للمعلومية *

من خلال تجربتي العلاج النفسي مهدئ وممكن صح يتشافون ناس عليه لكن بعد فتره ينتكسون ويرجعون له واللي يرجع للعلاج ممكن مايناسبه علاجه الاول فيضطر يغير العلاج ويتنقل بين الادويه
وانا ماني ضد العلاج النفسي ولا انا مع اللي يقولون علاج كفار لكن اللي بياخذ العلاج النفسي يحط بباله ان الشفاء يعتمد عليه هو بشكل اكبر من العلاج لان العلاج راح يهديه لفتره وخلال هالفتره يحتاج الشخص لعلاج سلوكي عشان يتخلص من الاعراض ويندمج مع الناس مايجلس الشخص ينتظر الحل السحري من العلاج وانه بيقضي عالمرض كامل
ومن خلال قراتي في منتديات المشاكل النفسيه ومشاركاتي فيها اغلب اللي اخذوا العلاج ماتشافوا بشكل نهائي وفيه من ياخذها من 15و20سنه ومستمر عليها واللي بياخذ العلاج يعرف ان المرض النفسي مثل غيره من الامراض ممكن يكون مزمن ويحتاج علاج مدى الحياه وممكن تكفيه 6شهور او سنه ومع قوة الشخص وعزيمته يتغلب عالمرض ويتشافى
لكن اكيد فيه امراض مهما كانت اضرار العلاج لازم يتاخذ العلاج لان المريض راح يكون خطر على نفسه او على اللي حوله وهذا اجرام بحقه انه يترك بدون علاج سواء بالعلاج النفسي او الرقيه ولانه غالبا لايمكن السيطره عليه يحتاج علاج نفسي وبعدها يعالج بالرقيه