بنات بسالكم وش رايكم في صديقتي زوجها طيب ويعاملها مرة زين وشايلها عن الارض
واهم شي يمووووووووووووت فيها بس هي ماحبتة من اول زوجها
لانها مجبورة علية ولانهاجميلة وهو يعني مو مرة وهي يهمها الشكل
وتقول حرام اضيع شبابي مع انسان مااحبة مع العلم انها حاولت تتاقلم
معة سنة كاملة ولاقدرت ولاعندها اولاد
اسالكم باللة لو كنتو مكانها وش بتسون

نوف فارس لا لا لا كذا ما يصير !!!!

شوفي حبيبتي أنت ما سويتي جريمه هذا شي محلله رب العباد وهو حكيم وأعلم بحاجتنا له ولا لو فيه عيب ما كان شرعه...

ما عليك من بنات اخوالك وعمومتك، بالعكس هم بداخلهم معجبين بشجاعتك لأنك قدرتي تسوين الي محد منهم تجرأ وسواه..

على بالك كل وحده منهم مبسوطه؟!! بالعكس كم وحده فيهم تتمنى لو يخطف زوجها الموت عشان تفتك من ظلمه ، فلا تحقرين من نفسك، وخليك واثقه من نفسك، وخلي هالفترة فرصه لك عشان تطورين نفسك (إما بحفظ قرآن، تجلين بدورة تحفيظ، تتعلمين لغة، حاسب) شي مميز ويميزك بزيادة عن الي حولك ويخليك تحسين بقيمة نفسك أمام نفسك،

وبعدين تكشخي وتزيني ووسعي صدرك واطلعي، صدقيني انت قاعده تحطين نفسك بقوقعه وهمية بتخنقين نفسك بنفسك.. الحياة اوسع من كذا، وخليك منطلقـــــــــــــــه زي ما قالت حبيبتنا أمل نجد :)

اعيدي احياء علاقتك مع صديقاتك القدام، وكوني علاقات جديدة، وطبعا تذكري انك ما تقولين لاحد عن شي الا الي يسرك ولا يفرح عدوك عليك، يعني كوني حذره وبنفس الوقت اعرفي لمن تفضفضين (اقصد لا تعطين سرك لاحد بينشر خبرك)


يالله طريق الإنطلاق قدامك عريض وأبوابه عديدة، ولا تنسين إن مفتاح إنطلاقك بيدك أنتي، لا تنتظرين أحد يجي يقولك هاتي إيدك بمشيك، لأن هذا هو واقع الحياة حقيقة!


والله يوفقنا وإياكم :)

اهلين منطلقات كيف حالكم:27:

نـــــــوف فـــــارس
ليششش حبيبتي مايصلح كذا اذا انعزلتي بتجيبين عليك الكلام زود
اذا طلعتي واختلطتي وناظرتي اللي يطالعك بعين( بعينين):cool: كذا بترتاحين نفسيا ولاراح تتأثرين بأي كلام
والناس وبعض الحريم بالأخص ماشغلتهم الا الكلام بالمتزوجة متى تحمل وسوت وقالت وقاللها زوجها والبنت ليش ماتزوجت ومن خطبها وليش ترفض ووووو والمطلقه وراها تطلقت وووو يعني في كل حال بتكلمون وأهل اللغو مايسلم منهم احد

ودي أنسى
ماالوم صاحبتك لأنها اذا ماقبلت الرجال تخاف ماتعطيه حقه وهي مو بس بتظلم نفسها لأ بتظلمه معها بعد...لكن اذا كان خلوووق ومتدين لازم تحاول تصبر وسمعت عن كثيرات ماتقبلوا ازواجهم في البداية لكن قدروا الازواج يكسبونهم باخلاقهم ودينهم ومعاملتهم وصاروا بعدين (يسوون عيونهم)

السلام عليكم ورحمه الله

يازيييييييييييييييييييييييييييييييييين الانطلاق الي يفتح لك مجالات جديده وحياة حلوة ..معقول اعيش عمري محرومه من السعاده وحارمتها لابن الناس..لالا ازين حل واعظم طريق بالنسبه لي كان الانطلاق

واحلى حياة عشتها ولله الحمد بين اهلي واخواني وخواتي والجامعه بعد الانطلاق ..ومو لازم اتزوج ..والي كاتبه ربي بيصير والناس هرجهم مايقضي كل يوم يطلعون لك سالفه ..ونظرات الشفقه حدث ولاحرج بس خليهم يشفقون ويرحمون,,مافي ضرر اهم شي انا قويه من جوا ومن برا..وحاسه اني امشي بالطريق اللي ابيه

ويازين الانطلاق الي يقربك من الله ويحول حياتك الى عباده ..وازين من كذا ان الله يبتلى العبد المؤمن ليزيد من ايمانه ويكفر عنه ذنووبه..وهذي نعمه بحد ذاتها

الله يوفقنا اجمعين ويصلح لنا ويجعلنا من البااارين بوالديهم والواصلين لارحامهم..ويختم لنا بالختام الحسن

نـــــــوف فـــــارس

انتي الوحيده ؟!!

كوني المتميزه طيب ، خليكي قائدة الثوره :17:

بكره تشوفين اللي تكلم واللي ماتكلم واللي يلوم واللي ينصح تسهل لهم الطريق لأنك انتي القائده الشجاعه

كنت انا الوحيده في قريباتي اللي انطلقت برغبتي وكان الكل مستغرب ويسأل ويتكلم ويلوم ويقول وووو

لكن بعد كذا تدرين وش صار ؟

ان كان 3 من قريباتي سووها بعدي فهي شوي ، ماقول هالكلام شماته لاوالله ، لكن الناس مالهم الا الكلام هذا اولا ، وثانيا كل شخص وظروفه ، وثالثا انا فتحت لهم طريق يمكن كان صعب اي وحده من هالبنات تكون قائدته .

الله يوفقك ويسعدك وينور دربك ويعوضك خير :26: