:26:

السلام عليكم ورحمة الله وبركاته.......

هذي أول مشاركة لي.....

عزيزاتي بنات عالم حواء......موضوعكم هذا داس على جرحي الأليم


في نفس الوقت موضوعكم شيق وايد......

من بعد الله ما لي غيركم.....

عندي مشكلة وما عرفتلها حل.....ساعدوني الله يخليكم.....

يوم قريت ردودكم ويوم اسمع كلام كل بنت عن خطيبها

أحط ألف علامة استفهام جدام خطيبي

أنا الحين صارلي مالكة تقريباً أكثر من سنة ونص

وفيه ظروف منعتنا من الزواج وتأخيرنا

أول شي هو شافني يوم الملكة وسلم علي وتصورنا وعادي

الموقف المضحك في ذيك الليلة أن أخونا ما يعرف مكان الدبلة وين يحطها

ويسألني عن مكانها وانا طبعاً مستحية وواصلة حدي وأشرتله على المكان بعد تردد

اللي لاحظته أنه خجوووووووووووول كثيراً وهذه المشكلة تؤرقني

هو معروف أنه خجول بس وايد زين

تخيلوا أني ما كلمت خطيبي غير مرة بعد الملجة بأشهر وكانت مناسبة عيد :06:

بالاوّل توسطت اخته عشان يكلمني وأمي قالت مب الحين انتظروا شوي لأنهم على طول طلبوا

وبعد أشهر وعن طريج اخته بعد ما كلمت امي تكلمنا لأول مرة وكان باين أنه خجول بس طيب وايد

وآخر جملة قالها : عاد لا تقاطعينا

أثرت فيني وايد بس ما عاد كلمني بعد ذيج المكالمة لصعوبة الوصول إلي والله أعلم

يعني يوم كلمني كان بتليفون اخوي وهذا أكيد يخجله

مرت على هالمكالمة سنة تقريباً وعذابه يكبر بقلبي

المشكلة أن اخته كبيره ولا اقدر أتفاهم معاها أو شي

وهو ما يقدر يوصلي وأحياناً يطرشلي سلام مع أخوي بس يقول سلّم عالأهل( يقصدني أنا) أقولكم خجوووول

واخوي الحين مسافر ولا اقدر اعرف شي عن أخبار خطيبي أبداً لأنا ما نحتك بعايلتهم وايد

ما اعرف أفسر موقفه ولا اقدر أتعذّرله....مع أنه إنسان طيب وخلوق بمعنى الكلمة

وانا حاسة أنه يبي يكلمني بس خجلان......حتى أخوي قالي هالكلام

يمكن لأن أخوي أصغر عنه ب 4 سنوات فيخجل يطلب منه أنه يكلمني

بس قال أخوي أنه حس أكثر من مرة أنه يبي يكلمني بس ما عارف يبدا

اللي قاهرني وجارحني في الموضوع أنه تمر علي أيام أحتاجه يواسيني واحتاج رايه فاشبا كثيرة

ما الاقيه قربي.....واللي يحزنّي أكثر أنه مر بظروف كان لازم أواسيه

بس ما قدرت أبدا.....مستحيل.....لأني ما اعرف طبعه زين....وشو بيقول عني

ولا اقدر أعرف اخباره إلا بالعافية ويا ليتها كلها صحيحة

وما ادري شسوّي......مليت من هالحالة.......

وفي نفس الوقت أقول أحسن أجابل دراستي خاصة أن تخصصي شوي صعب ويبيله تركيز

أحس بالذنب مرات يوم ما اقدر أشاركه أفراحه واحزانه بس شسوي

وودي أعرف عنه....شو يحب وشيكره.....وعن طبعه

باختصار.....أبي أعرف زوجي

وابوي ما معارض فكرة التليفون أبداً بس كيف يبدا

وانا حاسة أن اخته خذتها مسألة كرامة لأن الوالدة ما وافقت في البداية وقالت اصبروا بس ما اعترضت

وانا مستحيل أبدا

أدري أني طولت عليكم بس ما لي غيركم.....ساعدونيييي

أنتظر الحلول وآراءكم


أختكم: قمر الليل الحزين

وسعووووووووووووووووووووووووووا رتوجه وصلت
أول شي بقول لقمر الليل الحزين كلمه شوفي حبيبتي مدام اخوج يدري انه يبي يكلمج خلي اخوج يجرأه يعني يقوله تبي تكلم فلانه او انتي عطي اخوج رشوه عشان تكلمين زوجج زووووووووووجج موغريب وانتي ماسويتي شي غلط والله كلمي اخوج اكسري خاطره وصدقيني هو راح يكون الوسيط بينكم والله ماراح تخسرين شي

ثانيا مشكووووووووووووووره حبيبتي بسمة ملاك على هذا الموضوع وانا كنت بحط موضوع نفسه وموضوع شنوا المواقف اللي اثبتت حب خطيبج لج وارجو انكم تكتبونها
شوفوا بنات صح في بداية الخطبه راح تنحرجين بس صدقيني خطيبج يا يخليج تتجراين معاه يا يحبطج ويخليج ماتبين تكلمينه وصدقيييييييييييييييييييييييييييييييييني انتي بيدج تخلينه مايفارقج أسألوا مجرب
أنا قبل كنت انحرج وهويعني
بس بعدين تطورت.......صرت بوكيمون خخخخخخخخخخخخخخخخخخخخخخخ
كلمة احبك كان ينطرها تطلع وانا كنت بقمة احرااااااااااااااااااااااااااااااجي تدرون بعد الحاحه كسر خاطري تدرون اشسويت ارسلت له اهداء شعر على نقاله ووراه سجلت صوتي وقلت احبك
يقول انا كنت اسوق السياره وبس سمعت هالكلمه اعتفست وربي بغيت ادعم
بعدين قمت اقوله احبك بالاقسااااااااااااااااااط خخخخخخخخخخخخخخخ
والحيييييييييين والله 24 ساعه
وتدرون احلى وقت متى تقولووووووووووووووونها والله راح ينهبل عليييييييها ودايما اسويها فيه والحين صار يقلدني فيها هههههههههههههههههههه
بشوف ردودكم واقولكم متى احلى وقت تقولونها وصدقيني راح ينبهر فيها
واي استفسارات انا حاظره
تحياتي
رتوجه:26: :24:

حبيبتي قمر الليل الحزين

اذا عندج نقال وهو عنده طرشيله مسج حلو وقوليله انت قلت لاتقاطعينا وانا اسمع الكلام

او اذا ماعندج دقي عليه بالبدايه وسلمي وسأليه عن أحواله وسديه بس عوديه بين فتره وفتره وبعدين اقطعي اسبوع تلاقينه راح يستغرب يايدق عليج يتطمن او اذا دقيتي عليه راح يعطيج كل اللي بقلبه لأنه فقدج بعد ماعودتيه على مكالماتج (((( زوجج على ماتعوديه)))) حطي تحتها 650 الف خط
هذي البدايه واذا مانفعت نخترعلج طرق ثانيه لاتحاتين لان فعلا من حقج تعرفيييييييييييين زوجج وهذا احسن
تحياتي
رتوجه.......................تدلع نفسها غصب:27:

اختي *:* رتــــــــــاج*:*

تسلمين أول على اهتمامج وردج الطيب

وانا مشكلتي أني ما عندي نقال بس مكن تليفون البيت أو الوالدة أو أي حد

بس استحي أطلب منهم

وأخاف أدقّله ويقول شو هاي البنت كيف تبدا ومن هالكلام يعني

يعني أنا ما اعرفه زين عشان أقدّر شو بيكون موقفه أخافه يزعل ولا شي

شو تقترحون علي بعد

ومشكورة اختي مرة ثانية:26: