انا زوجي مسحور واول ما تزوجنا كان بس يغمى عليه ويصير زي المتشنج وشوي ويصحى بس كل ما له والحاله تسوء وجبنا شيخ في بداية زواجنا يقرا علينا في البيت وصار هو يتثاوب وترجف يدينه ويطقطق اصابعه وانا ماصار فيني شي الحمد لله ولما خلص الشيخ قراءة قاله وش تحس قال ((كنو شي ماسكني في ظهري)) فوق الكلى شوي على اليمين.
وتطورت حالته وصار يستفرغ دايم شي اسود وكنت اظن انه من الدخان او من البيبسي بس انا نصحته يورح للشيخ وكان يتعب عنده مره ويستفرغ كثير اثناء القراءة ويضغط على بطنه ويضربه بس هو ما يلتزم مع الشيخ .
واستمرينا 4 سنين راح ل3 شيوخ غير الاول وكلهم قالو انه سحر مأكول ويحلم بحريم وقطاوه وانا كنت احلم ان زوجي شخصين واحد منهم كان يطالعني ويضحك بصوت عالي وانا ابكي وكنت اقوم وانا ابكي بس زادت حالته عن اول وصار ما يطيق مني اي شي ولا حتى انه يجلس معي ومع عياله واي شي اسويه او اقوله يهاوش عليه ولو كنت ساكته يقول ليه تطالعين كذا ويسوي مشكله.
بس لاحظت انه يبغى يجامعني كثير حتى ولو صرنا في نص الهوشه وهذا شي غريب يعني لو قلنا بعد ويبي يراضيني ممكن بس بهالاسلوب مستحيل وتكرر هالشي وانا حامل ببنتي واحيانا اصير من الهوشه ابكي ويطلب مني هالشي وغصب ولا لقيت له تفسير؟؟
وقت ما يروح للشيخ ولو لاسبوعين يخف ويرجع طبيعي يمكن 6 شهور ويرجع ينتكس وصار ما يصلي واخر رمضان افطر في ايام كثيره ويقول غصب عني.
ومره كنت اطالع التلفزيون واقلب بالقنوات وقفت على قناة كان فيها شيخ يقرا ايات السحر وانا مو منتبهه والصوت ما كان عالي وهو جالس على الاب توب فجاءة قام يصرخ ويبكي ويقول ((والله اشوفهم والله اشوفهم)) راح للغرفه جلس يبكي ويقول طفيه طفيه وماسك بطنه المهم انا طفيته ورحت له وانا خايفه بس ما بينت له وجلست اساله واذكره الله واقوله مين هم وقال ((حريم انا شفتهم في شاشة الجهاز وكانو يضحكون علي)) وانا جلست اهديه واقرا عليه المعوذات وبعدين صار يستفرغ ويقول فيه شي زي الممسوك في بطنه جهة المعدة , وبعدين هدا وناام .
المشكله الحين انه رافض يعالج ويروح للشيخ وانا تعبت وتلفت اعصابي وصرت اشوف تاثير على بنتي وشرحت له اني راح اصبر بس لازم هو يتعب شوي ويعالج وان حالته بدت تضر البنت وهي صغيره بس رفض وقال اننا ننفصل وانا الحين متقبله وضعي الجديدوراضيه بامر الله وجالسه انقل اغراضي وانتظر ورقتي.
عارفه اني طولت بس موضوعك جاء على الجرح وما اقول الا حسبي الله ونعم الوكيل على كل من فكر في هذا الاسلوب الدنيء لتخريب البيوت او لتقرب من شخص.
انا زوجي مسحور واول ما تزوجنا كان بس يغمى عليه ويصير زي المتشنج وشوي ويصحى بس كل ما له والحاله...
كنت ارى ناس ذوي بشرات سوداء يلاحقون وبعض الحيوانات بس اللي بشرتهم سوداء كانت اكثر الاحلام اللي تزعجني وكان بشكل يومي
حتى وصلت اني اخاف لما اشوف بالواقع ناس من هالبشرات
وفسرت مجموعه عند شيخين مختلفين وكان تفسيرها اني اعاني من سحر ماكول ومشروب
وبالتوقيع تجربتي مع العلاج