للمتزوجات حديثًا

بدايه الزواج تكون الوحدة محتاسه ولا هى عارفه ترتب وتنسق بس شوفي انا مثلك بس ماطولت الحاله معاي اهم شي عندك فترة الصباح رتبي الاساس المطبخ والصالة والسراميك ونامى ولما تصحين تسبحى ورتبي نفسك لو بشي بسيط وروحى كملى نظفي غرفتك وبخري بيتك واغسلى حمامك على السريع اهم شي كل ثلاث ايام او كل اربع ايام يكون تنظيف الحمام بشكل عميق بكالروكس بعدين روحى مثلا ابدى كنسي ونقلي بخورك من مكان لمكان الحين اغلبيه بيتك نظيف ويلق/الغسيل مثلا الملابس انا اغسل كل اربع او خمس ايام مرة واتركهم على المشر يوم كامل وبعدها بيوم اروح اصفط وارتب الملابس/ بعدين روحى انزعى المنشفه من راسك وروحى استشوري شعرك وتعطري وركبي قهوتك انتى وزوجك على النار بالعكس في وقت طويل لو تمشين على الكلام اللي قلتة لك واهم شي نفسك ونظافتك ونظافه بيتك

ياحبيبتي دام ماعندك اطفال اكيد بيتك مايتوسخ
بعدين ليش كارفه نفسك تنظيف جدران الحمامات والشفاطات لاياقلبي بعدك عروس استمتعي بحياتك
نظفي الحمام الي تستخدمينه تنظيف يومي بكلوركس وصابون بدون دعك جدران وكنسي البيت وامسحيه مره وحده في اليوم والتنظيف العميق مره وحده في الاسبوع يكفي وبعدين الرجل اهم شي عنده يلقاك مهتمه في نفسك ووجبه ياكلها اذا جا من شغله ولاتصيرين دقيقه مره ارحمي نفسك والغسيل خصصي يوم في الاسبوع للغسيل والكوي جيبي شغاله بالساعه تساعدك اذا كنتي تعبانه اوطفشانه

لا والله انا نفسك مالي شهور وبيتي مرتب ومنظم مافي الا انا وهو ماحد يحوس واذاعلى الغبار كل يومين نظفي والمطبخ اول بالول نظفي مواعينك والملابس جمعيهم بسله يوم بالاسبوع غسليهم وعاد الله يعينك اذا اثاك غامق يبيله تنظيف بشكل يومي

الله ييسر لك امرك

ربي يوفقك

دائما البدايه صعبه ولكن مع الاستمرار تلاقي نفسك ترتبتي وتعودتي ونظمتي وقتك وشغلك

ولاتنسي الاذكار وتشغيل القران وانتي تشتغلي صدقيني ماتحسي بالوقت

الحمامات اول مايروح زوجك بخي عليها كلوروكس ع المغاسل وكراسي الحمام وخليها ساعه ساعتين او اتركيها وروحي خلصي شغللك مو لازم كل يوم تمسحين الشفاطات والجدران الشفاط مره بالشهر نعمه انتبهي لاتزلقين وانت فووق تنظفينها الغسيل مره بالاسبوع او مرتين ع حسب ملابس زووجك يعني لو عنده سبعه ثياب تمام يصير تغسلين مره بالاسبوع
الغرف اللي ماتستخدمينها كثير مو لازم كل يوم اهم شي الصاله والمجلس وغرفة النوم تكون مرتبه وقت فضاوتك سوي فطاير او سمبوسه او سبرنق رول وجمديها الحلا ماياخذ وقت من خمس دقايق الى ربع ساعه سوي كشنه وقسميها وجمديها مع اني مااحب هذي الطريقه احس طعم الاكل يروح الدجاج اول مايجي قطعيه وحطي الكميه اللي تحتاجينها بكيس المجلي في الليل بخي فيه كلوركس ع شان البكتيريا المطبخ مرتين او ثلاث مرات بالاسبوع فيه ممسحه اسبن اند قو برووو طبعا بتلاقي مثلها بساكو 70 ريال كثير تريح بالمسح ماتاخذ وقت الا والارض نااشفه
نصيحه لا تعدمي ايديك بالصابون والمطهرات والبسي قلفز وانت تشتغلي وواحد ثاني للمطبخ وانت تشتغلي لاتنسين تحطين خلطات ع جسمك للبياض والنعومه والزيت ع شعرك اهتمي بنفسك العمر يخلص والشغل مايخلص المهم سويه والباقي خصصي له وقت مره او مرتين بالاسبوع الشبابيك مو دايم مفتوحه ومو دايم مقفله الصبح افتحيها واذا جاك غبار او حسيتي الجووو ماااش قفليها ولا تنسين البخوووور
ان لبدنك عليك حقا