السلام عليكم
هلا هلا بكل اللى بيطلوا علينا من جده هلا باسراء وام يوسف والله استانست بيكم جدا انكم افتكرتم تتطلوا علينا ان شاء الله مبسوطين ودايما فكرينا
اهلين Lnx
عزيزتى احنا كمان حسين ان الرياض بلادنا واهلا بيكى معانا وفينك ليه مش بتبانى كتير
شكلمه
ايوه كده ياعمرى ادينى اكتر من الكلام الاسكندرانى الجميل ده وكمان الامثال اللى محدش حيفهمها غيرى
ومقلتيش ان شاء الله مسافره امته وحتفضلى اد ايه فى مصر
جميل جدا حكايه زواجك دى انا بحب جدا الزوجات اللى بالشكل ده بحس ان الزوجين بيكونوا عارفين بعض اكتر وفيه ديما بينهم نقطه وصل
انا بقى يا سيتى زوجى يبقى ابن عمى وكمان مامتى ومامته اقرباء جدا وكنت من وانا صغيره بحس انه بيحب يلاعبنى وياعد يعاكس فيه بس انا كنت عيله جدا اصل الفرق فى السن بينى وبينه 15 سنه ولما كانوا يقولوا له حنجوزهالك كان يقول يا ريت هى فين وانا فين وكنت انا سعتها 5سنين وهو عشرين وكان عايش فى اسوان وانا فى اسكندريه انشغل هو فى دراسته ولما اتخرج وخلص جيش سافر على طول للرياض شفتوا هو هنا من امته انا كان عمرى سعتها حوالى 10 سنين يعنى من 24 سنه هو فضل فى الرياض حوالى 4 سنين منزلش اجازه واول مره نزل وجه عندنا فى البيت كنت انا فى اول ثانوى وعمرى ما حنسى ابدا شكله ساعه ما شفنى اول مرة مش عارفه اوصف لكم شكله واول حاجه نطقها من بقه هى دى اللى قلتولى نجوزهالك وانا قلت لسه صغيره لا كده لازم تبقوا عند كلمتكم انا لازم اتجوزها قبل ما اسافر وطبعا ماما رفضت بشده وبشكل قاطع قالت احنا كنا بنهزر وهى صغيره عليك وانت خلاص جاهز تتجوز دلوقتى وهى لسه مشوار تعلمها طويل بس انا بصراحه كنت حموت عليه اصله عنده جوز عيون تسحر ما شاء الله عليه وانا طبعا كنت فى سن البنت ممكن تتاثر بسرعه بالمشاعر دى وطبعا هو قدم تنازلات ومحاولات وانه حيستنى ويخطبنى بس لكن كل المحاولات باقت بالفشل لان ماما كمان كانت عرفه ان مامته شديده جدا وطبعها صعب علشان كده كانت بتتحجج بقرق السن والتعليم المهم هو زعل وراح اتجوز واحده من البلد من غير ما يفكر
وبدئت يعنى معاه المشاكل ومراته طلعت مريضه نفسيا واهلها خبوا عليه وفضل كام سنه مش عارف يستقر فى شغله كل كام شهر تتعب وينزل لها وتدخل مصحه ويكمل لها علاجها ويسافر
لحد ما ربنا هداها وقالت له لازم تسبنى وتتجوز انت مالك زنب وهو يا عينى مكنش عايز يسبها علشان خايف يظلمها لحد ما الدكتره قالوا له هى ماليها زواج من اصله
سعتها نزل اسكندريه وكنت انا خلصت دراسه وكنت مخطوبه وماما مكنتش عجبها خطيبى وموفقه وهى متضرره ومصدقت انى زعلت معاه شويه وراحت مفشكله الخطوبه وعلى طول هو جه من السفر وانتهز الفرصه فى اسبوعين كنا اتجوزنا وفضل معايا 40 يوم وسافر وبعد شهرين تقريبا كنت محصلاه ومن سعتها وانا فى الرياض
انا عارفه رغيت كتير وطولت عليكم بس حبيت احكى لكم بالتفصيل الممل وعايزه اشوف منكم كده برضه

السلام عليكم
اهلين حمودى وعبودى
جميل جدا العرض السياحى الرائع ده فى حتت اول مره اسمع بيها مع انى فى الرياض من ضعف المده اللى انت جالسه فيها بس بحكم خبرتك قولى لى ايه احلى الاماكن تكون لطيفه للاطفال وكمان ما قولتى انت منين اصلا
وان شاء الله تكونى مبسوطه فى شغلك وقولى لنا اولادك اعمارهم اد ايه

أهلا يا بنات وينكم غاطسين
القلب الذهبى شلونك واهلا بالبنات الجدد
حمودى وعبودى أهلا فيكى يا قمر ماشاء الله عليكى ما خليتى مكان بالرياض يعتب عليكى ههههههه

كيفكم يابنات
انا اليوم مضااااااااااااااااااايقه مره راح زوجي اليوم عشان يقطع تذكره لكن
للاسف اتلغي الحجز لان زوجي الله يهديه ماقطعها بدري
طبعا كان قاصد عشان اجلس مع العلم انه يدبر لاصحابه لمن يبغو يطلعو اي مكان لانه عنده معارف
يقول خليكي معاي وننزل بعد اسبوعين لكن اهلي حيسافروا بعد اسبوعين والله بعض الاحيان يكون عند الرجال انانيه
ياليت لمن ينزل هو لاهله يفتكرني ياناس اكره الانانيه
يقول انا من فتره ماشفتهم ابي اجلس معاهم طيب انا كمان ابغي انزل عند اهلي
آآآآآآآآآآآآآآآآآآآآآآآآآآآه يابنات انا زعلانه مرررررررررررره

ولا تزعلى ولا على بالك أنشاء الله تنزلى وتشوفى أهلك كل الرجال نفس الشى أنانيييييييين الله يعينا