صدقتي يالغاليه كثير بنات تزوجو شهر او شهرين او ثلاث ثم تطلقو ولكن صار فيه حمل وصار عمرها ومستقبلها كله متعلق بهالفترة القصيره جدا واعرف عدة بنات صارت لهم هالمشكله . ولكن بعضهن تجلب المشكله لنفسها اذا شافت الغلط وسكتت عليه مع انها تاخذ موانع وممكن تنجو بنفسها بلا اطفال لكن تترك الموانع وتحمل تقول يمكن يصلح الوضع ، وتزيد الطين بله ، ويصير طلاق ثم تطلع بخسائر كبيره بسبب اصرارها على تغيير مالايتغير .

الرجل ليس عجينه بيد المرأه لما تتزوجه تقول باسويه مثل مابغى ، بالعكس قد تضطر المرأه تتكيف على وضع الرجل ، لكن بعض النساء الله يهديهن يعتقدون ان الطبع الموجود ممكن تغيره والشيء السيء تقدر تقومه ، وتحاول عدة مرات ويمكن سنوات وفي الاخير تطلع مثل اللي يبي يكسر جدار باصبعه ، لاهي اللي كسرت الجدار ولااللي سلم اصبعها .

:27:

أبله ... أبله ممكن أسجل معاكم




ها قبلتوني ولا لا ؟؟؟؟؟؟؟؟؟؟











ألله يسعدك موضوع حلو وفعلا مفيد لنا ولأخواتنا عشان يعرفوا يختاروا

اما عن سؤال الأخت ....الطلاق أمر صعب لكن أحيانا الضرر يكون أكبر من النفع اللي موجود بالزواج

ومن الصعب انو الزوجه تستمر وهي حاسه بالحرمان من أهم الأشياء ...مو عارفه كيف أوضح لكن هدي كلمات

بسيطه أتممنى تكون وصلت

إذا لم تجد من يسعدك فحاول أن تسعد نفسك
.. وإذا لم تجد من يضيء لك قنديلاً .. فلا تبحث عن اخر أطفأه
وإذا لم تجد من يغرس في أيامك ورده
.. فلا تسع لمن غرس في قلبك سهماً ومضى


وسلامتكم
:24:

لـجــونه
هلا وغلا فيك وحياك يالغاليه اكيد لك مكان طبعا ..............

ودي البنات يشدون حيلهم بالنقاش شوي ويفضفضون ويتكلمون عن النقاط المهمه بحياتهم

والتجربه اللي مرو فيها لابد انها تقويهم وتشد عزيمتهم لتحسين مستقبلهم

ايش الحاجات اللي مرت فيها الوحده وحزت بنفسها من ردود فعل الناس حولها خلال مشكلتها

اتمنى المنطلقات ينطلقون نحو النقاش للاستفاده

السلام عليكم
ياحبي لنجد كلها،،،،،،،،،،،،،،،،،،
والله انك ياامل نجد حركتي جروحي وقومتيها من نومها....
أنا لسه ماصارت منطلقه يمكن اكون يمكن لا الله يصلح الحال يعني لا انا في بر ولا في جو
بس تغيرك لقب مطلقه الــــــــــى منطلقه كان رائع...................
مثل ماتقولين احاول انسى الماضي ولا افشي الاسرار واكتم دموعي والحمدلله اني ادرس ولا
كان علوم الدراسه توسع الصدر خاصه الجامعه
واحسن شي صارلي هواني صارت مجتهده بدراستي وعند طموح اخذ تقدير كويس
بفرق عن اول كنت مهمله مطنشه خاصه دراستي جامعه نظري وعملي يوم كنت عايشه مع زوجي
اهمااااااااااااااااااااال للدراسه
والحمدلله هاذي اخر سنه لي بس الله يسمعنا العلم الزين
والصراحه هالمشكله خلتني معلقه وعلمتني كثييييييييييييييييييييييير اشياء
بس لي عوده.................ماني قادره اكتب من دموع الندم على عمري اللي عطيته للي مايستهله
تحياااااااااااااااااااااتي

يعطيك العافية الاخت امل نجد موضوع رائع

اخيرا فيه احد عطانا وجه بصراحة حسيت اني نفسي اجلس اكتب همي الين ارتاح

فانا مطلقة للمرة الثانية الاولى زواج على ورق فقط اما الثاني رزقت فيه باحلى طفلين

ومثل كلام الاخوات الحمدلله ان الله شرع الطلاق ......

في المره الاولى طلاقي كان بسبب مشاكل بين العيلتين لم يتم على اثرها الزواج

وكان الامر عادي بالنسبة لي لاني على قولتهم لم ادخل دنيا

اما طلاقي الحالي كان باختياري لاني عشت بعذاب طول فترة الزواج وزوجي كالسجان في

البيت وكنت اجامل لاجل اطفالي وتحملت الكثير وصبرت حتى طفح الكيل.......

وبكل عزم طلبت الطلاق وذهبت لاهلي محطمة راجية منهم مساعدتي لاني مو قادرة اتحمل

رجل غيور يقول لي بكل غباء وبلاهه مشكلتك انك جميلة ولا اريد ان يراك احد غيري

سامحوني عالالفاظ بس هذا شي بسيط من كلامه القاسي حسبي الله عليه

الحمدلله الان اعيش برااااااحة منه ومن عيشته

حاول ار جاعي لكني رفضت وبشدة

تصدقون في البداية الكل لاحظ اني مرتااااااحة للطلاق وزاد وزني بعد ما كنت عنده هيكل من

كثر المشاكل .... والان الوضع عادي بس مشكلتي اطفالي وخصوصا ابني الاكبر

يسالني اسئله قسم بالله تبكيني مثل ليه ياماما مانروح بيتنا ؟؟؟ وين غرفتي ؟؟ وليه ؟؟؟؟؟

في احيان كثيرة ابكي على حال اطفالي احسهم زي الايتام وانا احاول جاهدة ماحسسهم بشي

فكرت ارجع لجل خاطرهم بس ارجع واقول اروح للنار برجلي ......

احيان كثيرة الوم نفسي واقول لواني صبرت لاجلهم والله يعوضني فيهم .......

صدقوني اللي بتتطلق وعندها اطفال نصيحة مني لا تتطلق لانها بتموت حسرة عليهم

تصبر والله يعينها ............

اخواتي بالله عليكن اللي مطلقه وعندها اطفال تقول لنا كيف واجهت الموقف

وسلاااااااااااااااااااااااااااااااام