للمتزوجات .. هل اخوات زوجك ... ؟؟

السلام عليكم والرحمه ...


اهلين اخواتي .. كيف حالكم ان شالله بخير .. :26:

باختصر لكم الوضع ودي اعرف هل في كثيرين مثلي متضايقين من هالشي ولا عادي عندكم ... ؟؟؟

اخوات زوجي عندهم طبع بصراحه مره شين .. يوصفون بنات الناس عند زوجي .. وكأنه محرم لهم .. !!!

ومره زوجي كان قاعد معي ووحده من اخواته .. سالتني في وحده جسمها مره يهبل وشعرها اسود وكاريه وملامحهها وهات ياتوصيييييييييييف .. منهي هاذي ؟؟؟

وتقول ان لو ولدي لو شاف هالبنتين ياللي بزواجك كان انبطح في الشارع من جمالهم .. !! :eek:

وزوجي فيه قاعد يسمع .. !!!!!!!!

ووحده من اخواته بعد تقولي بنت خالتك وشلون مواصفاتها ؟؟ بيضا جسمها حلو شعرها ناعم ؟؟؟ وزوجي فيه .. رديت عليها قلت لها اسفه حرام اوصف بنت عند واحد مو محرم لها .. وسكتت ..

بس ماكأنها سمعت والله وتعيدها ..

ياختي فيهم طبع يقهر ..

حتى حمواتي.. زوجي حافظهم صم من كثر اخواته يوصفهم .. !! :(

ووحده من حموات زوجي اختها يصير .. تخيلوا بنات يقولي زوجي .. شفتي مرت اخوي الفلاني .. قلت وشفيها قال شفتي اختها ؟؟ قلت اي شفت اخواتها .. قال اختها اللي اسمها فلان .. تشبه مره الفنانه الفلانيه .. !!!!!!:eek:

قلت ومن قالك .. :angry2:

قال اختي الفلانيه قالتلي .. انهرت وعصبت عليه قلت له حرام والله حرام

يابنات مو غيره ولا شي .. بس انقهر لانه حرام .. بنات انا واثقه بنفسي يالله لك الحمد .. والكل يمدحني .. ...

بس انك توصف بنات الناس عند رجاجيل حراااااااااام :(

تخيلوا اخو زوجي .. ولده الكبير كبر زوجي يصير .. والله انا اكون متغطيه بجلالي .. وامشي ورب الكون مافك عينه عني لين مارحت .. وعلى هالحال ويطالع طبعا بدون حضور زوجي .. يوم اكون مع امه وحمواتي مايناظر الا انا ..

حتى اخوان زوجي قسم بالله يطالعوني .. وانا استاحش .. بس مااقول لزوجي عشان مايعصب ويصير هواش بينهم ومشاكل .. انا في غنى عنها ..

انا اقول لزوجي .. انت ترضى ان احد يوصفني عند اخوانك ولا احد غريب ؟؟؟

يقولي لا اكيد ماارضى . قلت له طيب لاتسمح لاخواتك بهالشي نهائي .. لاشفتهم يحاكون في حريم وقفهم عند حدهم .. ولاتعطيهم مجال ..



يابنات ماتتخيلون والله .. اتوقع اخوانه حفظوا ملامحي ويجيهم فضول يشوفوني من كثر مااخواته ماشالله يوصفون .. !!

......
ومااقول لا .. والله حمواتي كلهم طيبينواخلاقهم تهبل ..ومحترمين ماشالله عليهم واحبهم .. واحب اقعد معهم كثير كنهم خواتي ..

واحس انهم بعد اهم يتضايقون بهالشي .. بس ساكتين ..

المشكله يوم ارد بعض الاحيان يقولون لي يحليلك تغارين على زوجك ؟؟:eek:

اصلا قبل ماتكون غيره حرااااااااااااااااااااااااااااااام تعبت وانا اقولها .. وتلقينها اهي ماترضى احد يوصف اي حرمه عند زوجها اهي ..

الحمدالله والشكر .. يارب ..

بنات من في مثلي يصير لها كذا ... :(

عطوني ارائكم واذا في حل لهالمشكله .. بكون شاكره .. لكم ..:26: