للمتزوجات الغير عاملات فقط

جييييييييييييييييييييتك ومعاي قهوتي
الموضوع حلو ومفيد
أنا علي القهوة وانتم الباقي
يله أستناكم

طيب ايش هواياتكم واللي ما عندها او كان عندها ليش ما تجدد ويكون عندها اهتمام اخر غير العيال تكون تحبه وتتميز فيه ؟؟؟؟؟؟؟؟؟؟؟؟

قراءة عن علم النفس ..

طيب هل تمارسين الرياضه اعتقد في هالعمر من العشرين الى ماشاءالله ضروري جدا الرياضه ......
المشي انا وزوجي

طيب ايش الطبخه في المطبخ اللي تميزتي فيها واخترعتيها ولاقت اقبال من الكل؟؟؟؟؟؟؟
زوجي يقول انت تفتحين مطعم براحة وتقن الارزاز..
طيب ايش طموحك هل انتي انسانه محبوبه ولا العكس ؟؟؟؟؟؟؟؟

طيب هل انتي انسانه مبدعه ونشيطه في بيتك ؟؟
نشيطـــــــــــــــة ومبدعة اذا اشتهيت ..
تصحين بدري ولا تنامين لوقت متاخر ........
حسب الوضع اسهر احيانا ونام بدري احيان

هل انتي مقبله على الحياه متفاءله او متشاءمه؟؟؟؟؟؟؟؟
متفاااااااااااااائلة ولله الحمد ..
شنو مشاكلك احين وايش اهتمامتك ؟؟؟؟؟؟؟؟
هم تربية ابنائي في الزمن الصعب
شنهو اللي مب عاجبك في حياتك ؟؟
مافي شيء موعجبني كل شيء تمام ..
شنو اللي يخيفك؟؟؟؟؟
الموت
تحبين المكياج ؟؟ اتقنة بس ماحبة
تحبين الديكور ؟ اكيد

يش اللي مب عاجبك في شكلك عندك ثقه في نفسك ولا لا؟؟
الانسان ماخلق نفسة وماحب ابدا اركز على الشكل ..
هل تجدين راحتك وتنسين همك لمن تجلسي فوق سجادتك وتتوجهي الى ربك ولا تحسي في امور ثانيه مشغوله فيها؟؟؟
عادة اتفرغ للصلاة
هل تفضفض لربك ولا لا؟؟؟؟؟؟؟
الشكوى لغير الله مذلة ..

مشكورة حبيبتي على الموضوع الله يسعدك..

السلام عليكم ورحمة الله

موضوعج حلو .. طبعاً حلو لأنه انا مثلج أفكر احيان في وضع الحريم
اللي مثلي ..

بصراحه أحلى وقت عندي يوم يروحون العيال ويطلع زوجي للدوام!!
مش لأني بقعد بروحي! بس تعرفين بعد ما تمرين بربشة الصباح وتحسين
انج وفرتي كل شي للعيال! وخصوصاً إذا طلعوا بدري مب متأخرين ..
مادري كل صباح أحس اني انجزت إنجاز!!

بعد مايروحون بشوي اتصل في السايق اسأل عن أحوالهم وصلوا ولا لا
وهل الكل مستانس ولا في حد نسى شي تذكر شي؟!!

بعدها بساعه أتصل في زوجي اعرف اخباره مع بداية الدوام!!

بعدها آخذلي جولتي الصباحية في البيت .. أشوف شو يحتاج تغيير
وكل يوم تنضاف لي فكرة في تنسيق بيتي .. أظل اقلبها لين يحين
وقتها .. (أحب الديكور) .. و (ما احب المطبخ) ..

اللي تتميز فيه خدامتي (مب انا) التبولة.. دايماً أرسل لأهل زوجي وأهلي
ويظلون يطلبونها ما يملونها ..

أحب القراءة .. لكن بالمره تاركته هالشي مؤخراً.. لأنه يبغيله صفاء بالنسبه
لي احب إذا قريت رواية أعيش احداثها.. وفترة دراسة العيال وخصوصاً
لا زادت الامتحانات يصير بالي مشغول..

ما أمارس الرياضه.. حتى قبل لا أحمل.. لكن احافظ على أكلي شوي مب وايد

أحيان احس اني إنسانه نشيطة في بيتي.. حسب النفسية (مع الحمل صرت شوي غير)
لكن مبدعة!! مادري هل اني ابتكر؟ أو أسوي شغل بإيدي؟ إذا ابتكر احس اني اعطي
نفسي 6 من 10 من ناحية الإبداع في البيت ... أما شغل يدوي ومثل هالحريم ماشاءالله
عليهم اللي تلقينها لهلوبة حتى مخاد بيتها من شغل إيدها!! لا انا زيرو ..

أصحى بدري .. وماعرف انام إلا آخر وحده..

مقبلة على الحياة .. بس إذا تكدر خاطري او تكررت عندي مشكلة بالذات مع
زوجي.. أميل للتشاؤم..

طموحي! اني اقدر اوفر لعيالي وزوجي جو عائلي.. (مع انه لو سـألتيني هالسؤال
قبل سنة كان بيكون الجواب غير عن البيت .. لأني كنت اطمح أكون لنفسي نجاح
وظيفي خصوصاً أني قطعت بالنسبة لي شوط كبير )

لكن بعد ما لمست النجاح في بيتي صار هو طموحي ..

أحس اني محبوبة .. من اللي اعرفهم ومشاعرهم واضحه لي..
أما اللي ما عرفني وماداخلني ما أقدر احكم خصوصاً أني ما أحب
أخالط ناس وايد. (يعني عندي فئة معينة مرتاحه معاها)

همي الأكبر !! كيف أقدر اغرس في عيالي حب الخير وفعل الخير
وكيف ارفع معدلاتهم بالمدارس..

مشاكلي!! مع الحمل والكسل حالياً خصوصاً اني ما اقدر اطلع ولا اتحرك
وايد.. واحس اني انضغط بسرعه لازادت علي المهام في البيت
.. (والحمدلله انها هذي بس مشاكلي)

يخيفني؟! المجهول والمستقبل.. لأني احسب حساب لبكرة وارتب له
وأخاف ماتكون النتايج قريبه من المرجوة (سواء لبيتي أو عيالي)

اللي مب عاجبني في شكلي!! الشحوب .. والحمدلله عندي ثقة في نفسي

إذا صليت وأنا في هم أو عندي موضوع مأرقني .. أحس بأني أقرب لربي
وأفضفض وأدعي ربي انه يوفقني ويحفظ لي الغاليين..

وأيامي العادية ما أقدر اجزم انه كل صلواتي فيها نفس الخشوع.. لكن
انسى وأتناسى الأمور الروتينيه واموري اليومية وأدعي ربي يقبل صلاتي
أحاول أكثّر من الدعاء لوالدي ووأكرر الدعاء لزوجي وعيالي ..
أحس كثرة الدعاء تقربني أكثر وأكثر من ربي..

مشكورة على الموضوع أنا ما اعتقد اني خليت شي ما جاوبت عليه..
ولي عودة أدردش مع اللي قبلي

ماشاءالله عليج .. أول شي احس إنج إنسانه
حالمة .. عندج يمكن الخيال الخصب..

بس ليش دامج تحبين النباتات ما تاخذين نبته
ودامج تكرهين المشاجرات .. ليش ما تسعين لتخفيفها..

حبيت بس ادردش معاج .. لأني لاحظت أنه اللي تحبينه مب موجود
واللي ما تحبينه .. موجود عندج!! فحبيت ادقق على هالنقطة..

هاذي الاسئله مرت علي قريبببب :)
مين ياربي ميييييييين
اه الحين تذكرت :(
اختي الله يحفضها قسم علم نفس وزعت علينا اوراق فيها نفس هاذي الاسئله بالظبط
وقالت يالله حلو نبي نسوي تقرير واستنتاج :16:
وانا طول الوقت اكتب بس للحين ماطلعت النتيجه الله يستر :D
اخاف اطلع انسانه معقدههههههههه :30: