وييييييييييييييين النااااااااااااااااااااااااس

حبيبتي قمر الليل الحزين

حابه اسالك عن البن بعد العشر دقائق ينغسل و الا كيف ؟؟

ردي علي الله يجزاك الجنه لان زواجي احتمال يكون بالصيف

لا تتاخرين بلييييييييييييييييييييييييييييز

تحياتي

السلام عليكم ....

هلا يا قمرة وحلا وق ص ي 100 ويا رمش الليل

ويا هلا بكل البنوتات

كنت أبا أرد على سؤال اختي رمش الليل
بصراحة يا اختي أنا ما جربته لحالي
المصدر الأصلي للخلطة من هنا بس من زمااااان والله ما أذكر
لقيت هالخلطة من وحدة من الأخوات اللي كانن يخزنن الوصفات في ملفات خاصة
فما مكتوب عندها شي زيادة ولا هي جربتها بس صاحبة الموضوع تمدح فيها كثير
بس أظن شي طبيعي أنك تغسليه والله أعلم
وأكرر ترا نوع البن يأثر لانها جربت ببن ثاني وما نفع

واسمحولي كثير على قصوري

هلا بقمره وقمر الليل الحزين وباقي الاخوات

اهليييييييييييين قمره .. انتي اللي لك وحشه
توقعتك ماراح ترجعين .. !!

عموما انا موبيدي اكلمه الا اذا اصريت فعلا
لان اهلي مايرضون ولويدرون اني كلمته اصلا بيسوون لي سالفه
انا توصلني اخباره .. لان بنت اخته صديقتي..!!
صار لي مرتين ادق عليها ويرفع هو .. اذا شاف رقمنا عالكاشف
ويقول هلااااااااا والله .. اما انا اقول .. السلام عليكم هنا فلانه..
ييقول لا نايمه .. ثم اسكر انا..
ومايمر دقيقه الا تدق صديقتي الله يخليها لي .. مسكينه بليتها كل اقومها من النوم
وتوها يوم الخميس كلمته بجوال امها وحت سبيكر .. وسمعت صوته
سمعت غلاتي واستانست صراحه.. وطبعا هي قالت له انها ماكلمتني بس لعيونه بتكلمني
وطلب يكلم امها .. اللي هي اخته
والله يهديها امها فضحتنا .. هو قال: قولي حق بنتك تكلم حــلا وتسلم عليها
وقالت امها (اخته): من الصبح معها..
ثم اخذت الجوال وقال لها : حطي سبيكر بقول شيء حق حلا
قالت : متأكد ؟
قال: ايه
قالت : يالله حلا.. اسمعي
قال خطيبي : معليه معليه يالخاينه

وانا قلت شسالفه ..؟؟!!! مستانسه ومعصبه
بس شكله معصب ليه مااكلمه
قالت صديقتي: لاتخافين انا افهمه
وفهمته ضروفي ان جوال امي توها مسددته ومااقدر اكلم
والامتحانات جايه وانه بالعين والقلب بس الضروف
ويسأل عني واخباري ويرسل سلام
وتوه اليوم .. كنت غايبة علشان تعبت شوي وانجرحت رجلي بزجاجه صغيرة
كنت اتكلم مع صديقتي .. وقالت لي انها كانت تكلمه .. ويسلم علي وطلبت منها تكلمه
وادق عليها
وبالفعل الله يخليها كلمته ... وقالت له اللي ابيه .. وعلمته اني غبت واني انجرحت وقال : افااا وقال وين فوق ولا تحت؟.. اهم شيء مايبين
ووصاها اربط كيسه برجلي بس مافهمت ليه؟!!!
وقال لها: انتي دقي عليها دقه وانا ادق واكلمها..
قالت هي : لالا خدامتهم بالبيت تراقب تقعد عند التلفون وعندهم كاشف
قال: الله يقطعها ماحبها وجه البريعصي ..(للعلم خدامتنا عريضة وسمراء جدا وقزماء)
ولما شاف مافيه امل قال : سلمي عليها

بس شفتي شلوووون
وتعرفين انا ليه قطعته ..؟؟
لان هالشيء احسه يريحني .. حسيت ان علاقتنا بتصير مثل الصداقه او الاخوه
يعني فيها رومانسية بس .. السوالف عنده اكثر.. وحتى لو كثر رومانسيه انا احس ببرود في مشاعري
وانا اخاف اعتبره مثل اخوي واذا صار مثل اخوي مااقدر اتقبل انه يكون زوجي
بس الآن تحسنت الحال جدا

ودي اخلي كأني ماكلمته
ويوم العرس يكون احلا .. واسمع وش يقول لي من الكلام الحلوو..!!!

وانا عرسي يوم 14/6/1426هـ
يعني بشهر سته يمكن شهر ونصف صح؟

انتي بشرينا عنك؟

وترى انا لكلمته وحاولت اسكر التلفون يقول ليه طرده؟؟!!! تو الناس
واذا قللت كلام :يقول شفيك متضايقة؟؟

يعني انا مااعرف وش اسوي وتخترب خططي ..!!
كذا احسن لي
وانا قلت مثلك ان القطاعه ممكن تولد الجفااااااء بس انا احاول قد مااقدر اني اخلي صديقتي تفتح سالفتي قدامه

مع انه مايقصر كل شوي فاتح سالفتي ..
وتصدقين يحسب الايام ويقول انا غبي لو اني خليت العرس شهر خمسه مو احسن
كل يرددها..!!
وبعدين يقول مابقى شيء وبتجيني حــلا

والشيء اللي عجبني انه يقول لاهل اخته انا اذا سمعت صوت حــلا ادوووووخ

^_^ ... بس انتي ماخبرتينا عنك ..؟؟!!!