صباح الخير للجميييييييع

مشكووووره ريوم على هالجهد :)

منتظره مساعدتكم ربي يجزاكم الخير

نسكافه اول شي قبل تدخلين اطلبي المعونه من الله والتوفيق والسداد وان الله يجعل فيك القبول واذا دخلتي ادخلي دخلة الواثقه انتبهي ترتبكين ولا يحمر وجهك ترى البنات الان لمحات وذكيات حيل ويدورون الزله خاصه على الجديده اذا شافوك مرتبكه يبي يضحكون سلمي واذا لاحضتي شوشره وصوت اول ماتدخلين اسكتي وناظريهم باتسامه حذره وركزي النظر باللي يسولفون راح يسكتون لانهم ماهم عارفين وشي اللي داخله عليهم وش تبي تسوي يعني غامضه بالنسبه لهم بعدها قولي يسعدني اني اعرفكم بنفسي انا الاستاذه فلانه راح ادرسكم المنهج الفلاني واتمنى تساعدوني على انفسكم لاني حسب معاملتكم لي راح اعاملكم > وهذا الكلام لبنات الثانوي لانهم غالبا قويات > يعني قولي حسب معاملتكم راح تكونن معاملتي يعني البنت اللي تحترم نفسها واعرف انها جايه للدراسه هذي راح احطها على راسي واحترمها واقدرها وحتى لو قصرت في دروسها راح اساعدها وادعمها وحتى اوقات الاختبارات لو تقصر راح اعاملها معامله خاصه واعيدلها الاختبار مره ومرتين وثلاثه لما تجييب الدرجه اللي تبيها اما الطالبه اللي جايه تلعب عاد هذي لها معامله غيييييييير عندي راح تعرفوها لو لاقدر الله طلع منكم بنات مشاغبات لاني مستحيل اعامل الكل معامله واحده كل واحده راح اعاملها حسب تصرفها معاي وجدتيها بالدارسه مبدئيا اليوم مافي درس راح يكون تعارف بينا يله ياحلوين كل واحده تقوم بالترتيب تعرفني باسمها وكل واحده تقول اسمها ابتسمي ابتسامه ترحيب فيها وخليك قريبه منها وهي تقول اسمها >> يمكن الان البعض يخالفني ويقول ليه الشده من البدايه وتهديد وماتهديد اقوله لاياحبيتي بنات الثانوي اول حـــصــــه بالذات عندهم هذي اختبار للمدرسه اذا شافوها متساهله لعبو عليها لعب وحتى لو حاولت تصلح بعدين مايبمدها لانهم خلاص اخذو فكره عنها لكن من البدايه اذا لاحضو انك شديده > طبعا شده بعقل مو صراخ وسب لانهم اصلا يستانسون على تصارخ ويضحكون عليها لا خلي ردات فعلك بهدوء ممكن بعلقك تقدرين تحكمين مدرسه كامله هذ بالبدايه عشان يحترمونك ويحسبون لك الف حساب بعد كذا مممكن براحتك تقربين من طالباتك وتبين الجانب الحنون منك وقتها خلاص يكونون عارفين ان استاذه فلانه وقت الحـــصــــه خلاص جديه ماتسمح باي لعب لكن وقت الفراغ حنونه منا وقريبه >>>>>>

اتذكر مره مسكت مجمع ثانوي فيه طالبات مشاغبات حيل حيل ومسكوني العن فصل وكان فيه شله يوم جيت اول يوم المدرسات كلهم يقولون لي الله يعينك على فصل ثاني ثانوي راح يشيبون فيك قلت يصير خير نشوف من يشيب بالثاني وابتسمت اول مادخلت سويت اللي قلته فوق ثاني حـــصــــه لاحضت الشله الحلوه يحاولون يختبروني ويشوشون علي بالحـــصــــه بعد مانتهت الحـــصــــه طلبتهم بغرفة المشرفه لحالنا طبعا وكنت جالسه على المكتب وخليتهم يجلسون وانا اكلمهم وقلت شوفو يابنات كنت اقدر اتكلم واهزئ واهاوش قدام زميلاتكم بس لا انا يوم كنت بعمركم كنت ماحب اي مدرسه تتكلم علي لكن بنفس الوقت كنت بادبي داخل الحـــصــــه ماخليت مجال لاحد انه يقلل من شاني عشان كذا احب لكم نفس اللي كنت احبه لنفسي عشان كذا ضبطت اعصابي تو يوم انكم تشوشون علي بال*** وقلت ماعليه هذولا بنات كبار بعدين بهدواه راح اعطيهم فرصه واتكلم معاهم بهدوء ونشوف ينفع اسلوب اني عاملتكم باحترام واستدعيتكم لحالكم وكلمتكم كبنات كبار ولا عاد عندي ملون اسلوب ثاني وقتها عاد اذا مااعجبكم لاتسون اني احترمكم وكلمتكم كاخوات لي والله يابنات لقيتهم يتعذرون مني ووجيهم حمرت وهم اشغب بنات مرو على المدرسه بعد كذا انواع الهدوء داخل الحـــصــــه اقسم بالله لو يطيح القلم تسميعن صوته هههههههه من شده الهدوء لاني خلاص احترمتهم وفعلا كافاتهم على الشي هذا كان وقت ال*** هدوء شديد لكن بعد مانخلص الدرس عادي اعطيهم مجال اقول سولفو مع بعض بس بهدوء دام خلصنا الدرس خوذو راحتكم بس لاسمع صوت عالي ولا ترى بخليكم زي بنات الابتدائي تتكتفون هههههه وامزح معاهم بس بعقل مو خبال ولا انزل هيبتي وحبوني البنات واحترموني بشكل ماتتخلينه الى درجة وربي يشهد يوم صار ضغط بثالث ثانوي بعد ماندبو مدرستهم لمدرسه ثانيه ومسكتني المديره ثالث لانها شافتني كفئ الحمدلله للشي هذا وخلت ثاني ثانوي لمدرسه متعاقده جديده والله انهم نازلين للمديره يطلبون منها ترجعني ورفضت قالت زميلاتكم بثالث اشدد حاجه والى الان تذكرني المديره بالخير تقول مادري شلون مدرسه جديده متعاقده قدرت على بنات الثانوي ومدرسات لهم سنين بالتدريس فشلو الحمدلله هذا مو فضل مني هذا ربي فهمني وعلمني لاني دايم ادعي ان ربي يعيني ويسدد خطاي واستعين بالله بكل شي والحمدلله ربي كريم سبحانه


ولاتنسين اهم شي تمكنك من تخصصك يعني ابهريهم بوسائلك ومعلوماتك خليهم يحسون انك موسوعه بمجالك عشان يحترمونك ويحسون بالامان معاك على مستقبلهم لكن اذا حسو انك ضعيفه بالشرح مهما سويتي راح يحسون ينتقصونك لانهم شايفين التقصير ويقارنون بينك وبين المدرسات فلا تعطين لاحد مجال مو عشنهم بس لا عشان ربك لانك محاسبه على راتبك حللي كل ريال منه بتوصيل المعلومه صح
طولت عليك بس حبيت اعرض لك ولزميلاتي تجبرتي في تدريس الثانوي اللي كثير يشتكي منهم ان شاء الله تستفدين

مشكورةأختى ريومة على التوضيح معليه تعبتك معي ماشفت ردك إلا الحين


نسكافية بالتوتإدخلي على هالرابط يمكن تستفيدين والأخوات بعد





http://forum.hawaaworld.com/showthread.php?t=1943453&page=1

أسأل الله العضيم ان يوفقكم ياللي ساعدتوني ويرزقكم من حيث لاتحتسبون