مساء الخيرات حوائيات
انا كل سنه اطب في مصيبه وبعد فتره اسامح وانسى علشان عيالي العام لقيت بسيارة زوجي جوال وارقام حريم رسايل تشيب الراس طبعا هو شافني لما حصلته لانه نسيه جنب الراكب صارت مشكله كبيره كسر كل جوالاته طلع شريجه جديده وحلف لي انه مو هو صاحب الجوال مع ان الرسايل كانت كلها باسمه والدليل واضح سامحته لانه حلف بالمصحف دعى على نفسه انه مو له بعد شهرين كان سامر مع زملاءه الساعه 1 رجع للبيت لمادخل شفت بجيب ثويه اللي فوق جوال كشاف طبعا قام يتصبب عرق وحلف ان واحد من زملاءه نسيه معه ونسي لايعطيه وطبعا حلف بالمصحف انه مو له قلبت الاسامي والرسايل ماكان فيه دليل على ان الجوال له المهم اضطريت اصدقه وراح من وقتها اعطى زميله ورجع للبيت وبعد مرور سنه على هالسوالف انا كنت متوقعه ان زوجي عقل وترك هالخرابيط كان عازمني اليوم على الفطور برا وطلعنا من البيت الساعه 4 العصر واول مادخلت السياره حصلت نفس الجوال الكشاف يشحن بشاحن السياره على طول اخذته و خبيته ورحنا افطرنا انا ماقدر اتكلم وهو بس يسالني وماحبيت اوضح شي لين افتح الجوال اشوف وش فيه كنت مره مره مستعجله على رجعتة البيت دخلت الغرقه وهو راح ينام بالصاله وفتحت الجوال وشفت بلاوي ورسايل لبنات باسمه وكان يقابلهم ويروح لهم ماقدرت اتحمل قفلت الجوال ورحت له قلت ابغاك بموضوع بديت بمقدمه وكلام طويل طبعا بدا يتصبب عرقه بشكل مو طبيعي على طول اخذ المصحف وحلف وحلف حلف انه حق زميله اللي االعام لانه لما راح يعطيه الجوال قال هذاك تراني مابغاه خذه وكان زوجي مقفله وحاطه بدرج الباب من زمان ولا عمره فتحه ولاشي وواجهته بالرسايل وجحد وقال افتحي التواريخ شفي متى لقيت اخر رساله من 2010 احترت والله العظيم احترت لان زوجي قدامي محترم ومو راعي هالخرابيط بس ربي كل مره يكشفه لي قال شفيني حلفت لك تبغين تصدقيني اهلا وسهلا ماتبغين روحي بيت اهلك الله يستر عليك وهوالحين بالغرفه مقفل عليه زعلان يقول مايبي سحور مدري انا اكلمه مره ثانيه ولا اطنشه كل مره يبين لي انه مظلم وانا اللي افتش وراءه بس الادله تجي لحدي وتففضحه انصحوني تكفون
ريومه الحلوهـ @ryomh_alhloh_1
عضوة نشيطة
يلزم عليك تسجيل الدخول أولًا لكتابة تعليق.
جوجي امها
•
الله يهديه وربي يسخرلك نصيحه لمن تشوفي شي منه بعدكده لاتناقشيه بس خدي وكسري اما مواجهتك له طبعا بيقعد ينكر ومع انه الادله في يدك وشفتيهابعينك فالافضل لاتبينيله شي وراح هو يستغرب من سكوتك ويبطل من نفسه ودايم ادعيله ربي يهديه ويسخركم لبعض فتشي وخدي راحتك ههههه مثلي بس لا تبينله واذا شفتي شي مو زين كسريه وارميه الله يهدي الجميع ويصلح حالكم وروحي الحين دقي الباب وقوليله انا اسفه واوعدك ماازلعلك بعد كده لاتكبري المشكله وهي كبيره خلاص طنشي وعيشي حياتك
،
إذا كان فعلا تاريخ الرسائل قديم فمن حقه تصدقيه
بس اتأكدي من تاريخ الجوال نفسه
يمكن مو مضبوط وتجي الرسائل الجديدة بتواريخ قديمة
أما لو فعلا مستمر بغلطاته لا والله لاتتنازلين
لأنها مصيبة ومعصية وخوف على صحتك
الله يهديه ويسخره لك
ويحبب قلوبك على بعض
إذا كان فعلا تاريخ الرسائل قديم فمن حقه تصدقيه
بس اتأكدي من تاريخ الجوال نفسه
يمكن مو مضبوط وتجي الرسائل الجديدة بتواريخ قديمة
أما لو فعلا مستمر بغلطاته لا والله لاتتنازلين
لأنها مصيبة ومعصية وخوف على صحتك
الله يهديه ويسخره لك
ويحبب قلوبك على بعض
يابنت الحلا ل تعوذي من الشيطان وتسنني وذكري الله ودامك تقولين انه تشوفينه انسان محترم كذبي نفسك وصدقيه ادامه شاريك لا تبيعينه صدقيني لا تندمي وصلحي سحوك واذا جهز صحيه وخلي الامور تمشي عادي وهذاك تقولين ان الرسايل من زمان لاتفتحين على نفسك باب وبعدين قولي له انا اثق فيك بس تفاجئت ان معك جوال ثاني وش الغايه منه والله يهدي سركم يارب
الله يسخره لك
إذا لقيت جوال لا تواجهي خليه عندك على الصامت يمكن تلاقي فيه سي يدل انه لزميله
بعدين إذا لزميله ليش يشحنه له و ليش يماشئ ناس كذا
أحب أبشرك الحين صارت كل الشرائح مربوظة برقم الهويه يعني أي ازعاج بتبلغ الهيئه فانصحيه يترك هالطريق أفضل من الفضائح
لا تصادميه كثير يمكن الحين يجحد وبكرة يقول ايه أنا ومالك دخل
إذا لقيت جوال لا تواجهي خليه عندك على الصامت يمكن تلاقي فيه سي يدل انه لزميله
بعدين إذا لزميله ليش يشحنه له و ليش يماشئ ناس كذا
أحب أبشرك الحين صارت كل الشرائح مربوظة برقم الهويه يعني أي ازعاج بتبلغ الهيئه فانصحيه يترك هالطريق أفضل من الفضائح
لا تصادميه كثير يمكن الحين يجحد وبكرة يقول ايه أنا ومالك دخل
الصفحة الأخيرة