للمتزوجات فقط... مشكلة صديقتي مع زوجها

السلام عليكم ورحمة الله وبركاته....

اتمنى ان مايمر على الموضوع الا المتزوجات فقط
وان كان ولابد فاتمنى من العازبات عدم الرد رجااااااااااااء خاص...


التقيت امس باعز صديقاتي وكانت حايره ومقهورة وجتني تفضفض وتستشير..
والظاهر اني زدتها حيره وقهر بصراحه ماعندي خبرة بالرجال وماادري وش سبب تصرف زوجها ولاادري كيف ممكن ترد عليه :(
قلت لها عطيني فرصه اسال واستشير وارد وانشالله ارد لها خبر بكرة ..
وياليت تساعدوني جزاكم الله خير..
الله يهدي ازواجنا لنا وبس...

المهم القصه باختصار سوء تفاهم بينها وبين زوجها
عندهم طفلين لهم 6سنوات متزوجين
وودي مااذكر التفاصيل اولا للخصوصية ثانيا لانها جدا بايخه
باختصار هو قال كلام بدون مايفسر معناه وكلامه كان له معنيين واحد شين مرره وواحد مششي حالك هي فهمت المعنى الاول لكلامه وماعطته مجال يشرح القصد وعلت صوتها عليه :angry2: وزودتها حبتين على قولتها واتضح انه يقصد المعنى الثاني...
وللاخوات اللي مثلي يحبون اللقافه :) الموضوع عن الحريم ....
المهم
كان بالمناقشة هادئ على غير عادته (قلت لها الظاهر تفاجا ان كلامه له معنى شين )
كان هااااااااااااادئ مرره
لكن العقاب كان مقاطعتها لمدة شهر ومعاملتها كاخته
وبخلال الشهر حاولت معه بكل الطرق الا انه مصر على تنفيذ عقابه
وعاملها خلال هذا الشهر احسن معامله كاخت فقط
وباقي على الشهر يومين وهي في حييييييييييييييرة:

1/
هل ترد الصاع صاعين وتعاقبه بحرمانه منها شهر ثاني
عشان يتادب على قولتها وماعاد يحرمها من حقوقها الزوجية؟؟؟؟؟
لانها خايفه انه يكرر العقاب..
وخايفه ان تلعنها الملائكة اذا رفضت زوجها؟؟؟
وهل حرام انها تمنعه مع انه منعها؟؟
2/
او تصبر واذا تقرب لها تسامحه ولا كان شي صار ؟؟
مع انها خلال هالفترة كانت تضغط على نفسها وتبتسم في كل مره منعها زوجها وابعدها عنه.
وتعبت كثير من صده لانه اول مره يعاملها كذا


معلومة :
1-
معاملتهم كانت جيده جدا احترام وسواليف رسمية وبس ماتناقشوا بالموضوع مره ثانيه وكل ماحاولت تغتنم الفرص وتفتح الموضوع للنقاش بس يصدها بقووووووووووووووووه
2-
طبعا سبب المقاطعه على قولته:انها عللت صوتها عليه
ردها: انها من حقها التنفيس عن غضبها ساعة الغضب لانها حاولت تراضيه بنفس اليوم بعد ماهدات وتطيب خاطره حتى قبل ماتعرف وش قصده من كلامه البايخ لكنه رفض التفاهم...


ساعدوني وش ارد عليها ؟؟
والله تفاجات ان فيه ازواج يقاطعون زوجاتهم بالشهور لاسباب بايخه :angry:
ولا هذا شي عادي ؟؟؟؟؟؟؟؟
انا بقلبي شي وخفت اقوله لها ماظنيت ان فيه رجال يقاطع زوجته الا وهو يا: 1-كارهها . 2-يالاقي غيرها.
3-وباندر الحالات يكون مقهور منها من زمان وجالس يطلع فيها حررة السنين اللي مضت
يعني (الشعرة التي قصمت ظهر البعير).

ولا وش رايكم ؟؟؟
ياليت اللي مرت بهالشي تذكر لنا مشان نستفيد بس بدون تفاصيل حتى لايحذف الموضوع فالطرح للفائده ولافادة الاخت صاحبة المشكلة فقط
جزيتم خيرا ..
انتظر الردود بفارغ الصبر وياليت اللي تكتب رد تكتب وكانها صاحبة المشكلة مش تقول تطلب الطلاق وهي لو كانت بمكانها كان تقربت لزوجها اكثر (حب لاخيك ماتحب لنفسك ) ..:)

بانتظار ردوركم وتفاعلكم ..:26: