انتي متزوجه من شخص دخله محدووود والحمدلله
وحتى اشرح لكم ايش اقصد بالدخل المحدود
يعني الي يجي من هالراتب يروح للفواتير وتصليح السياره والديون ولكن والحمدلله انك تنامين و تصحين شبعانه الحمدلله
يعني مافي فلوس زياده للتمتع يعني تقولين انا ماشتري هالمكياج او الطخم الغالي خوفا مثلا من فاتوره التلفون لان الدخل محدود (يعني اذا شريتي هالطخم الغالي يعني لازم تاخذين دين عشان تسددين فاتوره التلفون) المهم حبيت بس اوضح ايش يعني دخل محدود ..
المهم انا جدا جاده بسؤالي بس الى حد الان انا وزوجي مااتخذنا القرار سويا
بس حبيت اخذ رايكم عشان افكر اكثر بالموضوع ...
السؤالين هم :
- تبقين انتي وزوجج على نفس الوضع ويبقى زوجك جنبك وتبقين على الدخل المحدود ونفس العيشه
أو
- زوجك يلاقي له عمل بدوله ثانيه و مافيها امااااان بس الراتب الي تعطيه هالدوله ما يقدر زوجج يجمعه حتى لو اشتغل 10 سنيين :32:
وماتشوفيه الا كل ثلاث شهور اسبوع واحد والعقد ممكن يتجدد كل سنـة
الصراحه الاختيار الثاني انعرض على زوجي ولكن لسسسه ما عملنا ايييي شيء يعني لسه ما قدمنا الطلب يمكن حتى يرفضووه لسه ما عملنا اييي شيء وانا عندي قرار بداخلي بس حبيت اخذ الرأي منكم ومن ذوي الخبره ولا تنسون انا بالغربه مع زوجي
وطبعا ملاحظه بسيطه قراري يختلف عن قرار زوجي
بصراحه الموضوع في حيره من الامر بس يبغى لها مجاااازفه
يعني حتى اذا زوجك وجنبك لاتنسين القدر يااختي