للمتزوجات منذ اكثرمن خمس سنوات

السلام عليكم
اختى الغالية الله يعينك بس اختى عالجى المشكلة من الاساس وحاولى ان تعرفى النواقص كل بيت فية مشكلة كونى انتى افضل من زوجك وتقربى لة وتزينى دائما ولاتجعلية يحس ان الاطفال يبعدونك عنة اختى انا متزوجة من فترة طويلة بس مااعطيت مجال حق زوجى ان يتملل منى فكرة النوم فى غرفة منفصلة مو هى المشكلة فكثير من الازواج ينمون بغرفة منفصلة بس القلوب متقربة اختى لاتزعلين من كلامى فعتبرينى اختك الكبرى زوجك يحس بانقص لانة افتقدك فترة معينة وهى فترة العناية بلالطفال احسن شى انك تنامين باقرب من زوجك ولاتجعلينة يتعذر لانك جميلة فارجل مثل الطفل يريد الدلال والحب واذا حاول الاعتذار كونى افضل منة وحاولى التقرب منة ادرى راح تقولين مااقدر لكن اذا اردتى حياتك باستمرار كونى الافضل دائما :26:

:27::27::27:
يحليلج .. ذكرتيني بنفسي بس بعد ثلاث سنوات من زواجي - طبعا لي الان ثمان سنوات - شعرت بملل مومعقول .. وحسيت اني تورطت :29:يوم تزوجت ..
سكت وبلعتها .. وما بينت شعوري لاحد .. قلت الكل سعيد الا انا ؟ ما اتكلم احسن لي لافشل عمري ...
طلعوا اللي اعرفهم كلهم مروا بنفس الحالة :42:.. بس يتفاوت عدد السنوات ..وحدة بعد سنتين وحدة بعد اربع سنوات وحدة بعد ثلاث سنين ونص ..و الخ ..
المهم هذي حالة تمر بها غالبية النسوان ..والسبب - حسب ما قرأته في كتاب علمي - العمل الدائم للزوجة في البيت ... تشعر انها تقدم الكثير من الخدمات ولا مقابل ... ( بيني وبينج كان هذا احساسي :30: )
اما اللي تقولينه عن تغير زوجج فهذي المصيبة عربية .. رجاجيلنا عندها مؤشر حساس ضد الكآبة ... عسى ما تمل الزوجة درجتين الا الرجال ملااااااااااااااااااان 1000 درجة .. و السبب ان العنصر النسائي يدلل في العنصر الرجالي بشكل خرافي فاذا قلت نسبة التدليل اختل التوازن عند الرجل .. وبالتالي عند المرأة ..آه :11:

افضل طريقة سمعتها وجربتها وقريتها هي : الفراق المؤقت بين الزوجين ... يا ليت تسافرين ..او يسافر هو ..اقل شي مدة شهر ... يمكن ترتاحين اسبوع بس بعدين تبتدي نار الشوق اشوي اشوي ...وتلتهب في الاخير .. وما تصدقين انج تشوفينه وهو كذلك ...

( الطريقة مجربة شخصياً وهي فعالة وفتاكة :23: )

ولا تشيلين هم .. ترى المشكلة حتى اذا كانت صغيرونة وشلنا همها وكبرنها ..تكبر وتصير معضلة عويصة ...

فكري في شبابج اللي تعيشينه مرة وحدة بس .. وفكري في هالزمن اللي تقعدين يوم السبت ما تشوفين نفسج الا في عصرية الخميس .. الوقت يطير والعمر يطير وياه ...

ولا تحطين في راسج اوهام وخيالات ( يحبني والا لا ؟) شوفي المواقف الحلوة اللي وياه ...
وجربي طريقة المراسلة .. لا تتكلمون مع بعض .. عبري عن كل المشاعر بالكتابة في قصاصات ... هذي الطريقة تولد الرومانسية و الجو الشاعري .. ...

التجديد اهم شي بعد كم سنة من الزواج ...اذا بامكانج نقلي غرفة نومج من مكان الى مكان ثاني حتى لو اصغر ... وتغير طقم الشراشف والابجورات ...ووووو ..المنتدى مليااااااااااااااااااااااااااااااااان من افكار التجديد .. افكار حلوة وسهلة ...

طولت عليج:time: صح ؟
سامحيني بس ولاني مرت بنفس الشعور .. وحسيت بالمه ومعاناته حبيت اساعدج باللي عندي ..



امنياتي الكبيرة بالسعادة
-------------------------
ولا يخلص خياااااااااااااااالي

لاتشيلي هم اختي الكريمة باذن الله فترة و تعدي عليكي بالاخلاص في الدعاء وانا عجبني مرة رد خيالية

بصراحه الله يعينك اختي وكلنا مرينا بفترة الملل المؤقت بس الحين الدور والباقي عليكي حاولي انك تجددي في نفسك شوي في شكلك في لبسك وحتى طريقة كلامك اتقربي منه الصقي فيه وحتى لو شفتيه يمانع شوي مصيره بيرضى
لا تخلي اطفالك ياخذوكي منه لما يكون في البيت فرغي نفسك له لما تشوفيه متضايق لا تناقشيه
وانا من وجهت نظري ان النوم الانفرادي يباعد بين الزوجين احسن لما يكون نايمين مع بعض نومي اولادك لوحدكم حتى مايزعجوه في النوم اهم شي لا تتركيه ينام لوحده
وزي ماقالت خياليه ابعدو عن بعض لفتره بسيطه بس خلال هذي الفتره بين له شوقك له وحبك له وانك مو قادره تنامي بعيده عنه ........ ومن هذا الكلام
او سافري انتي وهو لوحدكم من دون الاطفال وحاولو تتناقشو في المشكلات ولو كانت بسيطه لانها ممكن تكون متراكمه وممسببه فتور ................ حاسه اني هرجت كثير
المهم ديري بالك على زوجك وعضي عليه لا يطير منك

فترة وتعدي خليكي شاطرة واتعلمي من الحياة
استغلي الفرص الحلوة
جددي في كل شيء البيت #اللبس #ا لمكياج
اهتمي بااغرضه زيني غرفه النوم بشموع وحركات رومانسيه

اسحريه بحلاوة كلامك اغريه بجمالك اذبحيه بحبك
في البدايه بتكون فيه بعض السلبيات معليش المهم النتيجه في الاخر يارب يارب يارب يهدي سركم امين:31::31::55: