للمناقشة/ سهر البنات عند صديقاتهم لساعات متأخرة صح والاخطأ؟

السلام عليكم





يا بنات أبغى أطرح عليكم موضوع

الحين احنا عندنا في البيت الساعة 12 بالكثير وينقفل الباب

يعني أخويه الكبير لازم الساعة 12 يكون في البيت وممنوع التأخير


أبوي محطي هالقوانين حتى على نفسه وما يقدر ينام وأحد من أفراد الأسرة مو بالبيت

أو أحد عندنا يسمر.

الا اذا كان اللي بيسمرون مع أمهاتهم أومن القرايب


لكن الحين أختي أصغر مني بكم سنة ودخلت الجامعة

وحتى أختي اللي أصغر منها بالثانوي، صديقاتهم يسمرون عند بعض ساعات طويلة

وبعضهم ينامون عند بعض، والأهالي ولا يسألون ولا شيء

ويجتمعون في مطاعم ومولات وكذا.

أخواتي متضايقين من هذا الشي يبغون يصيرون مثلهم

وأمي رافضه هذا الشيء وتقولهم حطوا في اعتباركم أنا ما عندي

بنات يجتمعون عند صاحباتهم لساعات متأخرة

اذا تبغون خليهم يجونك زيارة ما أمانع

أما حكاية كل يوم وانتوا تجتمعون في مطعم أو تسهرون عند بعض مرفوض

المهم جوا صديقات أختي زيارة، جووا من بعد المغرب ووصلت الساعة اثنين ونص وهم باقي موجودين

وأمهاتهم لا سألوا عنهم ولا اتصلوا

أبوي تضايق مرة، والصراحة كلنا تضايقنا -لأنهم طولوا-

الا أخواتي يقولون عادي كل البنات كذا

وكمان بعضهم يشيشوون وأهاليهم يدرون وعادي


قلت لهم خلاص عشان ما تتسببون في مشاكل لأنفسكم بلغوا زميلاتكم

ان الحد في بيتنا حتى 12.

قالوا: يقولون علينا معقدات وأهلينا مو واثقين فيينا و..و...,
المهم قلت لهم: كل بيت ولهم أسلوب معين انتوا عارفين طبعنا ولازم تلتزمون فيه.


طبعا أنا مو أتحكم في أخواتي

بس قاعدة أنصحهم عشان ما يتعرضون للي ما يسرهم من أمي وأبوي


بسألكم يا بنات انتوا كذا طبعكم

بناتكم والا أخواتكم يسهرون عند صاحباتهم لساعات متأخرة

ويخرجون مطاعم ومولات.

أسأل لأنه مو بس أخواتي اللي قالوا كذا

حتى بنات جيراننا يروحون استراحات ويطولون.

أحسها مسؤولية

طيب يسمرون مع مين؟

من هم زميلاتهم؟

وهم بنات ثانوي وجامعة وباقين ما نضجوا، يعني بسهولة بينجرفون ويضيعون؟


ايش رايكم احنا فعلا متشددين والا هذولا الناس هم اللي مفلتين؟

حبيت أطرح عليكم الموضوع وأشوف آراءكم؟