مصرية رقيقة :

ازيكمممممم يا مصريات ويا خليجيات أشلونكم؟ههههه بحاول اتكلم زيكم انا بقى خطوبتى كانت غير متوقعه برده هو كان زميلى بس في الشغل هو مش معايا في نفس المكتب لكن في نفس الشركة وكنا كل ما نتقابل في الشغل يهرج معايا ويرمي تلميحات يخلينى اقول في بالي ماله ده ؟ انا ما بحبش التهريج مع الزمايل الا في حدود ضيقه جدا وبشكل جماعي المهم لقيت صاحبكم مره بيقولى صوتك في التليفون حلو قوي قلت لا ما بدهاش بقا اديت له احلى بوز وتطنيش عالآخر ومعامله كلها تجاهل وكانى مستغلساه وحاولت اوصله الاحساس ده وفعلا كل ما كان يشوفنى ما يكلمنيش ولو اتقابلنا صدفه يحط وشه فى الارض ويعمل مش شايفني ، مرت الايام واتجمعنا في شغل مع بعض لمده شهر لقيت طريقته اختلفت معايا ومافيش اى تلميحات فرجعت ذوق معاه تاني واتغيرت فكرتي عنه وفهمته صح . الا ان فاجئنى فى اكتر يوم محرج في حياتى انه عايز يخطبني وقالهالى كده في وشى بدون اى مقدمات من لبختى مسكت الموبايل بصيت فيه ( قالى بتبصي على ايه) قلت له مش عارفه ووشي جاب جميع الوان الطيف . بس بجد احلى يوووووم في حياتى وكل ما افتكره قلبي يدق لانه فاجئنى ( زي الأفلام ) وكان رقيق قوي معايا وبالرغم انه سافر بعد الخطوبه باسبوعين بس لكن احنا مرتبطين كاننا نعرف بعض من سنين لاننا عرفنا بعض في البدايه بشكل طبيعي عرفنا على بعض بدون اى مظاهر معلش طولت عليكم بس انتوا فكرتوني بذكرى جميله وجمالها في مفاجئتها .

ازيكمممممم يا مصريات ويا خليجيات أشلونكم؟ههههه بحاول اتكلم زيكم انا بقى خطوبتى كانت غير متوقعه...