للمتزوجه والي عندها اخت متزوجه

حبيبتى حلوه انج تدخلين على اهلج وبيدج حلو او فطاير وتتفقين مع خواتج اذا كانو متزوجين انه كل وحده تجيب شغله وتجتمعون عند الأهل
واذا كان قصدج اعيالج تجيبين معاج اشياء لهم عند اهلج؟؟ ايه حبيبتى بس مو الأساسيات مايوصل انج تجيبين الماجله ههههه بس شغلات اللى يحبونها الحلويات والشبس والعصائر....

ياوخيتي على حسب مو دايم اخذ معي.وناخذ خفايف فطاير او شابوره او حلويات للعيال
ومن طبعي احب افرح الصغار ببطاصس حلاو وعلوك
اوقات من نخلي العجز له الله يكفينا الشر.

:) حلو طبع النقصة ---> اتخشين لها شي من اللي تحبينه بالمصطلح الكويتي ;)

يعني مثلا تسوين كيكة تودينها معاج ومرات اذا بتروحين على الغدا اتودين معاج طبق تشاركين بيتكم ان يكون اكثر من صنف ..


يعني مو شرط مثل ماقالو لج :)


وعيالج نصيحة لاتعليمنهم على هالطبع .. عن تجربه اعيالج راح يصير لهم اعداء وايد;) تدرين الغيرة موجوده بين الاطفال .. فيعني لو بتييبين حاولي تييبين حق اليهال اللي اهناك كلهم .. واسمالله عليهم بالنسبة لنا اليهال اللي موجودين وايد فيعني ليش اميزهم عن اليهال؟

وجهة نظر حبيبتي ولج مطلق الاختيار

حلو الواحد يروح وفي يده شي
أنا عن نفسي غالبا أسويها
حلى فطاير صينيه بالفرن مثلا على الغدا أو العشاء
شي للأطفال لأن ما عندي أطفال
لما أجيبلهم أستانس لما أفرحههم
طبعا مو ضروري أحيانا الواحد يروح مستعجل مو مستعد
أو المزاج مو رايق أو فجأه......

انا اخذ حلى وفطاير

واخذ عصيرات وفشار او بسكوت لاخواني الصغار