أريج الزهور أنا رأيي من رأيك ومتعجبة جدا من الردود اللي اقرأها
وناسين ان المرأة ضعيفه
و حامل
وتتوحم
وصغيرة
وشخصية امها اقوى منها
وانضربت
وفي الاخير يقولون له طنشها واشع انك بتتزوج عليها!!
نعوذ بالله من قهر الرجال
الصفحة الأخيرة
بصراحه لانعلم طبيعه العلاقه بينكم الا من طرفك !
ولانعلم طباع ونفسية زوجتك بالضبط لنسدي النصائح بناءا عليها .... !
المشكله بدأت من بعد ضربك لها كما تقول ..... وصدقني الشي هذا بالنسبه لبعض الحريم قمة الاهانه ويترك جرح كبير ولو كان الزوج على حق .... يجوز المرأه تسامح لكن مستحيل تنسى !!
(بعض) النساء تلجأ لمثل تصرفات زوجتك من دون ادراك وتستلذ بالحركات هذي لاسترجاع شي من كرامتها المهدورة بعد مااحست بالنقص او الضعف بعد اهانتها بالضرب !
لمن قالوا لك بأن تشيع خبر زواج وخرابيط والخ !!!
لا انصحك ابدا بالاساليب الملتويه والكذب!! صدقني الكذب دائما ينتهي بعواقب وخيمه!
يجوز البنت تركب راسها ويكبر الموضوع وينتهي بما لاتحمد عقباه خصوصا انه بينكم اطفال !
نصيجتي لك:
الاستخاره اولا واخيرا
الفتره الحالية انصحك التمسك لزوجتك الاعذار ... فهي مازالت صغيره و(حامل) المرأه في الفتره هذي تتعرض لتغيرات هرمونيه تغير في مزاجها وطباعها غير الوحم !
العلاقه الزوجيه المفروض تكون مبنيه على الاحترام قبل كل شيء,,
انت تقول انها لم تحترمك فضربتها!! صدقني المرأه عندما تعامل باحترام تلجأ لنفس الاسلوب ... يعني لو فرضت احترامك من البدايه واحترمتها صدقني لن يسعها الا ان تحترمك !
المرأه لاتبحث عن الحب بقدر ماتبحث عن رجل يحترمها ويحسن اليها !
الحلول:
في البدايه
علاقتك فيها الآن خليها رسميه لأبعد الحدود !! سلام لها واهلها وتروح تشوف ولدك بين فتره واخرى لأن من حقوقك الشرعيه وماتقدر تمنعك منها ! لاتخلي بينكم حواجز لدرجه انك ماتقدر تروح تشوف الولد ! بس لاتجيب لها طاري انها ترجع في الفتره الحاليه ! لأن اللي فهمته انها الحين في بيت اهلها لأنها حامل وتعبانه مو زعل ... يجوز فعلا هي محتاجه نفسيا تكون عند اهلها هالفتره!
يعني لاتكلمها ولا ترسل لها مسجات لفتره معينه! بس ماتبين انك زعلان او تعاندها !! لا !! خليك عادي!
وابدا لاتفكر انك تقطع المصروف عنهم كتهديد مثلا .. مو علشانها لا ... لأنك مسؤل امام الله عنهم لأنهم في ذمتك وليست من الرجووووله في شىء!
بعد فتره ليست بالطويله ( يعني بعد فتره تطنيش بسيطه)..... ارسل لها مسج مثلا وقول لها انك تبي تشوفها في مطعم او مكان خارج البيت لموضوع مهم !
كلمها (بجديه) عن علاقتكم وتصرفاتها وخليك (حازم) ... من غير كلام حب وغزل ! الى متى سيبقى الوضع هكذا يابنت الناس انا شاريك وابيك وانتي كبرتي وام عيال اذا عاجبك وضعنا كذا انا مو عاجبني ... والخ المهم يكون كلام عقلاني ومن دون تعصب !
اعطيها فرصه ...
اذا تغيرت الاحوال ورجعت ....... لاتحاول تفيض جرعات الغزل والحب كالمره السابقه حتى لاتتعود على الموضوع ! خليك طبيعي وعاملها بالحسنى ........ اعطيها مايكفي من الاحترام واجعلها تخجل من تصرفاتها الصبيانيه ... صدقني ستراجع حساباتها!
اما اذا لم تقتنع بكلامك .... ساعتها لكل حادث حديث ! والحلول راح تكون مختلفه!
واعرف ان كثير من الازواج في بداية زواجهم يواجهون مثل هذي المشاكل البسيطه! ومثل ماقلت التمس لها الاعذار فهي مازالت صغيره ... كلها فتره واتعدي هالتصرفات الصبيانيه :)
آخرا وليس اخيرا
حدد اسباب الخلافات بينكم سواء كانت سلوكيه, اجتماعيه, دينيه, ماليه الخ وحاول تتناقش معاها في الاسباب والحلول لتجنب المشاكل مستقبلا !
مع تمنياتي لكم بحياة زوجيه سعيده .. والله يهديكم ويسعدكم :26: