اهليــن صبـايـا وعرايس وايضـاً متزوجـآت
موضوعي عبـارهـ عن عدة نقـاط وهي الأخطآء اللي يقع فيها المتزوجـآت
وحبيت اعرضها هنا حتى يستفيدوا منها العرايس بحياتهم الجديدهــ ويتوفقون
يارب .. وايضاً ياليت اي احد عندهـا نقطهـ مفيدهـ او هامهـ تضيفها
ثــالثــاً /
لا تسولفين له عن مشاكلك مع جسمك أيا أيا كانت الميانه ..
ماتقولين تصدق فيني التهابات
أمس ذابحني السهال
يييييييخ عليك
اوووص ..
وخواطرك مع نفسك الي تنقال في المرايه أبدا ما تتكلمين
فيها ..
حبي شكلك..وان تزاعلتي مع شكلك خليه بينك وبينه
رابـعـاً /
بنات كثير تهتم بنفسها بس أول الزواج .. وبعد فتره ولو كانت قصيره .. شهرين ثلاث ..
تبدأ تهمل خلينا نقول بس بالملابس ..
مثلا .. بعد ماكانت تغير يوميا مره والا مرتين صارت تلبس البيجاما
بالليل وتنام فيها
وتقوم وتطبخ فيها .. وتجلس العصر.. واذا ربي رحمها بطلعه
غيرت ..واذا لا تقعد فيها
لا ياماما أوكي طفشي .. زهقتي .. مووووب حلا كل شوي تلبسين ..
هي أعذار غير مقبوله .. خليك متجدده .. الي تنامين فيه تغيرينه لما تصحين ...
بعد الطبخ تتحممين وتلبسين .. وبالليل قبل النوم لبس مخصص له ..
خــامسـاً /
وقت الدوره .. أنا أعرف كيف النفسيه تكون وبس نفسك
تنسدحين ومحد يكلمك...
وهو المفروض يتفهم نفسية البنت قبل وأثناء الدوره كيف تكون
لكن هذا ما يمنع ان يكون شكلك مرتب ونظيفه كل الوقت ..
أول يومين إنتي معذوره .. وتجنبي النقاشات في هذي اليومين ..
أكثر حالات الطلاق اكتشفوا فيها رابط واحد .. ان الحريم بوقتها
يكونون فيهم الدوره
هذي دراسه حديثه بالمملكه .. .. لذلك .. جدا عادي لو قلتي
له ما أقدر أتكلم معك هاليومين أو معليش أنا تعبانه شوي نأجل
أي حوار لوقت ثاني ..
وشكلك ..حافظي على نفسك مع الحفاظ على صحتك خلال
هاليومين..يعني تدفي + ولا تمشين حافيه + لا تشربين
بارد ..الخ
وبنفس الوقت انتي نظيفه .. لابسه لبس مغري
هنا الحكمه .. هنا اللعبه .. هنا الإبداع
049:
وهذا وقت اللبس المغري أصلا .. وإنتي هنا توجهين رساله شوف
بس لا تقرب
وتكونين انسانه مشوقه .. وهو متلهف عليك وعارف قدرك
ســادسـاً /
هالنقطه مشتقه من النظافه برضوو .. فيه دراسه عملت قبل 3
سنين أتوقع .. عن وش الأشياء الي تنفر الزوج من زوجته .. 3
أشياء أجمعوا عليها كل الرجال .. ونقطه واحده ذكروها
الأغلبيه ..وصراحه هالدراسه أمر مؤسف يعني ان المتزوجه
تهملهم .. ..إهمال نظافة الفم .. إهمال نظافة الأندر آرمز ..
والـمنطقه الحساسه .. .. والنقطه الي ذكروها الأغلبيه .. هي
البواطن .. " تحت الصدر , خلف الركب , والمنطقه الي باليد ما
أعرف وش إسمها .." .
ســابعـاً /
علاقتك الخاصه بزوجك .. وش أقولك بس ؟
ولا تنتوفه صغيره تطلع منها .. أرجوك .. أرجوك ..
المسألة خصوصية فوق تصورك .. حتى مع أمك .. حتى بجلسة
بنات ..
حتى بالمنتديات النسائيه .. الي والله أخجل
من ردود بعض العضوات .. لما أتابع لها من بداية المشاركات أحس
إني معهم بالغرفه
حرام والله حرام .. شرعا ما يجوز .. بعد الزواج ممكن تجلسين
بجلسة بنات مستخفات شوي خصوصا يحبون هالسواليف قبل
الزواج .. لا يسحبونك بالحكي لا يخلونك
تنطقين كلمه ابدي رأيك بشكل عام ..
عموما هذي النقطه أنا أتكلم فيها بنسبة 90% وجهة نظر , 10%
من ناحية الدين . لكن كل وحده حره .
ثامنـاً /
زوجك له مسؤوليات , انتي ايضا لك مسؤوليات .
لاحد ياخذ شغل الثاني ,
أغراض المطبخ هو يشتريها مش إنتي إنتي تطبخين له على
العين والراس .
حملتي وولدتي .. وولدك مريض .. هو الي يوديه المستشفى
مش إنتي إنتي تعطين ولدك الدوا وتسهرين معه على العين
والراس
يعني لازم يعرف وش له وش عليه .. أيضا إنتي .. عيب والله بنت
تتزوج تجلس ست شهور سنه ما تطبخ .. هو ماخذك علشان
ياكل من مطاعم ؟
إنتي لك واجبات , ما تهملينها بحجة ما أعرف / أهلي يرسلون
لي .. الخ
وبعدين تتشكين انه ما يقوم بواجب من واجباته .
نفس الشي أستغرب بنت تتزوج وتعتمد في قضاء حاجاتها
بنسبة 80% تقريبا على سواق أهلها , واذا قالت له ودني
مشوار وقال لأ زعلت ..
الغلط راكبك من راسك لساسك .. انتي علمتيه كونك ترفض لي
طلب أنا عندي سواق وعندي بديل لك ..
كوني أطلبك فلوس وما تعطيني بالطقاق الي يطقك عندي أبوي
آخذ منه .
لا ياماما .. صحيح هو رجل وعيب يخليك تعتمدين على أهلك لكن
أحملك الغلط إنتي بشكل أكبر .. عوديه انه هو مسؤول عنك
وأهلك انقطعت خدماتهم لك بعد الزواج الا في الحاجه الماسه ..
لو نمتي عند اهلك اسبوع مثلا اطلبي فلوس .. هو زوجك ..
لو وولدتي اطلبي فلوس لأغراض البيبي أهلك مو مكلفين فيك ..
ونفس الشي " سددوا وقاربوا " خليك وسط في الطلبات .
وقدري حالته الماديه . لا تطلبين أشياء فوق طاقته , راتبه 8 والا 10
تقولين أبي فستان بـ 7 و 11 , عيب
لو كان عندك راتب خليه لأغراضك الشخصيه انتي مكفله فيها هو
مش ملزوم فيها ,
من ناحية دينيه هو مطالب بمأكلك , كسوتك , فقط
خلينا نفترض ان عنده " آجار سكن , فاتورة مويه , فاتورة تليفون ,
فاتورة كهرباء , أغراض للمطبخ " هذي رئيسيه , بالاضافه لـ "
قسط سيارة مثلا , مصروف لك , وشي يبقى معه باقي الشهر "
من وين تبيغينه يدفع فواتيرك وخرابيطك الي ماتنتهي ؟
تكونين انسانه تافهه ومزعجه اذا كان كل همك توافه الأمور في
حال ان زوجك ما يقدر
لما جاك يخطب أظن عرفتي أو قدرتي راتبه وفكرتي في موضوع
هل احتياجاتك عند أهلك مناسبه لراتبه الحالي أو لا , ومسألة
أنا متعوده أبوي يعطيني , خليها لك ..
كان جلستي عند أبوك كل عمرك أحسن..
وبالتوفيق لكم والله يسعدكم ويهنيكم يـارب
