السلام عليكم .. ترى مو شرط كل من تاخذ دوا نفسي تستمر عليه طول عمرها انا كنت اخذ دوا اكتئاب لمدة
٤ سنين او اقل بعدها خليته الحمدلله ما احتجته بعد هالمده ، واذا انتم ما تشوفون الا بلاوي وسلبيات بالعيادات
النفسيه انا اشوف حالات تشافت تماما اللي لها ٧ سنين تاركة العلاجات وهي تستخدمها لمدة ١٧ سنة ،
واللي كانت تاخذ ١١ حبه ادويه نفسية لمدة سنة والحين حبه ،،
يعني يا عمري يا حياتي ياللي تشوفين ان فيك مس او عين او حسد وياللي تشوفين ان العيادات حقت كفار
ومادري شلون ، ترى والله الحياه اسهل من تفكيرك ، هونيها تهون صعبيها تصعب ،
ترى حتى انا تجيني وساوس لما اقرا قرآن بس الحمدلله ما قلت فيني مس بالعكس فكرت انو دايما انا اقرا قرآن
ما تجيني بس الحين مع تعب الحمل صرت اوسوس ،
ونصيحة لوجه الله * لا تجلسين لحالك * لا تقرين عن اي شي يضايقك .. وانا متفائلة لي ولكم ان ربي بيشفينا
فإن الكريم اذا اعطى ادهش ❤️
مع خالص حبي
فناي @fnay
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
وانا ماني ضد العلاج النفسي ولا انا مع اللي يقولون علاج كفار لكن اللي بياخذ العلاج النفسي يحط بباله ان الشفاء يعتمد عليه هو بشكل اكبر من العلاج لان العلاج راح يهديه لفتره وخلال هالفتره يحتاج الشخص لعلاج سلوكي عشان يتخلص من الاعراض ويندمج مع الناس مايجلس الشخص ينتظر الحل السحري من العلاج وانه بيقضي عالمرض كامل
ومن خلال قراتي في منتديات المشاكل النفسيه ومشاركاتي فيها اغلب اللي اخذوا العلاج ماتشافوا بشكل نهائي وفيه من ياخذها من 15و20سنه ومستمر عليها واللي بياخذ العلاج يعرف ان المرض النفسي مثل غيره من الامراض ممكن يكون مزمن ويحتاج علاج مدى الحياه وممكن تكفيه 6شهور او سنه ومع قوة الشخص وعزيمته يتغلب عالمرض ويتشافى
لكن اكيد فيه امراض مهما كانت اضرار العلاج لازم يتاخذ العلاج لان المريض راح يكون خطر على نفسه او على اللي حوله وهذا اجرام بحقه انه يترك بدون علاج سواء بالعلاج النفسي او الرقيه ولانه غالبا لايمكن السيطره عليه يحتاج علاج نفسي وبعدها يعالج بالرقيه