انا حبيت اهون عليج شوي

جربت الولاده والحمدلله تيسرت من رب العالمين

اول ماحملت كنت احاتي وايد وافكر لاني كنت اسمع كلام وايد وقصص مرعبه وكلوحده توصف الولاده بشكل

وخاصه يوم كنت بالشهر التاسع كنت كل ماشوف حد لازم يذكروني بالولاده واهوال الولاده

المهم مااطول عليج

انا من دخلت التاسع كان يجيني الم بعد الجماع على طول وهالالم ماابالغ فيه لانه مثل الم الدوره الم في اسفل البطن والظهر تحسين مثل الضغط مده بسيطه مجرد ثواني ويروح

في البدابه كنت احس بالالم ثواني ويروح واتم خمس دقايق بدون الم وعقب يرجع مره ثانيه

وكان هالالم يستمر من الليل لين الظهر تقريبا وزوجي يصحى يقولي بوديج المستشفى اقوله لا

لان الالم اقدر استحمله وبيني وبينج انا كنت انتظر ينزل ماي او دم ماكنت ابي اروح بدري عشان

مايكشفون علي اكثر من مره ويبهدلوني

المهم في كل مره يصير فيها جماع بعد الجماع يجيني طلق وفي كل مره يكون اشد

بس طبعا لحد الحين شئ الوحده تقدر تصبر نفسها وتستحمل

يوم ولادتي مانمت طول الليل كنت احس بالم في ظهري وبطني تحت واحس بضغط

واروح الله يعزج الحمام كل دقيقه وماينزل شئ بس انا احس نفسي محصوره!!

والالم كان ثواني ويروح دقيقتين ويرجع وكنت احسب لان يقولون اذا كان بين كل الم والثاني دقيقتين معناه ان وقت الولاده قرب او حان

رحت المطبخ وجهزت الفطور حق زوجي عشان يفطر ويروح الدوام وكل مايجيني الالم اقعد ادور في المطبخ والهي نفسي باي شئ

المهم صحيت زوجي وهو شاف شكلي شك اني بولد مع اني كنت احط على نفسي واسوي نفسي مافيني شئ

لاني ماكنت ابي اروح المستشفى قلت لج انتظر الدم او الماي

المهم راح زوجي الدوام وقعدت بروحي ومن الالم رحت انسدحت على السرير وقلت بارقد غصب

بس طبعا من الالم مانمت شوي الا رجع زوجي هون مايبي يروح الدوام ورجع رقد :(

المهم كان الم بس مب مثل اللي وصفولي الحريم بالعكس الم اقدر استحمله

عقب قام زوجي على الساعه 10 الصبح شافني اتلوى على السرير قالي قومي بوديج ورحت

المستشفى قالولي 4 سانتي وقبل لاتكشف علي الدكتور عشان تشوف كم سانتي توني بقعد على السرير الا الماي ينزل كله

بعدها دخلوني الغرفه على الساعه 11 غرفه الولاده وبدلت ثيابي وقالتلي الممرضه لازم تروحين الحمام وتفضين نفسك قبل الولاده

رحت ومافيني شئ اقولها قالت لا اكيد فيه بول بس ماينزل من الالم

المهم قعدت في الغرفه حطولي الجهاز على البطن اللي يحسب الطلق وشدته ونبض الجنين

وانا كل مايجيني الم احس ان هالجهاز يضايقني وودي اشيله جاتني الممرضه وقالتلي الدكتوره الحين بتجيج جاتني الدكتوره وقالتلي

تبين ابره الظهر ولا ابره مسكنه قالتلي الابره المسكنه اذا خذتيها بتنامين وبتقومين على الالم وبيمر الوقت بسرعه

فقلت لها عطيني الابره المسكنه وعطوني وبصراحه بالنسبه لي

مر الوقت مثل البرق صج ماحسيت الا الساعه صارت 2 ونص الظهر صج كنت احس بالم واخربط بكلامي

بس صج مر الوقت بسرعه ومادريت الا الدكتوره والممرضات محاوطيني ويقولون خلاص ولاده

وعلى الساعه 3 ولدت واول ماطلع البيبي سبحان الله راح كل الالم وتحسين براحه وودج تنامين

وعن الخايطه انا ماحسيت فيها ابد والله مافي الم ابد حتى كنت ابي ارقد وكل دقيقه غطت عيني غصب

عقب السهر والجراحه بصراحه كانت وايد كبيره انا ماشفتها بس عقب الولاده ماكنت اقدر انقلب ولااتحرك الا بصعوبه كنت احسها بتتبطل

بس انا كانت خياطي كبيره لاني ماقدرت استحمل ودخت من الاكسجين اللي كانو يحطونه لي الممرضات حزه الولاده كنت اخذه واحذفه بعيد

ويرجعونه ويحطونه على ويهي هاي خلاني ادوخ وماقدر ادفع عشان جذيه وسعو وايد الظاهر

والخياه كانت كبيره بس ماحسيت فيها كلش بس طبعا الم بعد الولاده

طولت عليكم وايد بس حبيتكم تستفيدون وماتخافون لانه احساس وايد حلووو ومايخوف ابد

بعد الولاده كنت اشرب الصبح حسو مادري شتسمونه بس كنت اشربه على الريج لانه ينظف الرحم

واتنقع احيان بماي وملح واحيان بالمره في الما واحيان احط شوي ديتول الاخظر الشخصي في الماي واتنقع فيه

لازم اتريق واتغدى واتعشى لاني في بيت هلي كانت امي تجبرني وكان فيني حليب وارضع ولدي ويوم رجعت بيت اهل زوجي ماكنت اهتم ولااكل وخف الحليب ومع الوقت اختفى من قله الاكل

اذا ودج ترضعين البيبي لازم تاكلين عدل

اممم كنت اكل بعد عصيده واشرب عصاير واكثر شئ عصير برتقال

ربي يسهل على الجميع يارب

كله تسهيل من الله
عليك باخذ الاسباب وخليها على الله