للمعلمات والمعيدات خصوصا ..تكــــــــــفون الفزعـــــــــــه

الله يعينك
لا تشيلي هم كثير لان سبحان الله الصعوبه باول المحاضره بعدها خلاص كل شي يسير عادي
كدا قالولي البنات لاني لسى طالبه
بس عندي نفس الخوف اكثر شي اني انسى الدرس
مومن مواجهة البنات

رددي دايما انا واثقة من نفسي انا راح انجح ، ماراح ارتبك

رددي في نفسك كل الافكار الايجابية وابتعدي عن السلبية

وبعدين بنات الجامعة ما ينفع معاهم تهديد ووعيد .بالعكس صاحبيهم وحبيبهم فيك ويشخصيتك

ممكن من البداية لما تعرفيهم على نفسك تطلبي منهم انو وقت ماتشرحي ماتحبي انو احد يتكلم وانو الهرجة لها وقت والشرخ لو وقت

ممكن اسألك سؤال ايش تخصصك ؟

وربي يسعدك ويوفقك ان شاء الله

هلابك يالغالية
لا تشيلين هم ابد والقلق اللي انتي فيه طبيعي جداً
أنا معلمة بس ابتدائي يعني ما فيه توتر ابدا
بس الجامعيات خوذيهم بالسياسة ولا تصارخين وترفعين صوتك
بالعكس خلك قريبة منهم وابتسمي لهم عشان يحسونك معهم
بالتوفيق يا قمر

سبحااااااااااااان الله

أختي الكريمة
أنا أدرس في الجامعة بس ترا كل أستاذة لها أسلوبها وإنت كمتعاونة أكيد لكم رئيسة توضح آلية العمل وتوزيع الدرجات
بالنسبة لي أول محاضرة أوضح القواعد الواجب الالتزام بها وأنا أول الملتزمين يعني المحافظة على النظام أسلوب الحوار مواعيد الاختبارات إذا كنت محددتها من البداية التكليفات وطريقة العمل فيها فردية ولا جماعية مواعيد تسليمها
وحاولي تكوني مرحة في المحاضرة حتى ما يطفشوا البنات وأبدا لا ترتبكي عارفة ليه؟ ﻷن أي خطأ يمكن تداركه بابتسامة وتعليق حلو ولحظتها البنات حيحسوا بثقتك في نفسك وأبدا لا تغلطي وتهيني طالبة ﻷن مو من حق اﻷستاذ إهانة الطالب حتى ولو وجدت هذه النماذج وما في أحلى من التواضع وبما إنك تحضري ماستر فما تكلمت عن النقطة اﻷساسية وهي المادة العلمية ﻷني واثقة من تمكنك منها الله يوفقك وأي استفسار أنا جاهزة