الاخت العزيزه شكرا جدا على مشاعرك النبيله وبالنسبه لوجودكم في مصر فهي يشرفها وجودكم وده اقل واجب انتم ايضا كنتم سباقون باستضافة المصريين واكرامهم وان شاء الله ربنا يفرج كربكم

الاخت جمانة بصراحة شكلك تعبتى من الفراغ فقررت تكتبى موضوع لاثارة الفتنة كعادة البعض من العضوات اللى بيستمتعوا بكتابة مواضيع من هذا النوع ويزيد استمتاعهم لما الردود تكثر وتعلى وتيرة التصادم بين العضوات.
والله انا شايفة مش عاجبك الحال فى مصر لمى شنطك ودورى على أى بلد تحسى انك فيه مش مستغلة. انا معاكى انه فى ناس مستغلة فى مصر بس فيه ناس كويسة ومحترمة وبتحب تساعد الناس بدون مقابل وحتى اللى بيستغل بيحط الناس فوق دماغة ويحترمها لكن فى اماكن تانية لو جربتى تزورى اوروبا قبل كده هتلاقى الناس دى بتستغلك وتاخد فلوسك وتنظرلك نظرة دونية انك عربية جاهلة.
وعلى فكرة احنا كمان تعبنا من نوعيات معينة بتيجى مصر متخيلة انها بشوية الفلوس اللى معاها ممكن تعمل اللى هى عاوزاه بدون رقيب أو حسيب زى المدعو طلال السعودى الجنسية اللى قتل عائلة مصرية على طريق الساحل الشمالى كاملة لم ينجى منها غير الابن الصغير بسبب رعونته وطيشة فى القيادة وهرب خارج مصر وبعث برسالة مفادها اخبطوا دماغكم فى الحيط دية مش دافع حبس مش محبوس وتناسى ان فى رب هياخد حق المظلومين منه ولو بعد حين.
والله انا عاشرت بنات سعوديات كانوا عايشين فى مصر بحكم عمل والدهم فى السلك الدبلوماسى كانوا قمة فى الاخلاق والرقى والتحضر فى التعامل مع الناس وكانوا مستمتعين باقامتهم فى مصر وكان حزنهم كبير وقت ما انتهت فترة والدهم فى مصر ولغاية دلوقتى بيزوروا مصر كل سنة تقريبا.

طيب لو بتتكلمى على الاستغلال ايه رأيك فى الاستغلال اللى بيحصل فى مواسم الحج والعمرة الشىء اللى بريالين يصبح بعشرة وعشرين لكن عمرنا ما قلنا زهقنا من السعودية والسعوديين واستغلالهم لاننا على درجة من الوعى اللى بتخلينا مدركين ان الناس دى فئة قليلة لا تعبر عن اخلاق الشعب السعودى الكريم.
على قد الواحد ما بيزعل لما يقرأ موضوعات وردود من النوعية دى لكن فرحته بتكون كبيرة لما يلاقى
اخوات على درجة من كبيرة من الوعى والادراك فى تناولهم للموضوعات والردود المحترمة الموضوعية والنقد الايجابى الغير جارح، عموما كل اناء بما فيه ينضح.

يا ريت يا اخت جمانة قبل ما تكتبى موضوع تفكرى انك هتجرحى مشاعر كام اخت لك فى الله.
والله ودعوة من القلب لكل الاخوات اللى بتكتب موضوعات من هذه النوعية لاثارة الجدل واللغط بين العضوات بالهداية.

احنا هنا مش بصدد الدفاع عن اخلاقنا او شعبنا
ده قضيه مفروغ منها ومش منتظرين حاجه زى دى حتغير اى شئ ثابت ومعروف

الكلام هنا انك ياختى بتنظرى للى بيحصل لكم من الغلابه المساكين اللى بيسترزقوا
وان كانت الطريقه غير لطيفه لكن على الاقل دول غلابه
ليه بقى مش بتشوفى معاملتكم مع المصريين بالذااااااااااااااااااااااااااااااات
شكلها بقى ايه كل يوم الاسوأ فى الاسوأ بطريقه غريبه جدا وكل يوم تلغى حق من حقوقهم
ويلغى رخصه وتضيق عليهم الدائره يوم بعد يوم
لا حقوق تعليم لا علاج لا صحه لا مرااعاه فى ايجارات ولا حتى معامله كريمه
طبعا انا مش بعمم لكن بقولك النماذج اللى غير مبرر على الاطلاق تصرفاتهم دى على الاقل المعامله السئيه اللى بتقولى عليها هنا ليهم مبرر انهم فئه غلبانه فقيره بيسترزقوا
اللى عندكم بقى بيعلموا كدا ليه وليه اخلاقهم دى مع المصريين تقدرى تقوليلى ؟؟؟؟؟
ونسوا كل حاجه نسوا مين اللى علم وبنا وطبب وربى واسس وخدم بدمه وتعبه وعرقه وبمقابل مادى عادى جدا بمنتهى الحب والاخلاص
واللى بياخد قرش عندكم سواء دلوقت او زمان بيدفع قدامه الثمن صحته وعافيته وغربته وحرمانه وباضعاف مضاعفه
ارجعى كدا لوراء بالذاكره وانتى حتفهمى كلامى كويس

وبعدين عوزه اقولك حاجه انتى على قد حالك وتبعانه من استغلالهم
اتعملى شوية نصاحه وخبث ومتديش الا على قد تعبهم بالضبط
اما لو كنتى ميسوره الحال
حاولى تدارى ومتبينيش قدامهم
او اعتبيرها صدقه ياستى

لا حول ولا قوة الا بالله

ليه كده

انا طبعا متوقعة انك لسة متعرضة لموقف سخيف خلاكي تعصبتي وكتبتي وعممتي على المصريين كلاهم

بس حبيبتي كل مكان فيه الصالح والطالح
ولعلمك بقى ولكل الأخوات احنا في مصر بندفع زينا زيكم في كل حاجة التاكسي ياخد مننا بكثير وحجته البنزين غلي
الكل يتوقع بقشيش لأنه جزء من ماهيته القليلة
الشحاتة قرفانة زيكم بالضبط وعلى فكرة موجودة برضه في الدول العربية وفي السعودية شفتهم في الرياض وفي مكة

المصريين او حد تاني غير مواطن بيتعامل في السعودية باسوأ شكل

يا شيخة ده انا في المطار الملك خالد لموا كل الأجانب على جنب طوابير طويلة وفينا ستات واطفال وشيوخ وعدوزا المواطنين الأول رغم انكم او غيركم في بلدنا بنرحب بكم من قلوبنا والغريب عندنا سلطان
ومع ذلك عمرنا ما قلنا حاجة ولا عيبنا في حد ولا عممنا

ما يصحش كده ما تعمميميش علشان احنا كمان ما نردش
عيب كلنا عرب ومسلمين في الآخر والأول