XXX
وقبل ما ابدأ موضوعي هذا اللي أخذ مني يومين من تلخيص قراءات دامت ل3 سنوات
أتمنى من كل العضوآت احترام وجهات النظر وأي قارئة تجد بين سطوري الكلام السخيف الذي لا يضيف لها المعلومة والخبرة الجديدة فأنا استغني عن ردها وخاصة من تعتبر فن التعامل مع الزوج كصنم بوذا ومن يتبع هالتفكير
الغرض إثراء العقول والمفاهيم وترقية عقول قد تكون لاهية عن حياة المسؤولية والالتزام
ــــــــــــــــــــــــــــــــــــــ
شخصية الرجل الخليجية
تختلف تمام الإختلاف عن الشخصيات اللي نشوفها بالأفلام والمسلسلات فهو رجل شديد ولايسمح بالخطأ ويرفض الخيانه ايا كانت ويعشق العشوائية ويكره الترتيب الا ماندر صارم وممكن نجد منهم من هو سليط اللسان ويتمتع بألفاظ بذيئة طبعا مو الكل يرفض اظهار الحب أمام الناس وخاصة أصحابه فأي منا معشر البنات ارتبطت بالجنسية الخليجية فلتتوقع أي من هذه التصرفات والتي نستطيع بإذن الله معالجتها بطريقة تميزنا بها ألا وهي الدهاء والحكمة
أول ما تتزوج البنت تلاقي اختلاف كبيييييييير بين الحياة اللي كانت تعيشها والحياة اللي انتقلت لها ولشخص ممكن يكون أيام الخطوبة الشخص الحنون الطيب المحترم والمرتب والأنيق والمثقف وتكتشف بعدييييييييييييين اختلاف بعض الأمور و المفروض نتوقع هالشي لأننا حتى احنا نبيهم يشوفون الجانب الرائع مننا
فتلاقون البنات يهتمون من أعظم الأمور (حسن التعامل والإحترام والطبيخ وغيره ) الى اصغر شي ممكن نفكر فيه وهو (تبييض الركب والأكواع)
كل بنت عندها من الذكاء اللي ممكن يدمر بلد لكن إحنا بحكم الحياة المرفهة لانستخدم ها لسلاح إلا في الحدود الضيقة ولما نتزوج وندخل هالحياة اللي تجبرنا نفكر وندبر الين تضبط معانا الأمور وبالأخير وبكل سعادة تلاقونا نقول وبكل فخر (والله إني ذكية )
في البداية كل بنت عليها مسؤولية كيف تفهم زوجها وتعرف الطرق اللي تعامله فيها
وطبعا هي اللي بتربح بالنهاية لأنها بتملك قلبه وعقله وحياة هادئة وسعيدة بإذن الله
لسا ماخلصت لحد يرد
أول مفتاح يقول الوقاية خير من العلاج !
لازم تتجنبين غضب زوجك ولو حصل لازم تتوقعين ردود فعله عشان تقدرين تتصرفين بالطريقة اللي تتناسب مع الأمور المقبولة عنده والأكيد بتعرفين الخطوط الحمراء اللي لايمكن يسمح بتجاوزها مثل (خروجك من البيت بدون علمه – استقبالك لأشخاص مثلا وزوجك مايحب يكونون ببيته وما إلى ذلك
وكل رجل وخاصة الخليجين عندهم معتقدات وأفكار خاصة فيهم وما على البنت الذكية إلا إنها تعرفها
خلينا نجيب مثال –
لو إن زوجك مايحب وحده من صديقاتك مثلا أو يتضايق منها أو بصريح العبارة يقولك أنا مابيك تتصلين بهالبنت أو تستمرين بعلاقتك معاها وش تسوين؟؟!!
مو تروحين تقولين لا والله هذه صديقتي واعرفها من زمان( حركات غباء أيام زمان ) لا
بكل هدوء تقولين انا ما أوعدك لكني بخفف من اتصالي وعلاقتي فيها وهذا الشي عشانك مع إنها إنسانه محترمه وأمها تعرف أمي ومن زمان وإحنا قريبين بسسس
سبحان الله الأزواج دائما يثقون بمسألة الأم قوليه إني بروح مع أمي للمكان الفلاني يتقبل على طول !!!
اجيبلكم شي حصل واقعي
وحدة من صديقاتي بنت دلووووووووووووووووووعة مرة( لزوم ترفيه بيت العائلة )
المهم تزوجت واحد الله لايوريكم يبي حياة ترتيب وحب واهتمام وووو!
وهالبنت تعشق شي اسمه صديقات وتحكيله كل يوم عن صديقاتها وفلانة وفلانة
وتهاوشت مع زوجها بالسيارة وتدق عليها صديقتها هذيك اللحظة قامت بكل برود ردت وتهلي وترحب وتسولف
وش تتوقعون زوجها بالله بتكون ردة فعله ؟؟!!
طبعا هو ماسوى شي سكت (وبدون مبالغة اكيد كذا شكله)
ويطلع من البيت بعد فترة ويروح السوبر ماركت ويدق عليها وهي انتظاااار( واكره شي عندهم الانتظار )
تتوقعون قفلت وردت عليه لااااا كملت مكالمتها وهذاك يدق وماأحد يرد !!!
رجع البيت وصارت بينهم مشاكل وكله بسبب صديقات واخرها تطلقت
طبعا انتم عارفين الأخطاء مايحتاج أقول
ـــــــــــــــــــــــــــــــــــــــــ
المفتاح الثاني –
كوني رفيقة الأحزان والهموم
الرجل معروف انه طفل كبير يحتاج للحنان والحب ومهما كان عاقل وحكيم وحتى لو ماكان رومنسي فهو ممكن يلتفت لأمور أنتي ماتحسين وتشعرين فيها وأهم شي يحبه انك تشاركينه همومه وأحزانه وما يحب يلقاك بس في المواقف المفرحة
وش تسوي لو جاك مهموم ومتضايق ؟
اجلسي قدامه بالضبط وامسكي يدينه وقولي له وش فيك متضايق ؟
طبعا المماليح أزواجنا مايحبون يقولون ولا يبينون هالشي يمكن يعتبرونها من ضغف الشخصية
ممكن يقولك مافيني شي ؟
لاتكررين وتسألين ولا تقولين ماعاد يحبني ويثق فيني لااا
خلاص قوليله ياقلبي كل شي بيكون خير إن شاء الله وسع صدرك ومافي شي يستاهل ومتى ماحبيت تحكيلي بتلقاني جنبك وقومي وخليه وبتلقينه بعد فترة بيقولك كل شي
(كتاب رجال من المريخ ونساء من الزهرة )
_____________
XXX
المفتاح الثالث-
إياك ووالدته
مهما كان زوجك يحبك ومهما اختلفت شخصيته لاتعتمدي على ذلك وانت تتعاملين مع والدته او وانتي تتكلمين عنها وحطي ببالك مهما كبر الرجل فهو الطفل الصغير بعين امه وممكن أي رجل يتغاضى عن أي خطأ الا اذا مس كلامك الوالده العزيزة اعتبريها مثل امك وحتى لو كانت شديده ولا حشريه واجبك تتحملينها وتخدمينها وتحترمينها وتذكري بالأخير انك مأجوره
لسا ماخلصت لحد يرد