للموظفات القويات فقط ((الضعيفات رجاء بعدوا شوي))

السلام عليكم ورحمة الله وبركاته
اخواتي العزيزات الغاليات على قلبي يامن اذا واجهتني مشكله هرعت اليهن بعد الله باحثه عن حل ولله الحمد لااخرج الا وقد وجدت لي حلاً شافي........
ومشكلتي تتمثل عندما رزقني الله بوظيفة معلمه الحمدلله فهي رزق من الله وسعدت بها كثيرا لان اهلي اسره محتاااااجه وانتفعوا من خلال مارسله لهم شهريا والحمد لله من غير تخصيص مبلغ للمطبخ ولامي ولابي ولاحد اخواتي عاطل وتحسنت حالتهم جدا ولكن مشكلتي:44: مع زوجي طبعا راتبه9000 و3000 تسديد قرض والباقي له ومايمر يوم الا ويقول فلان شاريت له زوجته سياره وفلان شاريتله عمااااااره و و ووبنتي الله يخليها لي مايمشي لها مصروف شهري لبسها يفشل ولا عليها ذهب والناس يقولون اهلها ماعليهم وهاذي بنتهم اهمشي يقول اجيب لها حليب وحفايظ وبس والملابس اذا بكت وتنكدت عنده بعد كم شهر عطاني 200 وبمنه وغرفته فراش زي الناس مالها تنام عندي ويقول مافيه امل اشري لها سرير والله من ولادتها ماشرى لها سرير ولاكبت للملابس طبعا لاقلت له نبي للبنتنا قال انا عني الايجار والشغاله الايجار مايتعدى عشرة الاف والشغاله انا قدمتها وتعرفون اول ماتوظفت قالت اختي لايضحك عليك و و فقلت ادفع انت راتبها :mad: صرت قويه ولا بلروح لاهلي فوافق بس نكد علي كل يوم يعيد الاسطوانه طبعا ريال علي مايصرف اغراضي جوالي نقلي ملابسي كل شي يخصني علي وطبعا جلس يتبكبك عندي الايجار حل وانا مامعي و .و...و...... فصرت انا زورو واخذت قرض بمبلغ5000 وعطيته واسدده انا شهريا160 لمدة خمس سنوات وهلحين نزلني عند اهلي ورجع لمنطقتنا وقبل مايروح جاب لبنته كرتون حليب وحفايظ وراح ولاعطاني مصروف لها تخيلوا اختي مو موظفه ولدها بعمر بنتي واخوي بنته بعمر بنتي و ماشاء الله زوج اختي جايب لولده كرتون عصير فواكه وحليب نكهات كل الي يطلبه واخوي راتبه مايتعدى3000 وبنيته غرفه خاصه كامله وكلها ذهب ماشاء الله اللهم لاحسد اخوي واختي ماقصر معهم راتبي بفضل الله زين واقدر اصرف على بنتي واخليها ملكه والله اقدر اوفر لها كل شي بس انا ماسكه نفسي مابيه يتعوووووووود وينسحب من مسؤليتها وش رايكم وش اسوي معه قهرني:44: قسم من توظفت وكل ي محسوب علي ولعلمكم قبل الوظيفه احتجت8000 ريال لحاجتي لعمليه فرفض وقال مامعي وعطتني اختي المبلغ وتفأجأت انه شاري له ارض ولامه ارض بنفس الوقت اي احتجت فيه الله يسامحه احس كرهته طبعا مو لبخله فقط

2)))هو انسان مو اجتماعي عكسي تماما انا جدا اجتماعيه ومرحه واحب الفرفشه وماعمر احد شافني الا قال معقوله مدرسه نحسبك بالثانوي وهو مقتنع بهالشيء ويقول انتي حلوه ودلوعه ومبين عليك بنووته ومستحيل الاقي مثللك وانبسط اذا قال هالكلام بس لاتذكرت حركته وطبايعه الشينه وثقيل دم درجه اولى ومحد يحبه وخصوصا اهلي يقولون وشلون متحملته غثيث مع مرتبة الشرف كم مره فكرت بالطلاق قلت اتري راحة نفسي اختي قالت كلمه لين الحين ترن بأذني قالت اقص ايدي اذا مو ناوي يتزوج عليك ويجمع مادام مايصرف كذا وش اسوي معه تكفوووووووون ابي حل

ويامعلمات ياقويات وش اسوي معه و اخليه يصرف كم على بنيته وكيف اتعامل مع هانموذج الرائع من الرجال......:arb:.