مساء الفل والياسمين عليكم
اهلين بام يوسف
انا والله احب الخير لكل الناس وبزعل على زعلهم بس معلش غصب عنى فرحت علشان مش مسافره وحترجعى لنا وبعدين علشان انا اصلا مش من هوات السفر ولما اكون مسافره اى حته بكون طفشانه وعصبيه جدا بحس اى حد مسافر حيتعكنن
وبعدين حبيبتى تفكيرك فى المدرسه مش بدرى ولا شىء اولا سن التمهيدى فى الانترناشونال 2و9 شهور ده kg1 والدراسه للتمهيدى 3 سنين لازم يطلع منهم الطفل بيقرأ ويكتب انجليزى وعربى كويس جدا طبعا انا شخصيا ما قدمت اى اوراق اصليه او رسميه لحد ما خلصوا التمهيدى واعتقد المستوى اللى يخرجوا بيه من التمهيدى كفيل بانه يكون مستواه رائع فى اللغه حتى لو مانفع يكمل انترناشونال يقدر يدخل اى مدرسه كويسه ويكمل الغات حر
وصحيح المنارات قريبه منك لكن مستوى الرواد العالميه احسن او الملك عبد العزيز لانى عارفه اولاد السفير المصرى كانوا العام الماضى فى المنارات وممتهم مش بتشكر فيها اوى وهى نقلت الولد اللى فاضل عندها الى الرواد بس الملك عبد العزيز احسن
ولو عايزه نصحتى احسن تدخليه النصر او العروبه او غنيا او الشمس مستواهم كويس برضه وسعرهم معقول معتقدش طفل فى السن ده حرام يدفع له 20 الف فى السنه او على الاقل ممكن التمهيدى يكون 12 او 15 لكن المدارس اللى قلت لك عليها فى حدود 5 الاف غير الكتب والزى المدرسى
صيد الخاطر
كيفك حبيبتى قلبى عندك انا كنت اشوفك مسجله حضور فى المنتدى وادخل ادور عليكى ما القاكى
وبعدين حبيبتى بيعى الثلاجه وجيبى واحده غيرها ولا تزعلى نفسك وتنقهرى واعصابك تتعب
لان على فكره الريحه ممكن تاخد وقت شويه وتروح بس كل ما تفصلى الثلاجه علشان سفر او اى شىء الريحه حترد لها تانى
طيب انت عامله ايه دلوقتى من غير ثلاجه بتحطى حاجتك فين
انا مش عارفه فى حد دخل تانى ولا لا علشان ارد عليه انا دخلت على اخر صفحه بس حروح اشوف دلوقتى

والله انت عسوله اوىىىىىىىىيا حمودى وعبودى
مفروض الحكومه تصرف لك مكافئه على المساعدات وتشجيع السياحه والله لو اعرف ان الوزارات هنا فيها سيدات كنت قلت انك تعملى عندهم
بما انك بتشوفى رسايلك الخاصه ياترى وصلتك رسالتى
قولى لى حبيبتى بقى مكان القريه العالميه بالظبط وعبقرينو اللى فى التخصوصى ده عباره عن ايه ملاهى يعنى ولا ايه وفين فى التخصصى
انت عارفه معانتك مع حمودى والبحث عن اصدقاء له انا اعانى منها لى 13 سنه وما لقيه لها حل مع بنتى مش عارفه اعمل لها ايه حظها معايا وحش ولا وحده من امهات صحبتها نازله لى من زور ما قادره ابلعها ولا حتى جيرانى عندهم حد فى سنها ولا قرايبنا ولا حتى فى مصر حتى صحابها فى المجموعه اللى بتدرس فيها مش عجبنى علشان تصحبهم تقدرى تقولى لى اعمل ايه
انا ولادى معندهمش اى مشكله لان سنهم قريب جدا من بعض لدرجه ان الولد الثانى والثالث بينهم 10 شهور فقط والاثنين التانين بينهم سنه وشهرين وكل الجيران والاصدقاء معاهم السن ده

زعلتوني كتبت رد طويل عريض و أختفى و ما فيا أعيده ثاني يالله بكره أكتبلكم تصبحوا على خيرررر

السلام عليكم
حمودى وعبودى
حبيبت قلبى انا بكتب عن المدارس عشانك انت وام يوسف وخصوصا علشان انت ابنك داخل السنه دى بس انا بقول لكم سوا
مدارس الملك عبد العزيز ممتازه لان انا عرفت ده من مدرسه ابنى لما كان فى kgهى اتنقلت هناك وهى امريكيه الجنسيه وممتازه الولد بيطلع من عندها ما يحتاج ابدا اى مجهود منك حتى لما كنت اسالها اذكر له ايه او اذاى اعمل معاه الوجبات كانت تقولى انت ملكيش دعوه خالص بيه هو حيروح البيت عارف هو حيعمل ايه وطبعا هى مكنتش بتتكلم عربى خالص وطبعا الولاد فى الفصل كل كلمهم انجليزى معاها من غير عربى اطلاقا ومره رحت المدرسه ودخلت فجاه ولقيت ابنى بيبكى وبيشكى للمدرسه ان اصحابه اخدوا منه الالعاب بتاعته وبيقول لها هى كانت فين وانه زعلان لان الالعاب كمان خلصت طبعا ده كله بالانجليزى بدون كلمه عربى وكان عمره 5سنوات ونصف تخيلى صراحه ساعتها حسيت بقرق كبير بين المدارس الانتر ناشونال والمدارس العادى لان كنت مدخله اولادى الاول اهلى عادى ونقلتهم على اخر سنه فى التمهيدى وطبعا مستوى ابنى ده من سنه واحده بس فى المدرسه
بس انا ما اعرف فين موقعها بالظبط لانى ضاربه فى الاتجاهات والشوارع
بالنسبه لمدارس العروبه هى فيها اولاد شكلمه وبتشكر فيها جدا لكن سواء هى او النصر مستوى تعليمى ممتاز لكن ترفيهى والعاب فى احسن منها كتير وطبعا الترفيه مهم فى التمهيدى
لكن بالنسبه لنا احسن الوحشين زى ما بيقولوا لان المدارس الاحسن اقل مصروفات فيها 12 الف فى السنه
فى مدارس غنيا فى حى الورود ممتازه تعليميا وفى الترفيه احسن من الاخريات شويه ومصروفاتها 6ونصف للتمهيدى
مدارس الشمس هى مدارس اصلا فلبينيه وبيقولوا مستواها معقول كويس لكن ما اعرف عنها بالتفصيل وهى فى شارع الثلاثين بالعليا
مدارس الصقر بكستانيه والمستوى معقول برضه بس نظام العام الدراسى بتاعها مقلوب مش حلو يعنى بيدرسوا معظم شهور الصيف
طبعا الرواد العالميه سمعتهم بيشكروا فيها جدا وكمان فى مدارس المملكه العالميه فى التخصصى برضه وهى ممتازه والاثنين المصروفات 20 الف فى السنه
مدارس الشرق الاوسط ممتازه تعليميا وترفيهيا لكن منحله اخلاقيا لان الاداره لبنانيه وكل حاجه فرى بالنسبه للتمهيدى يمكن ماتفرق كتير لكن احنا ولادنا كبار ماتنفع بالمره ومصروفاتها 12 الف
حلو قاموس المدارس ده يالا بحاول اعمل زيك انت سياحه وانا مدارس
بس عموما انا من رئى ان الكل بيتشابه فى المستوى وكلهم بيطلعوا اطفال تجيد الانجليزيه تحدثا وكتابه والاحسن تدخلى الاقل سعر او المتوسط زى ما احنا عاملين وخلى الفرق علشان لو مانفع تكملوا للولاد فى الانترناشونال تقدروا كل صيف تدخلوهم بالفرق المعهد البريطانى للغات يكملوا المشوار دراسات حره وتدخلوهم بعد كده مدرسه مستواها كويس وتبقى تحصلتى على الاثنين سوا
وشكرا حبيبتى اعتقد عبقرينوده ممتاز اكيد تحفه ان شاء الله اروح فى اقرب فرصه بس عمليه الحلويات دى ضياع تبوظ الرجيم ما حقدر ما اكل
انا بنتى اسمها فاطمه وما بخليها تصاحب البنات فى المدرسه لان البنات اللى معاها مصريات كلهم ومش عارفه الله يهديهم بس لسه ما اتعودوا على عادات واخلاقيات هنا وحاجه فرى اوى واحنا صحيح مصرين زيهم بس احنا اصلا صعيده من اسوان واخلاقياتنا وعادتنا زيكم هنا بالظبط علشان كده انا برتاح هنا وما بحب انزل مصر كتير الحاله بقت يخنى هناك وبوظان وربنا يقدرنا ونحافظ على الولاد ا
وحبيبتى انا الرساله اللى بعتها لك انت كنت كاتبه فى موضوع انك عايزه رقم شغاله وانا بعت لك صحيفه ارقام حروح اشوف دلوقتى ليه ما وصلتش وابعتها لك تانى
ام يوسف
معلش حبيبتى الحركه دى بتحصل معايا ديما وبتغيظ بس انا اتعلمت لما اكون كاتبه رساله طويله زى دى اعمل لها نسخ قبل ما ارسل حفاظا على المعلومات
ويارب تكونى استفتى من موسوعه المدارس دى وزى ما قلت لك سن التمهيدى فى مدارس النصر بتاعه الولاد 2و9شهور وهى فى المعذر الشمالى خلف العزيزيه بنده اللى فى التخصصى

السلام عليكم
صيد الخاطر الله يكون في عونك على ثلاجتك بس يا ريت كان عندي شيء يفيدك بس للأسف

القلب الذهبي جزاك الله خير ما قصرتي في موضوع المدارس و لا تخافي حبيبتي ماني زعلانه إنك فرحتي إني راجعه أصلي من البدايه كنت شايله هم السفر مع الأولاد السنه اللي فاتت كان معايا يوسف بس و جنني كيف لو إثنين و صليت إستخاره كم مرة و الحمدلله

حمودي و عبودي يالله نودي يوسف و عبودي المدرسه مع بعض و بالنسبة للدره مدري متردده لأن صاحباتي اللي مدحتلي فيها ما احس اولادها لغتهم قويه بس في نفس الوقت مافي مدارس كثير تقبل من سن يوسف و نفسي أشوف الملك عبدالعزيز اللي بيقولوا عليها البنات شكلي حأكلم الدليل أنا كمان و أتصلبهم و صح دايما اسمع الرواد الإنترناشيونال ممتازه بس الصراحه حرام 20000 و فوق للروضه أنا كنت حاطه ميزانيه اقصى شيء 10-12 ألف
أما عبقرينو نفسي من زمان اعرف إيش فيه بس رأيك في شيء مناسب للصغار مره؟ هنا في جده في روائع المكتبات من جد مره حلوه لو واحده فيكم جات جده لا تفوتها حينبسطوا الأولاد مره وكمان فتحوا واتر بارك فيها مرة حلو ومنظم

يالله سلام و نراكم و سلامي لشكلمة وباقي البنات والمره دي حأنسخ الرساله مع إنها مو مره طويله:)