للمرة الثانية أشم رائحة دخون طبعا هالشي في فترة علاجي بالرقية والطب النبوي !!

مااعرف
الله يجعله شفاء لك ولكل مسلم لاسقم بعده

سبحان الله نفس اللي يصير لي

انا مرة دخون و مرة ريحة خايسة ولا بينهم ولا خمس دقايق

مااقول الا الله يشفينا اجمعين

انا نفس الشي الريحه قريبه للعوده

وانا بعد ريحة عود او عطر رجالي
انا الرقي نفسي برقيا الي مسجله على اليوتيوب
وانتوو يبنات قولو كيف رقيتكم وش افضل شي حسيتو جاب نتيجه
انا ماحسيت بشي لان شكل الي عندي طيار الله ينتقم منه

ملاك الحب حتى انا اللي عندي طيار لان دايما احلم اني اطير.. وعندي تابعه وعيون ومس

ماخليت شي وهذا برنامجي

هذا برنامجي ونصحت فيه وحده


تحصنين البيت(تحطين في بخاخ او مرش مويه مقري فيها ايات تحصين البيت مع الادعية وترشين زوايا الغرف وعتبة البيت يوميا بعد صلاة الفجر مره وحده تكفي)
تحصنين نفسك (بعد الفجر باذكار الصبح ومعها الرقيه وقبل المغرب اذكار المساء ومعها الرقيه وعند النوم اذكار النوم وترقين نفسك باالمعوذات 7 مرات والفاتحه والكرسي)
اول ماتصحي تشربي ماء مقري فيها واذا نمتي كذالك اشربي ماء وتدهني بزيت مقري ( وعشان مو كل شوي تقرين فيها جيبي علبة كبيرة زي حقت البراده واقري مره وحده فيها واستخدميها )

واقري سورة البقره يومياً واذا تروشتي حطي اخر شطفه مويه تكفي جسمك فيها سدر مع ملح انقليزي مع موية ورد..

و سوي حجامه كل اسبوعين عند وحده تشريطها سطحي ومايعور (اعرف رقم وحده بالدمام جدا ممتازه )

برنامج جداً قوي انا مجربته واللحين انا بالمراحل النهائيه الحمدلله ..

نصايحي 

اولا بتلاحظين ان الاذيه بتزيد بس ماعليك واصلي الى ان تختفي الاعراض
ثانيا تيــامني لما تاخذين شي ولما تلبسين نعالك /الله يكرمك واذكري الله بالاكل والشرب واللبس وخلع الملابس ودخول البيت والخروج ودعاء دخول الحمام. 
ثالثا برنامجك كله بيخرب اذا سمعتي الاغاني لان الاغاني مزامير الشيطان .
رابعا اللبس خارج البيت لازم يكون ساتر عشان ماتدخل الشياطين للجسد مع العين.
خامساً اذا حسيتي بتعب بعضو من جسمك اقري الفاتحه مع النفث وامسحي وجهك وصدرك وجسمك كله ومكان التعب.
سادساً اذا فيك حيل صومي وكلي كل يوم ملعقه عسل مع حبة البركه .
سابعا اذا تقدرين تستبدلين المويه بما زمزم يكون افضل لان لاحظت تأثيره اقوى .
ثامناً اذا تلبسين عاري في البيت لاعاد تلبسين واذا لبستي لاتوقفين قدام المرايه ..
تاسعاً حطي يدك اذا تثاوبتي لان الفم بوابه للشياطن اعوذ بالله،،ماتلاحظين بالقرايه تتثاوبين بكثره سدي فمك عشان لايطلعون ولا يدخلون( لاحظتها من بعد ماتضايقت من كثرة ماتثاوب فستنتجت بما انهم يدخلون فاكيد يطلعون وقت القرايه عن طريق التثاوب)