سبائك العسجد

يعطيك العافيه على تجاوبك معنا بابداء رائيك في الموضوع

وفعلا انا اقول مهما يكلف غالي اورخيص المهم انه لي وماحد لبسه اوشافه على احد غيري
امافكرة البيع هذه احسهاغريبه كيف ا فرط فيه وهو اذا الله وفق يكون احلى ذكرى

تصدقون ان لي عشر سنوات متزوجه ولازت محتفظه بالفستان وكل اكسسواراته والمسكه ومحافظه عليهم كانهم موديل السنه\
تصدقون عاد حتى غترة زوجي محتفظه فيها من بعد الليله مالبسها ومحافظه عليها

وينكم يابنات
معقوله يابنات مافيه احد مخطوب او متزوج غير ياس و رفيف وسبائك العسجد

همتكم عطونا ارئكم وشاركونا نشوف افكاركم ونظرتكم للموضوع

والله يتمم على خير لكل البنات
سبحانك اللهم وبحمدك سبحانك اللهم العظيم

أنا رايي ثاني.. صح انها ليلة مميزه.. بس مب شرط يكون الفستان مفصل خاصة لي.. لأني بصراحه ولا مره حضرت عرس وانتبهت لفستان العروس.. ويعور القلب والله يوم ينلبس الفستان ليلة بس وينصرف عليه مبلغ كبير..

أهم شي عندي تكون قصة الفستان مرتبة ومناسبة لجسمي.. والعرروس تبرز بالمكياج و التسريحه والطرحه والورد مب بس الفستان.. وأهم شي الإضاءة اللي تسرق أنظار المعازيم وتخلي العروس كانها ملاك..

عرضت علي وحده من الصديقات استاجر فستانها.. ومحتارة لأني ما جربت الفستان بعدني.. وإذا ما عجبني يمكن أستأجر فستان يكون على ذوقي..

والله يوفق كل العرايس ويتميزون في أحلى ليلة..

يا أخوات ليلة العمر اللي تتكلمون عنها ما تعني انك تسرفين كل اللي قدامك و وراك .. ترى حتى الايجار يكون احيانا اغلى من اللي تبي تبيع او تبي تفصل جديد في ناس تأجر بـ 3000 الاف وفي ناس تأجر بـ 5000 الاف ويمكن اكثر و ربما تجدين في الاسواق او يمكن تفصلين انتي بنفسك اقل من الخمسه او الثلاثة الاف اذا الفكره مو فكرة مهما كلفني او مهما كان سعره .. كل وحده و لها ذوق وكل وحده تبي تطلع في ليلة زفافها اجمل مما كانت عليه قبل الزفاف. بس ترى الفستان ما يجمل المرأه بسعره ولا بنوعية قماشه ولا حتى بخياطته .. جمال المرأه في راجحة عقلها

مثال : تجي وحده تلبس فستان كلفها 25 الف عشان مبدأها انه مهما كلفها تبي تلبسه و تجيكم الثانيه لابسه بمبلغ 5000 مثلا وطلعت احلى من اللي لابسه الفستان ابو 25 الف..... الجمال مهوب بس في السعر ولاُ التكلفه الذوق له دور .. انا الان مقبله على زواج و مثلي مثل غيري ابي فستان يليق بشكلي و ابي اطلع في ذيك الليله شي ثاني مثل ما نقول بس رحت السوق و شفت اللي بالسوق اسعار خياليه و اقمشتهم الله لا يوريكم اغلبها من ابو ريالين بس عشانه جاهز يكون غالي شوي .. و شفت فساتين ايجار بعضها الرخيص وبعضها اسعاره معقوله وبعضها اسعاره مقاربه لاسعار الاراضي والبيوت ... بس الموديل يا بنات المودييييييييل يعني اروح أشتري بخمسه وعشرين او نقول عشره يله ولا تزعلون عشان ما تقولون تبالغ في كلامها "مع ان هذه الحقيقه" المهم اشتريه بذاك السعر عشان الليله اللي نقول عنها انها ليله مميزه في حياتنا .. في حين اني شفت فستان للايجار باقل سعر لنفرض بخمسة الاف بس ما ابي اخذه عشان غيري كان لابسه بصراحه وغير كذا وش يقولون عليٌ الناس ماخذه ايجار " واخزيااااااه لا مستحيل "

طيب يا اختي فكري شوي انتي لبستي اللي خيطُيه وكلفك اثاث منزل بيتك او لبستي ابو 25 الف و طلع عليك جيد و رحتي لبستي الفستان اللي مأجرته و طلع عليك جنااااان ؟؟ طيب و بعدين ؟ ما تبينه صح؟ حتى لو انتي طالعه فيه تجننين ؟ ليه طيب ؟ عشان الناس يقولون ايجار ؟ ولاّ عشان غيرك لابسه قبلك وانتي طبعا تبينه خاص لك ؟ طيب اختي فكري شوي معاي .. الليله اللي نتكلم عنها "المشكله مهيب ليله بعد كلها ساعه واذا كثرت ساعتين ساعه عند المعازيم والساعه الثانيه عند الزوج اللي ما يعرف يفرق بين ايجار و بين تمليك و اقساط ذاك الوقت " طيب و ثاني يوم ؟ الفستان في الدولاب واليوم الثالث ؟ صراحه مسوي زحمه على الدولاب خلني احطه في كيسه كبيره عشان ما يصير فيه شي و اخبيه فوق الدولاب .. بعد اسبوع ها فلانه وش صار على فستانك والله اسكتي ماني لاقيت له محل حاطته فوق الدولاب حسافة الفلوس اللي خسرتها فيه ؟ ما ودك تأجرينه طيب ؟ "البعض بيقول " لا والله انا احس انه شي خاص ما ابي غيري يستخدمه "و البعض الاخر" يا ليت تلقين لي وحده تأجره ... بكم تبينه طيب ؟ والله شوفي انا صراحه كلفني السعر الفلاني يعني بصراحه ما يطاوعني قلبي أأجره بألفين حرام مهما كان انا خسرت فيه .. طيب اللي تبيه ما تقدر تدفع السعر اللي انتي تبينه ولا تنسين انك لبستيه وغير كذا هالحين له سنه أو سنتين .. طيب وش السوات يا فلانه ؟ تدرين عاد ! خليه منطول في الدولاب اجل " طيب خوذي الالفين او الثلاث استفيدي منها ولا الغبار اللي بياكل الفستان لا وغير كذا الموديل اللي بيصير اقدم من قديم والموضه كل يوم طالعت لنا بشكل ... لا لا خليه يقعد ذكرى " ذكرى ولا اصاله ؟ "
اي ذكرى يا بنت الحلال امهاتنا تزوجن و هالحين لهم سنين و جابونا وش الذكرى اللي بتقعد معك العمر كله ؟ الانسان وهو روح و بشر يبي يختفي في يوم من الايام يعني فستانك مهوب مختفي ؟؟؟؟

يا اخوات تذكرو ان الفستان او الاكسسوار او الميك اب او الحنا او اي شي اخر تتجمل فيه المرأه في ليلة زفافها ليست الا مكملات فقط للمرأه المرأه جمالها و زينها منها و فيها في عفتها و في ايمانها وفي تفكيرها وفي تربيتها وفي روحها وفي انوثتها وفي اخلاقها و امور ثانيه معنويه اكثر من انها ماديه محسوسه ... يا اختي انتي تبين تعيشين باقي حياتك مع زوجك يعني تبين تكونين دائما جميله في نظره مهوب بس في ليله وحده !!!! يا اختي تذكري انه في ناس في حاجة الـ 25 الف اللي تبين تحطينها في فستانك هذا اللي تبين تلبسينه لمدة ساعتين

ربما الـ 25 الف تقدرين تعيشين فيها 5 أسر مشرده .. او تبنين فيها مسجد في مناطق في حاجه لهذا المسجد حتى المساجد في الخارج صارت ما تكلفك اكثر من 20 الف ... وفي الاخره صار عندك بيت في الجنه ... يعني البيت رح تكونين فيه العمر كله مخلده بأذن الله تعالى .. وهو اللي رح يكون لك احلى ذكرى مهوب الفستان اللي مصيره ينرمي في يوم من الايام هو اللي بيصير لك ذكرى !!! 25 الف ريال منطوله فوق الدولاب !!! والجيل القادم بتصير فساتينهم فوق الثلاثين يمكن .. و نشتكي من حال الامه الاسلاميه الان !؟؟؟

ما ابي اقولكم لا تشترون ولا ابي اقولكم لا تأجرون ولا القصد انك تلبسين خيشه عشان تقتصدين .. لكن القصد انك تفكرين و تحكمين عقلك خلي الناس اللي شايله همهم على جنب شوي و خلي عندك قناعه شخصيه انك اللي تبين تسوينه في هاذي الليله عشان ترضين ربك اولا ومن ثم نفسك و بعدها كيف تصبحين جميله في نظر زوجك .. والله يا اخوات نحن في نعمه نحسد عليها لا وفوق هذا نتدلع بعد و مهوب عاجبنا و ندور الغالي عشان الناس تقول فلانه جابت قماشها من المكان الفلاني و صممه لها المصمم الفلاني .. المصمم يبي فلوسه ولاُ ما درى عنك طلعتي حلوه ولا لبستي الفستان بالمقلوب ذيك الليله ... يعني مبدأ "يا مدور الهين ترى الكايد اغلى " حاولي تغيرنه لانه ما انقال في الفساتين و لوازم الحياه

البسي المعقول و المناسب و الذوق قبل كل شي مثل ما قلنا يعني في بنات شفت فساتينهم كلفتهم فوق العشرين الف والله و من غير مبالغه ويوم شفت الفستان بصراحه عرفت ان البنت انضحك عليها وانها بصراحه ساذجه في تفكيرها لاني يوم سألتها ليه طيب كلفك كل هذا مع اني ما اشوف فيه شي غريب الا تقول لي يا حبيبتي يكفي الناس اذا درت انه من المصمم الفلاني والقطعه من لبنان وان سعره كذا ..
أي سذاجه هاذي ؟ وش ها لتفكير اللي وصلنا له ؟
وفي نفس الوقت شفت وحده تبي تأجر فستانها بقيمة 1500 ريال "شوفو الفرق" و مع العلم انه كلفها اقل من 8 الاف يمكن و بصراحه في جمال فستانها الى الان ما شفت لون و قماش و موديل و نعومه و طرحه وكل شي ..بس البنت حبت تستفيد و تفيد غيرها ولا هوب عيب ترى .. العيب اني انفخ نفسي و اطامر فوق عشان الناس بس تتكلم عني وبعد شهر من الزواج ادور جمعيه .

نصيحه يا اخوات في شريط اسمه "الزواج الناجح" للشيخ عايض القرني .. انصحكم انكم تسمعونه .. كل وحده منا تبي الله يبارك لها في حياتها والكل يبي التوفيق يا ليت نبحث عن اسباب البركه و هذا التوفيق اللي اتمنى ان الله تعالي يرزقنا اياه و يرزق كل بنات المسلمين .. اللهم أمين .

وهذا اللنك حق الشريط

الشيخ عايض القرني "الزواج الناجح"
http://198.65.147.231/lecturs/3aedalkarnee/2704.ram

وفي غيره اشرطه مفيده تتكلم عن الزواج منها :

الشيخ سعيد بن مسفر " المرأه و الزواج"
http://198.65.147.231/lecturs/salmesfer/1229.ram
رساله الى العروسين
http://198.65.147.231/lecturs/salmesfer/1352.ram

الشيخ محمد المنجد
الزواج بلا منكرات
http://198.65.147.231/lecturs/malmonajed/42.ram

و اسفه على الاطاله.



http://198.65.147.231/lecturs/3aedalkarnee/2704.ram

يزاج الله ألف خير اختي مطفـوقة بس ثقل...

بصراحه ردج وايد حلو... وأثر فيني وايد.. واسمحيلي انقله في الايميل وغيره لباقي الاخوات..

صدقتي.. بدل ما اصرف 25 ألف على فستان.. اصرف 20 ألف وابني فيها مسجد.. واصرف خمسه على الفستان.. مع ان الخمسه وايد والله :( وبحاول قدر الامكان القى ارخص..

يا جماعة الخير.. تدرون اكثر شي ينقهر الشيطان يوم يصير زواج لانه يبا الحرام ينتشر مب الحلال.. والظاهر انه يعوض هالخسارة في تشجيع الناس على التبذير والاسراف عشان يحرمهم الله من البركه والتوفيق في هالزواج..

اليوم تناقشت ويا خدامتنا في هالموضوع.. بغيت اعرف عاداتهم في اندونيسيا وكم يصرفون على الفستان.. وقلتلها نحن الفستان (التفصيل الرخيص وايد) عندنا يكون حوالي 8000... وبنات توصل فساتينهم ل30 ألف وما فوق.. والايجار متوسطه 6 آلاف!.. تدرون شو قالت والدمعه بعينها؟!! قالت حرام والله نحن 30 ألف عندنا يسوي بيت كامل... ونحن فستان واجد غالي مع طرحه ونعال وكل شي 300 درهم..

لازم نراجع حساباتنا.. الله معطينا خيــــــــر وااايد.. وبيحاسبنا عليه

وسلامتكم الغاليات..