انا مرة عزمت جارتي تشيلية ومدرسة زوجي امريكية و٢ امريكيات وسويت قهوة وتمر والعشاء كان كبسة وشوي قرصان وفتة وسمبوسة بغى ينهبلون مرة استانسو ومع العشاء عصير بعدين شاهي والله مرة اعجبهم واسبوع وهم يحكون فية...

نورتي نجمة سدير بمرورك

بصراحة شيء حلو أني أشوف السعوديات تستضيف أوروبيات في بيتها أتذكر لما كنت بالمدرسة كانوا مدرسات الدين

يقولون لنا أنتبهوا منهم ولا تصاحبونهم بس إلي أشوفه أن تعاملنا الحلو معهم يرغبهم بالإسلام أكثر ويعرفون أننا شعب مضياف ويحب التعرف

حبيبتي مرررررره هم ينجنون علا اشيا العرب
حتا قهوتنا مع انها غريبه يحبون يجربونها
انا احط لهم تمر وقهوه والله سبت كامل تمر يفضا بالمره
ويموتون بشي اسمه كبسه
والبسبوسه يحبونها كثيييييير
والحمص والمتبل والخبز العربي والفول والفلافل

وترا هم ما ينقدون ولا يتشرطون هذا الحلو فيهم يعني لو كوب شاهي وشبس ينبسطون فيه بالمره

قهوة وتمر وحلى يموتون عليها والكبسة لان اكلهم كله سريع وبارد ماله نكهة اذكر مرة واحد جاء سويتله شاي بالنعناع شرب براد يقول الذ شاي وش السر وقاله زوجي النعناع شكلهم بس يحطونه على السلطة

فعلا زارتني صاحبتي مرة في البيت استغربت التمر وصغر فنجان القهوة وطلبت مني تشوف مقاديرها واذا ارسلت لها اكل تنجن على نكهته وطلبتني وجبت لها البهارات وصارت تتسوق من المحلات العربية عندنا بأستراليا وبدأت تتأثر كثير بدين بالاسلام وتصرح اعجابها به لاني لما اسولف او اتعامل معها ما اقول في السعودية لا لكن احاول اتكلم بصفة عامة اقول في الاسلام لازم كذا وهذا ممنوع في الاسلام ووو.......... عشان مايرتبط بذهنها الدول بل الدين الاسلامي .