للموظفات المتزوجات

انا أصرف على نفسي وعلى ولدي لأن

انا أصرف على نفسي وعلى ولدي لأن راتب زوجي ما يكفي وغير ماخذ سلفه من البنك

انا أصرف على نفسي وعلى ولدي لأن راتب زوجي ما يكفي و ماخذ سلفه من البنك ومديون............ يعني يسدد كل شهر للبنك
بصراحه من تزوجته وانا اصرف على نفسي واذا احتاج لمبلغ أساعده لأن راتبي أكثر من راتبه .....
(لحياة تعاون بين الزوجين)

انا اصرف على نفسي واولادي احيانا اذا اشتهيت اشتريلهم ملابس غاليه او شي، ما اقصر ولا اكلفه فوق طاقته وهو عليه الاساسيات ، واذا عن الصرف دايم اوصفله الحريم اشيلبسون من الماركات واحراجي من بينهم و ان اولادي لابسين اقل من باجي اليهال وضيقة صدرهم ياخذون زاوية في العزايم لما يشوفون باقي اليهال اشلابسين وبعدين قوليله انا ما ارضى لعيالي كسرة الخاطر بصرف معاشي عليهم ، اهو اذا حس انج مو امقصره على اليهال راح يتكفل بالاساسيات على اساس ان اليهال عليج وانتي عاد وشطارتج تلفين السوق تشترين لهم اللبس الرخيص بس المرتب اللي ما يبين عليه ارخيص واتسووين جذي مرتين بالشهر واتورينه عشان تطيبين خاطره اتكشخينهم واترزينهم عنده عشان يشوف انج قاعد تصرفين ، ترى مو احتيال بس للاسف رجاجيلنا مسرفين ويبخلون على حريمهم وبالمقابل تلقينه شاق جيبه على اهله ودايم اهم الفقاره المساكين وانتي الغنية اللي مو محتاجه شي عادي
واذا على الاثاث سوي عزيمه حق اهله ولين اطلعو سوي نفسج متكدره واذا اسألج قوليله واخزياه يابو فلان القريب نقد على اثاثي عجل اشلون البعيد واش بيقول عني طلبتك ما تردني بيض وجهي وارفع راسي قدام اهلك والناس وغير الشي الفلاني اخذيه بالحيله وكثري الكلام تراهو ببلاش والرجال يحب اللي تشيمه وتطلبه و اتحرك فيه الفزعه وطبعا اذا نفذلج اطلبج دايم قدام اهله امدحيه واهو موجود قولي الغالي بو فلان اللي ما يقصر عسى ربي يخليه ويزيد خيره مثل ما هو رافع راسي طيريه فوق السحاب ما وصيج

حبيبتي فيفو نت اشككرك على مشاركتك لاكن زووجي مش متسلف من بنك وراتبه اكثر من راتبي وحتى قال لي انا مو محتاجج انك توظفين لان راتبي مكفيني ومكفيك لاكن انا اصررت على الوظيفه..... بس كيف اخليه يصرف فلوسه على البيت والاولاد من فلوسه هو لانه يمكن يتغير بعد الزواج ويصير مثل زوج صديقتي اللي قلت لكم عنها في موضوعي :( انا اجهز الدوا قبل الفلعة :27: لانه اكثر الكلام قبل الزواج مجرد كلام من غير فعل :angry:


حبيبتي rawnd مشكوره على كلامك ياعسل :27: لاكن انا ابغي كل شيء على الرجال لاني ماراح احط ولا ريال لمصروف البيت (( بخيله :D )) ابغاه يدفع لاكن بطريقه غير مباشره لكل شيء احتاجه..... لانو اذا عودته اصرف على شيء على الاطفال ولا على البيت من جيبي راح يتعود وانا مابغاه يقول لي انتي ادفعي وين فللوسك ياموظفه :30:

ايش هو الحل برايكم..... انا ماقصد انو بخيله عشاني ماصرف شيء على البيت ولا الاطفال....... لاكن مسألة انو الزوج مايتعود على كذا انو انا اصرف على البيت... ومسألة انو هو قال لي انو مش محتاج لوظيفتي راتبه يكفيني ويكفيه :16: ابغا اشوف الفعل فهمتو قصدي :(