للمتزوجات فقط....‏!‏

السلام عليكم ورحمه الله ‏.....امممم مدري وش اقوول بس حسيت اني محتاجه افضفض ومالقيت مكان احسن من هنا ابي رايكم هو انا صح والا غلط...‏!‏انا متزوجه وعندي بنت تصحى احيآنآ ع ‏ الفجر اصحى معها جبري واليوم انا صحيت وربي فيني الم بمفاصلي لان عندي فقر دم ومع البرد الله لايوري مسلمه ‏....‏!‏المهم لما صحيت كاالعاده لو صحيت لحالي امسك جوالي وارسل رسائل لاني مشتركه بعرض اس تي سي للرسائل ‏....وكنت لحالي بغرفه المعيشه شوي الا يجي مسج ابنسخه لكم ‏....الظاهران الفراش معدوم الحنان معدوم الحب معادقربي يسليك نوم في غيروقتي وتصحي في وقت طفشانه والحجه بنتك مدام غيري يسليك اهنيك بس لاتقولي بيوم وش فيك شوفي حالك وقولي وش فيها......,المرسل طبعآ زوجيانا انصدمت ياربي وش سويت له رحت له ع طول وخليت كل شي سالته قال ليش تخليني لحالي قلت له تعبانه احس بكذا وكذآ حسيته ماصدق ‏....قال انتي ع طول مشغوله بالرسايل وتخليني ومدري وشو قلت له متى انشغلت وربي أقعد معه لا يتكلم ولا بحرف كني جمااد واحيآنآ اخلق سوالف لجل اغير جو الكآبه ينافخ عليآ زي اللي يقوول خربتي انسجامي لانه يكون ع الاب او يتابع فيلم اسكت ع طول اكتم دمعتي واشغل روحي بااي شي افكر به قبل نفسي كنت بمنتزهه وشريت له ميداليه منحوت عليها ابو فلانه برضو ابي اقربه لي اخذها وكنها شي عادي ‏.....امس استلم ‏ رواتب وكان ودي يجاملني ع الاقل ويقول امري ياام فلانه وش تبين ‏....‏ وربي ولا فكر فيني راح كلم امه واخته وقال شوفوني رسلت لكم ‏ باقي تبون شي وانا اسمع واحترق ولا تكلمت اتصلت علي اختي قالت اشتري لك بلاك بيري تتونسي معنا بالرغم انو هي متزوجه مثلي بس الفرق انو زوجها يحب يجيب الشي اللي يسعدها وانا يبعدني عن اي شي يسعدني زووج اختي الشهر اللي فات استلم جمعيه عطى اختي ‏ وشرا لها طقم واسواره وجوال بلاك بيري ‏....‏ وانا اليوم زووجي عنده بس مافكر فيني ‏......المهم امس كنا طفشانين قلت له يلا نروح نشتري لبنتي مرجيحه والعاب قال لي يلا بدون نفس وشفته بس قمت وسويت روحي ماافهم رحت اخذت عباتي ابي اونسه واستأنس طول الخط وهو يطفح بالدخانه ويتآفف واكلمه يدوب يرد علي ليش مدري يسولف مع بنتي ويحقرني بنتي عمرها سنتين ‏...وشرينا ورحنا ع طول البيت....مقهوره ايه بس ماابي اتكلم لاني ماابي ازعله ابلاصح ماابي مشاكل لنا مايقارب سنه كل يووم نتهاوش حتى لما نطلع مع بعض نتهاوش ‏...‏ ونرجع البيت ‏....بس لو كان معنا احد يكووون مستآنس مرآ وقسم بالله احسدهم انه يضحك ويستآنس معهم اليوم من قووه قهري قلت له (الساكت عن الحق شيطان اخرس) وانا شيطانه لاني دووم اسكت ‏.....الاسبوع اللي فات نزلنا عنده اهله ماقلت له ابي اسلم ع اهلي قلت له حق يرتاح مع اهله برضو وياليته يبين ....انا لو مريضه بمووت مااحس بحنيته علي قبل اسبوعين جاني نزيف وكنت اذا وقفت ادووخ قال عزمت فلان للغدا قلت له ابشر بسعدك وقمت وبيضت وجهه ولا فكرت بروحي ‏....واليوم جاء يقوول لو كان ع الطبخ عاادي مو لازم ‏....ع كثر مااسوي له احس اني ولا شي بعينه ويعرف يمدحه زوجه فلان وفلان بس انا ابدآ يختفي ‏....ويذمني دوم ولا قلت له وش سويت لك يقولي امزح معك طيب المزح دووم ذم ‏....‏!‏بذمتكم قولو لي وش اسوي وربي صرت افكر انتحر ‏....واستغفر واسغفر الين الله يرحمني وانااام