للمغتربات بولاية اريزونا

مازال عندي امل في احد ممكن يرد علي

اهلين اختي انا والله نفس حالتك بروح لاريزونا بعد اسبوع وماني عارفه عنها شي نزلت موضوع اسأل فيه البنات اللي عندهم فكره عن الولاية وماحد رد واصحاب زوجي سبقونا باسبوعين ويقولون منطقه صحراويه معظمها بس مرتاحين فيها كثير يقولون حسينا بفرق عن الولايات اللي قبل وانها هادية وفيها امان باذن الله واتمنى من الله ثم من البنات يفيدونا شوي بخبرتهم اذا عندهم معلومات

شكرا على ردك اختي انا سمعت من صديقتي نفس الكلام عن هذه الولاية بس يقولون ان عيبها هو الجو فيها حار يالله ان شاء الله انتظر تروحين لها وتخبرينا عن انطباعج عن هذه الولاية

اريزونا ولاية صحرواية وحارة جداً طبعاً ولاية لا تطل على بحر او محيط ولكن فيها بحيرات صغيرة جزء كبير من سكان الولاية من الهنود الحمر وفي نسبة كبير من المكسيكان، السكان البيض ثقافتهم يغلب غليها طابع رعاة البقر لأن فيها مراعي كثيرة. الولاية رخيصة جداً قياسا بولايات مثل كاليفورنيا ونيويورك وفلوريدا وبعض الولايات الاخرى واقصد السكن الذي يشكل عبء كبير على المبتعث، اتمنى اكون اضفت بعض المعلومات المفيدة لكم

هلا عزيزتي و توصلين بالسلامة
اريزونا ولاية مشابهة لجو و بيئة الخليج ما عدى سماها اصفى
فيها كل الجناسي مكسيكان بيض هنود حمر هنود اسيا و كوريين و بيض و عرب. و العرب موجودين بكثره و جالياتهم تكبر اكثر كل سنه. فيها بحيرات و جبال. و اذا كنتي راح تسكنين في شمال اريزونا فالجو جميل و في الشتاء يسقط الثلج. اما اذا راح تسكني قريبه من فينكس العاصمة فالجو عادة حاااار في الصيف و في الشتاء بارد و الناس طيبين و لا تطغي عليهم سمه رعاه البقر بالعكس ناس عاديين. اما اذا في جنوب اريزونا في توسون فهناك تطغي عليهم رعاه البقر اكثر. اسعار السكن يتراوح ما بين 500 الى 800 للشقة ذات غرفة و حمام و صالة و مطبخ على حسب الاضافات غسالة و نشافة و مايكروويف و مسفط بمظلة. و اذا كنتي راح تسكني في شفة فموقع الشقة جدا مهم لان في حارات مناسبه و حارات غير مناسبة مثلا فيها وايد جرائم او فيها الكثير من الموتيلات اللي تستخد للحرام و المخدرات و غيره.
و اي وحدة عندها اي استفسار عن اريزونا انا حاضرة ترسل على رسالة و انا في الخدمة لاني صارلي اهني فوق الـ 10 سنوات ( لا انا مو كبيره بس عايشة هني من زمااااااااااااان ) ^___^

و اذا ما فيه ملف شامل عن اريزونا نفتح واحد ان شاء الله :)