للمتزوجات فقط ساعدوني هل هوطبيعي ولا انا الي موطبيعيه

السلام عليكم يابنات حواء عندي مشكله صغيره مع زوجي واتمنا القا الحل عندكم انا صارلي 6 سنوات متزوجه وعندي ولد واحد عمره ثلاث سنوات من يوم تزوجت وزوجي نادرا مايوديني المكان الي ابيه لازم يكون مقتنع فيه يعني ان الكوفي شوب مايحب يشرب قهوه فما يوديني لها والمنتزهات الي بالثمامه مايحبها والحدايق الي بفلوس ولابلاش مايحبها وحتا الممشا نروح نمشي يقول مااحبه ويسمي التمشيات هذي شي ثانوي احسه انه مره اناني ويحب نفسه يعني لوقاله صديقه نروح نمشي يروح معه مايمانع والطلعات معه بس بيت اهلي واهله ابغا اتمشا معاه كله حابسني بالبيت واذا اقترحت عليه مطعم يقولي يصير خير ولما عاد الح عليه مره يودني بس ايش المطعم الي يحبه هو موانا الي اختاره حتا لما نجيب علا البيت هو يختار المطعم مادري في ازواج زي زوجي حابسين حريمهم ويقول اصلا بيت اهلك عباره عن طلعه ولا اذا وداني للسوق طبعا سوق واحد ولازم اخلص بساعه واحده فلما اروح لاهلي احط حرتي فيهم اقولهم ودوني للسوق الفلاني او المحل الفلاني او اي مطعم ابغاه اوحتا كوفي شوب بس الحدايق والمنتزهات مايحبونها اهلي فما اروح لهم فصارت امي تطفش مني تقول انتي زوجك مايطلعك فتطلعين معنا والله احس اني مررره محرجه منهم حتا العطاره اروح معهم مادري يابنات زوجي طبيعي ولا انا الي موطبيعيه لاني ابغاه يخصص لي يوم يودني فيه المكان الي ابغاه مثل الي اعرفهم ماشالله يوم لها هي وزوجها ويوم للعائله ولا بعد يعتبر لما اروح معاه السوبر ماركت في الشهر مره هذي طلعه معه والله انا مادري وش اقول له يقولي هذي اشياء ثانويه اهم شي الماكل والمشرب والملبس يقول اهم شي للعيد والولد لما يصغرون عليه يودني سوق واحد ولازم تخلصين الي تبينه كله لانه اذا طولت يضيق صدره ويزعل ويطلعني بسرعه ساعدوني يامتزوجات الله يسخر لكم ازواجكم.