انا و زوجي هبالنا بدا من على الكوشة.. لما دش و شاف الناس ياكلون سألني أم جاورس تعشيتي.. قلت لا و الله يا بو جاورس .. من وين اتعشى؟؟ قال لي و لا يهمج.. و نادى وحدة من النادلات و قال لها نبيكم ترتبون لنا صينية عدلة من هالعشا السنع و ودوها لنا في الغرفة.. و اول ما طلعنا للغرفة.. و دشينا .. و بعد ما تطمنا على وجود صينية العشا ..على طول بدلنا.. و خذنا الصينية و على الفراش حطيناها في النص و تربعنا على و هات يا ضرب بالخمس.. خخخخخخخ
بس كااااان صج عشا معتبر...

السلام عليكم،
انا كنت عادي ماخذة عليه من الملجة وانا اصلا من نوع العفوية والطبيعية
الموقف الي صار معانا
انه يوم الملجة لا انا متعودة البس تنورة>>>يعني انثى يعني
ولا هومتعود يلبس دشداشة>>> يقول تضايقه معنها واسعة
بعد الغدا والتصوير رجعت البيت على صالة المغرب عشان اصلي وهو راح المسجد يصلي ويبدل هدومه وبنفس الوقت انا بعد بدلت في البيت عقب الصلاة وطلعنا
اضريت احط عباية الراس علي عشان ابوي دايم يقول انها وقار والمراة لازم تلبسها بس انا كنت ماعرف البسها صايرة نفس الياهل اعابل فيها كل شوي من صوب ليما قطيتها بالسيارة ونزلنا نقعد بكافيه

ماعتقد مضحك بس اذكر اننا اثنيناتنا متعودين على البنطلونات