بنات بحاول انزل الاجزاء ورى بعض لأني اعرف انه بعض البنات
ماعندهم نت دايما.. او النت ضعيفة.. بس انتظروني
واتمنى بهالطريقة ماتحتر ق احداث قصتي.. واجد التفاعل
(5) الحمدلله على كل حال بعدها بكم شهر حنيت للحمل.. العمر يجري وماعندي غير ولد وبنت وانا وزوجي مانا صغار وبدت الناس تلمح.. وبدأت حركات الحريم ام نص كم.. وقلت اتابع مع الطبيبة بس اخاف من تجربة الاجهاض بعد اللي شفته.. رحت طبيبة ثانية غير الاولى.. هذي كنت اتابع عندها بحملي البكر.. وخبرتها عن تاريخي مع الحمل وحمل الكيس الفاضي وضعف الاباضة والاجهاض وقالت لي نتابع التبويض ونشوف اذا تحتاجين كلوميد.. وضعي بالاباضة كان احسن من اول بس سألتها اذا ممكن آخذ كلوميد لأنه نفسي احمل بتوأم.. أخ بس بالأول ما اريد الحمل وبعدها ولد والحين جاية اريد توأم!! يارب ارزقني ولاتحرمني.. قالت مايمنع وتابعت عندها وكانت عندي بويضتين حجمهم كويس.. واخذت ابرة تفجيرية وحملت نفس الشهر اللهم لك الحمد بس كان جنين واحد مش توأم.. تابعت عندها واخذت مثبتات.. بس صارت تقولي خلاص سيبي المثبت نموه غير صحيح ومافيه نبض ومكانه غير طبيعي.. ماكانت تقدر تشوفه حتى بالسونار الداخلي.. مكانه غريب تحت ومن آثار القيصرية ماقدرت تشوفه بشكل واضح.. كنت مداومه على البقرة والرقية الشرعية كنت حاسة انه فيه حاجة غلط.. تركت المثبت وكنت ادعي واطلب من زوجي يدعيلي بالصلاة وانه اذا ربي ما اراد لي هالحمل واجهضت.. يكون اجهاضي خفيف وغير متعب.. وحلمت اني بغرفة الولادة والطبيبة تولدني وانا مستغربة واقولها انا ما اولد طبيعي وقالت خلاص آدم وصل وولدت بالحلم!!.. وقمت بالنوم حاسة اني خفيفة وماكأني حامل.. وفعلا بدأت علامات الاجهاض وفقدت جنيني بالاسبوع ال 12 طلع بكيسه كانت بدأت عيونه وايدينه بالتكون.. بكيت وقلت "اللهم اجرني في مصيبتي واخلف لي خيرا منها".. ولله الحمد كان اجهاض ولكنه كأنه دوره ما اتعبني ابدا.. بنفس يوم اجهاضي كان عشاء كبير ببيت اهل سلفتي اللي معي عشان ولدت بالسلامة وجابت ولد.. طبعا انا مارحت والكل يسأل عني ويقولون اكيد حامل.. انا ما كنت علمت احد بحملي غير امي.. الحين حسيت باحساس سلفتي اللي متزوجه قبلي واللي اجهضت بنفس يوم ولادتي بولدي البكر!! نسيت الحمل وكان نفسي احج.. صار لي فترة احوش فلوس لأنه زوجي مديون ومتأكدة اذا جا موسم الحج بيقولي ماعندي.. صرت اخذ منه واوفر حتى لو مبالغ بسيطة حتى جمعت له المبلغ (انا كنت موفرة لنفسي).. اتصلت على طبيبتي وقالت ها متى تجين عشان نتابع للحمل.. قلت لها انا حاليا ما افكر بالحمل اريد اريح جسمي ونفسي.. قالت خلاص تعالي عشان نشوف الحبوب اللي تناسبك عشان الحج.. جلست اضحك وقلت لها ماشاء الله فهمتيني، ربي يسعدها.. وحجيت وبالروضة بكيت وبالطواف دعيت.. اللهم لك الحمد اول مرة احس هالاحساس.. فيه مره جاني احساس غريب وانا ادعي بحرقة والحاح.. حسيت انه ابواب السماء انفتحت.. ما اعرف كيف اوصف لكم.. مافيه كلمات توصف هالشعور العجيب.. اللهم ارزقني عفوك.. ياربي كم احببت المشي والدعاء والتلبية.. يارب لاتحرمني من هالتجربة "يتبـــــع"(5) الحمدلله على كل حال بعدها بكم شهر حنيت للحمل.. العمر يجري وماعندي غير ولد وبنت وانا وزوجي...
(7) ده الصلح خير
تركت موضوع الحمل لمدة سنتين قلت لازم اريح نفسيا وجسديا ووظيفتي الجديدة اشغلتني.. بس ما اكذب عليكم التفكير بالحمل ابدا ماتركني بحالي.. وزوجي فديته كان واقف معي ويقول لي متى ماكنتي مستعدة فأنا مستعد.. واذا الله ما أراد ماتشيلي هم خلاص الله رزقنا الولد والبنت والله يطرح فيهم البركة.. الحق يقال زوجي باول الزواج كان قاسي بس مع العشرة ووقفتي معه تغير.. واكيد شاف معاملتي "وهل جزاء الاحسان الا الاحسان" والحمدلله هو محافظ على الصلاة وبالمسجد وماهو راعي خرابيط واللي يخاف ربه ابدا ماتخافين منه.. ربي لاتحرمني منه ومن حنيته..
كنت اوجب الناس واذا وحده ولدت اكون اول المباركين وما ابخل بهالدايا وبالفلوس مع اني انا وزوجي مديونين وحالتنا حالة بس كنت اعتبرها صدقة.. وماتفرق معي اول مولود ولا عاشر مولود.. وصار الكل يدعيلي
رحت للممرخة نفسها وحجمت عندها 3 مرات.. وكانت تنصحني وتقولي انتي محتاجة كي باسفل الظهر ويمكن بالبطن تحت السرة.. انتي اوتارك اللي ماسكة الرحم مرتخية ولازم كي واذا ماكويتي كلما تحملي راح تجهضي!! آخ كلامها مرة عورني خاصة جملتها الاخيرة.. اللي صار اني كفلت ايتام وكنت اعطي اختي المعلمة مبلغ واقولها خصصيه لطفل او اكثر ماعنده للفسحة يعني يشتري اكله وانتي بعدين حاسبي المقصف.. وكنت دايما ايجابية ومبسوطة ومبتسمة.. وركزت على اولادي ودراستهم وأنشطتهم وماشاء الله حبايب قلبي متميزين ومحبوبين..
وانشغلت بنفسي وباسرتي وباهلي عزايم وطلعات وما اطالع غيري وعيال سلفاتي والناس.. بس ما اكذب عليكم اول ما احط راسي عالمخدة بنام احس شي ناقصني.. احس اني ابي بيبي اشمه احضنه انيمه بجنبي.. كنت احس احساس غريب.. كنت احس انه حضني خاوي فاضي فارغ..هذا وانا عندي بنت وولد كيف الي ماعندها.. يارب ارزق كل محرومة ولاتحرمها من الاحساس بالامومة.. وكنت دايما اسمع صوت طفل رضيع يبكي من الجيران.. آخ يارب صبرك
قبل سنتين قلت يابنت خلاص بلاش عبط.. شدي حيلك وخذي بالاسباب وتوكلي على رب العالمين.. وسويت كل الفحوصات ولله الحمد كل شي تمام والمستشفى يقولون ماعندك سبب واضح للاجهاض احملي وبعدين تعالي تابعي.. مرة اتصلت بطبيبة غير اللي كنت اتابع عندهم قبل.. قلت لها اريد اتابع للتبويض عشان اجيب توأم.. سبحان الله خاطري في توأم.. بس قلت لها عندي مشاكل بالاجهاض.. قالت لي بالحرف الواحد انتي رحمك مايمسك واحد.. راح يمسك اثنين؟؟ سكرت التلفون وانكسر خاطري.. بس ما انكسرت عزيمتي
ايوه يابنات اتصالحت مع نفسي ورضيت باللي ربي قسمه لي.. ولجأت للدعاء وبنفس الوقت ايقنت انه لازم اسعى واخذ بالاسباب (وان ليس للإنسان إلا ماسعى* وأن سعيه سوف يرى* ثم يجزاه الجزاء الأوفى).. كان نفسي اكمل دراستي بس ماعندي القدرة المادية.. وكمان من ناحية العمل صعب يرشحوني للدراسة الا مستحيل بسبب ظروف الوظيفة.. وسبحان الله نادوني بالعمل وقالو ترى جات فرصة للدراسة اذا تحبي تكملي الدكتوراة!!!
والله يابنات هالشي كان مستحيل والاشتراطات جات مفصلة علي انا.. كيف سبحان الله سبحان الله.. اذكر اني بوقتها بالعمل.. غمضت عيوني عشان امنع نفسي من البكى واداري دموعي وكنت اذكر ربي واقول كان عندي يقين انك ماراح تنساني.. بالعمل اشترطو قبول الجامعة.. وسافرت للمقابلة وكان عدد المتقدمين كبير نوعا ما.. المقابلة يابنات كانت صعبة صعبة عصروووني وقلت شكلي فشلت وجاتني بعدها آلام بالمعدة كأنها قرحة.. وحاولت انسى الموضوع خاصة انهم بيقلبوا شخصين فقط من المتقدمين.. وقلت مالي نصيب خليني اركز عالحمل.
"يتبـــــع"
تركت موضوع الحمل لمدة سنتين قلت لازم اريح نفسيا وجسديا ووظيفتي الجديدة اشغلتني.. بس ما اكذب عليكم التفكير بالحمل ابدا ماتركني بحالي.. وزوجي فديته كان واقف معي ويقول لي متى ماكنتي مستعدة فأنا مستعد.. واذا الله ما أراد ماتشيلي هم خلاص الله رزقنا الولد والبنت والله يطرح فيهم البركة.. الحق يقال زوجي باول الزواج كان قاسي بس مع العشرة ووقفتي معه تغير.. واكيد شاف معاملتي "وهل جزاء الاحسان الا الاحسان" والحمدلله هو محافظ على الصلاة وبالمسجد وماهو راعي خرابيط واللي يخاف ربه ابدا ماتخافين منه.. ربي لاتحرمني منه ومن حنيته..
كنت اوجب الناس واذا وحده ولدت اكون اول المباركين وما ابخل بهالدايا وبالفلوس مع اني انا وزوجي مديونين وحالتنا حالة بس كنت اعتبرها صدقة.. وماتفرق معي اول مولود ولا عاشر مولود.. وصار الكل يدعيلي
رحت للممرخة نفسها وحجمت عندها 3 مرات.. وكانت تنصحني وتقولي انتي محتاجة كي باسفل الظهر ويمكن بالبطن تحت السرة.. انتي اوتارك اللي ماسكة الرحم مرتخية ولازم كي واذا ماكويتي كلما تحملي راح تجهضي!! آخ كلامها مرة عورني خاصة جملتها الاخيرة.. اللي صار اني كفلت ايتام وكنت اعطي اختي المعلمة مبلغ واقولها خصصيه لطفل او اكثر ماعنده للفسحة يعني يشتري اكله وانتي بعدين حاسبي المقصف.. وكنت دايما ايجابية ومبسوطة ومبتسمة.. وركزت على اولادي ودراستهم وأنشطتهم وماشاء الله حبايب قلبي متميزين ومحبوبين..
وانشغلت بنفسي وباسرتي وباهلي عزايم وطلعات وما اطالع غيري وعيال سلفاتي والناس.. بس ما اكذب عليكم اول ما احط راسي عالمخدة بنام احس شي ناقصني.. احس اني ابي بيبي اشمه احضنه انيمه بجنبي.. كنت احس احساس غريب.. كنت احس انه حضني خاوي فاضي فارغ..هذا وانا عندي بنت وولد كيف الي ماعندها.. يارب ارزق كل محرومة ولاتحرمها من الاحساس بالامومة.. وكنت دايما اسمع صوت طفل رضيع يبكي من الجيران.. آخ يارب صبرك
قبل سنتين قلت يابنت خلاص بلاش عبط.. شدي حيلك وخذي بالاسباب وتوكلي على رب العالمين.. وسويت كل الفحوصات ولله الحمد كل شي تمام والمستشفى يقولون ماعندك سبب واضح للاجهاض احملي وبعدين تعالي تابعي.. مرة اتصلت بطبيبة غير اللي كنت اتابع عندهم قبل.. قلت لها اريد اتابع للتبويض عشان اجيب توأم.. سبحان الله خاطري في توأم.. بس قلت لها عندي مشاكل بالاجهاض.. قالت لي بالحرف الواحد انتي رحمك مايمسك واحد.. راح يمسك اثنين؟؟ سكرت التلفون وانكسر خاطري.. بس ما انكسرت عزيمتي
ايوه يابنات اتصالحت مع نفسي ورضيت باللي ربي قسمه لي.. ولجأت للدعاء وبنفس الوقت ايقنت انه لازم اسعى واخذ بالاسباب (وان ليس للإنسان إلا ماسعى* وأن سعيه سوف يرى* ثم يجزاه الجزاء الأوفى).. كان نفسي اكمل دراستي بس ماعندي القدرة المادية.. وكمان من ناحية العمل صعب يرشحوني للدراسة الا مستحيل بسبب ظروف الوظيفة.. وسبحان الله نادوني بالعمل وقالو ترى جات فرصة للدراسة اذا تحبي تكملي الدكتوراة!!!
والله يابنات هالشي كان مستحيل والاشتراطات جات مفصلة علي انا.. كيف سبحان الله سبحان الله.. اذكر اني بوقتها بالعمل.. غمضت عيوني عشان امنع نفسي من البكى واداري دموعي وكنت اذكر ربي واقول كان عندي يقين انك ماراح تنساني.. بالعمل اشترطو قبول الجامعة.. وسافرت للمقابلة وكان عدد المتقدمين كبير نوعا ما.. المقابلة يابنات كانت صعبة صعبة عصروووني وقلت شكلي فشلت وجاتني بعدها آلام بالمعدة كأنها قرحة.. وحاولت انسى الموضوع خاصة انهم بيقلبوا شخصين فقط من المتقدمين.. وقلت مالي نصيب خليني اركز عالحمل.
"يتبـــــع"
الصفحة الأخيرة
بعد الحج بستة شهور رجعت اتابع عشان الحمل وكانت الامور تمام والحمدلله حملت بس كان حمل ضعيف من البداية وكان الهرمون قليل تقريبا 16!!.. واجهضت للمرة الرابعة ولله الحمد على كل حال وقالت الطبيبة حمل كيميائي.. وش السالفة حمل كاذب وحمل بكيس فاضي واجهاض مميت بدون سبب معروف واجهاض لجنين موقعه غير طبيعي والحين كيميائي ليش هاذا كله؟؟.. وترى انا عندي ولد وبنت.. ليش الحمل الحين صار مايستمر وين المشكلة ياربي وين؟
مرت علي ايام صعبة بكل جمعة حريم لازم يسألون ها مافيه حمل.. ها منتي حامل؟؟ مرة جيت اسلم على حرمة واول ما قربت وتحط يدها على بطني تتأكد اذا حامل او لا.. مرة بعرس كنت اقول للي جنبي هي كبيرة ومن اقاربي القريبين.. اني ما اقدر اوقف كثير من ألم ظهري.. تعرفو ايش قالت لي؟؟ قالت بكل قوة يافلانة روحي تعالجي.. خلي زوجي يسفرك برى للعلاج.. ترى هو ماراح يجلس لك.. اكيد بيعرس وماراح يجلس على طفلين.. انا انصدمت من كلامها بس اعتبرته من باب النصيحة.. قلت لها ترى انا ماعندي مشكلة بالحمل وانا فحصت وكل اموري تمام.. بس مشكلتي بالاجهاض وعدم استمرار الحمل.. تتوقعو وش ردت علي.. قالت نحنا نعرف انك بعد الطفلين ماحملتي اصلا!! وانك ماتحملين!! روح لحقي عمرك وتعالجي!! انا هنا عيوني صارت كذا @_@ وانربط لساني ماقدرت ارد يابنات.. ما قدرت.. يعني كأنها تقول انتي كذابة وتكذبين على زوجك وعلى الناس بس على مين!! نحنا كاشفينك.. ما اقول الا الله يسامحها دنيا واخرة.
والمواقف كثيرة.. وحدة من سلفاتي اصغر مني يمكن بعشر سنين.. ومتزوجة بعدي بكم سنة تأخرت في الحمل ببداية زواجها بس ماشاء الله تبارك الرحمن بعدها الحمدلله امورها تيسرت تولد وبعد النفاس تحمل على طول.. ربي يعينها على تربيتهم.. مرة بعزيمة عند حمولتي اعطتني امسك واحد لأنها تبغي تشيل الثاني يبكي.. وطالعت فيني بكل انتصار..
وانا بقلبي اقول حتى انتي يامفعوصة!!.. وحدة بالدوام تقول لي ترى انتي ماعندك الا اثنين.. يعني وش ارد عليها هاذي!! بس بجد مازعلت منها لأني عارفة انها طيبة وماتقصد.. اعترف انه نتعرض لمواقف كثيرة ونحنا نكون بقمة الحساسية من كل شي.. بس الاهم تبتعدي عن السلبية ورددي الامور الايجابية.
مرة وحدة سألتني بعرس ها منتي حامل.. جلست اضحك يعني كلما تشوفوني نفس السؤال.. ردت زوجة ابنها فديتها: الله كريم.. سبحان الله عجبني ردها واعتمدته لمثل هالسؤال.. ومرة بعزيمة وحدة تسأل بصوت عالي مافي شي بالطريق.. وارد عليها الله كريم.. وتردد حرمة كبيررررة بالمجلس كلامي بحمااااس وكأنها تأيدني بقوة: الله كريم الله كريم.. حبيت ردة فعلها وكل اللي بالمجلس سكتو عني..
"يتبـــــع"