى ماتزعلون مني هذااا حقيقه قريتها بالمنتدى هنا ومنتديات ثانيه عنوانهم قول لنا تجاربكم مع الاستغفار وكانهم يسالون عن خلطه للبشره وللشعر هذا شي يستغرب من بنات الدين ومن بنات تعلموالكتاب والسنه وينكم يابنات من قول الله تعالى (وماكان الله معذبهم وانت فيهم وماكان الله معذبهم وهم يستغفرون )وقوله سبحانه (فقلت استغفرواربكم انه كان غفار ا,يرسل السماء عليكم مدرارا,ويمددكم باموال وبنين ويجعل لكم جنات ويجعل لكم انهارا)هذا اكبردليل على بركة الاستغفاروفضله ,,سورة البقره اخذها بركه وتركها حسره ..
القصه ,,
اختي الله يسعدها بالدارين لها كم سنه كل ماتنخطب ويجي وقت الملكه يتنكسل كل شي بقدرة قادرجت فتره تعبت نفسيتها وصارت تتحسس من كل شي وانها كبرت ودمعتها قريبه احساس مايعرفه الا اللي يعيشها ,المهم اتخذت قرارها بعد نصايح انها تلتزم بسورة البقره وتحافظ على الاذكار وترقي نفسها بنفسها والحمدلله عانها الله واستمرت فتره طويله تقريبا 3شهورومشاءالله تبارك الرحمن قولوها يابنات والله الحمدلله تحسنت حالتها ونفسيتها تعدلت وصارت مرتاحه واحسها مبسوطه عكس قبل كن عمرها 27سنه والحمدلله جاء الفرج وانخطبت ويسرالله وتمت ملكتها مع انها كااانت على اعصابها لويخرب زواجها بس الحمدلله ربي عطاها على نيتها وحفظها بالذكروالاستغفار والاهم سورة البقره كااانت تقراها وحريصه عليها وحرصت على الاستغفار وتحصن نفسها بنفسها الحين مشاءالله لاقوة الا بالله عليها بنوته مثل القمر امووووووت على بنتها الله يحفظهم من كل مكروه ويديم سعادتها ويحرسها بعينه اللي ماتنام قولوامين ,,,
قسم بالله العظيم ورب العرش الكريم ماكذبت بشي وقلت لكم قصه من وااااقع عشت مرارته كانت اختي وشفت وضعها بنفسي والحمدلله ماخيب ظني ووفقها مع انه امي واخواتي يااااسو وقالو خلاص مراح تتزوج الله يهديهم حطموها بس قلت استمري على سورة البقره وباذن الله ماتندمين لوماتزوجتي بالدنيا فهوخير من ربي مين يعرف الغيب بيده سبحانه والحمدلله عوضها صبرها خير
اتمنى يابنات ياخواتي وحبيباتي لاتياسون من رحمة الله لاتياسون ولاتستعجلون الرزق (قل مايعبى بكم ربي لولا دعائكم ) ادعوالله ولاتياسون ادعوليلا ونهارا سرا وجهارا لاتييياسووووووووووون توكلو على الله وماخاب من توكل عليه حبيت افيدكم لعل وحده منكم تستفيد وانا واااااااثقه تماما ان اللي بتسوي الكلام اللي فوق بحذافيره بتتوفق بحول الله وقوته حتى الكلام ينطبق على اللي عندها مشاكل مع زوجها اوحتى بدوامها او بامورحياتها او تاخرحملها يابنات السعاده والتوفيق والراحه في كتاااااب الله والقرب من ربي يااابنات اغلب مصايبنا وهمومنا من انفسنا وتقصيرنا بحق ربنا وانفسنا بيجي ساعه ماينفع فيها ندم صدقوني القران والاستغفار والقرب من الله هو التوفيق استمرو وبلغوني اتمنى من خواتي اللي الله ان شاءالله بيفرج همها بعد موضوعي تبشرني ووالله اني اتمنى لكم الخير دنيا واخره الله يسعدكم ومبروك عليكم رمضان قبل الزحمه اسئل الله ان يرزقنا صيامه وقيامه لافاقدين ولامفقودين قولو امين ,,
تنبيه >>ارفعو الموضوع لعله يبلغ اكبر شريحه من المنتدى فيه بنات محتاجينه ارفعوه رفع الله قدركم بالدنيا والاخره ,..
يابنات ادعو لي ادعولي فيه حريم يكيدون لي وحااااقدين علي تكفون يمكن دعوة وحده منكم بظهرالغيب تستجاب ادعولي الله يفرجها علي ويردكيدهم في نحورهم ويجعل تدبيرهم تدميرهم انفسهم لاحول ولاقوة الا بالله حسبي الله وكفى اللهم اني مغلوبه فانتصر اللهم اني مغلوبه فانتصر .
دمتم بود وطاعة الله ورضاه اختكم (حيرة الضامي )
حيرةالضامي @hyraldamy
عضوة فعالة
يلزم عليك تسجيل الدخول أولًا لكتابة تعليق.
الخالة الحنونة
•
جزاك الله الف خير
الصفحة الأخيرة