السلام عليكم ورحمة الله وبركاته
انا بنت عمري 25 جامعيه والكل يشهد بااخلاقي وجمالي تقدموا لي كثير بس سبحان الله كل واحد لازم يطلع فيه شي مايناسبني وبنفس الوقت دايما افكر ليش فلانه وعلانه تزوجزا وانا لا وهاتك يامقارنات مع العلم اني احسن منهم بكل شي المهم انخطبت اختي اللي اصغر مني لشخص ماشاء الله عليه فيه جميع الصفات اللي كل بنت تمناها مااكذب عليكم تأثرت وحسيت اختي ماراح توافق عشان ماتجرحني وظليت الح عليها واقولها كل شي قسمه ونصيب ونصيبي بيجي في يوم من الايام مااخفي عليكم كان قلبي يتقطع حتى بيوم ملكتها فرحت لها كثير بس غصب عني ماقدرت امسك دموعي المهم بالملكه شافوني اهل زوجها وخطبوني بس ماالله اراد صرت ادعي ربي ليل نهار يرزقني الزوج الصالح ويعوضني بدل صبري ودائما اردد لعل الذي ابطأ عني هو خير لي لعلمك بعاقبة الامور
والحمدلله الله استجاب دعوتي بعد ملكة اختي بكم شهر وخطبني شخص ماعمري كنت احلم فيه وتمت ملكتي على خير
والله يتمم زواجنا خير وان شاء الله يرزق بنات حوااااء بالازواج الصالحين والذريه الصالحه عاجلا غير اجل
الإستفاده من هالموضوع
اي بنت ماتزوجت اقولها تقربي من الله وادعيه بكل وقت ولا تيأسين من رحمة الله ونصيبك راح يجيك طال الزمن او قصر الله سبحانه قادر على كل شي يبدل الحال في لمح البصر
لااله الا الله سبحانك اني كنت من الظاملين
كلينكسه طايره @klynksh_tayrh
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
والله يوفقك يارب