لا ياعمري اشتغلي وونسي نفسك واطلعي احسن من الملل في البيت بس اهم شي راتبك لك لاتسمحين لاحد يمسكه اذا منتي من محبي الصرف جمعي راتب في البنك وبكره تستفدي منه
بس اهتمي في بيتك عشان مايقولك ابو الشباب انك مقصره

انا اقلك حاجه مهمه
اذا زوجك راتبه ضعيف وانتي قادره انك تساعديه
اشتغلي اما اذا راتبه كويس ومو ناقصك شي
لا بالله جلسة البيت احلى بستين مره
من الهجوله والتعب بالذات اذا عندك اطفال

لازم يكون للمراه هدف...للاسف الرجل مايحب الحرمه اللي بس همها اهو وعياله..

طبعا مع المحافظه على بيتك وعيالك وزوجك...

كوني وسط...لاتهملي بيتك ولا نفسك لا عيالك كل شي له حقه..

هلا خواتي

انا اشتغل وعندي عيال ومو مقصره في شي وماعندي مشاكل ويه الراتب
بس مشكلتي الازليه عيالي صغار واحطهم عند امي ويه الخدامه وخلاص ابي اريح امي من ازعاج العيال هي كفايه تحملتنا ليش تشيل هم عيالي ..
ومستحيل اخلي العيال مع الخدامه في البيت بروحهم .. وهم لسه صغار .. وحتى اذا ادخلوا الحضانه او المدرسه يمكن الله يرزقني بطفل يعني المعاناه مابتخلص
لهالسبب بس ودي اترك الشغل لاني مبهدله عيالي من الصبح شايلتهم وياي في الحر والبرد والظهر وقت الرجعه نفس الحاله

أنا من رأي إذا كنتي متزوجه وزوجك مايقصر معك بشي فالنصيحه إنك تبعدي مره عن الشغل لأنك راح تنشغلي عنه وأطفالك وتبدى مشاكلكم
لكن إذا كان مايصرف عليك ومنشغل عنك توكلي على ربك واستخيري وسوي جدول لحياتك بحيث تنظمي وقتك مابين العمل والبيت والزوج ولاولاد
أما إذا كنتي بنوته وماتزوجتي الافضل لك الشغل لأن القراغ موزين
والله يوفقك