(للنساءفقط) Pms أو أعراض ما قبل الدورة الشهرية

الأخوات العزيزات ،

أنا أعاني من مشكلة عويصه بالنسبة لي،وأعتقد أنه لازم يكون من بينكن من تعاني من نفس المشكله، لأنها حالة طبيعية ومنتشرة بين النساء، وهي أعراض ما قبل الدورة الشهرية ، يعني قبل موعد الدورة بأسبوع تقريبا تجيني حالات أكره نفسي فيها مثل تقلب المزاج من 3 ألى أربع مرات في اليوم ،،:34: الحين حزينه وبعد شوية أعاني من نرفزة لأتفه الأمور ،،وبعد شوية كئيبة وبدي أصيح وكل شوي مزاج ،،والصراحة آنه ما يهمني هالشىء لكنه يوثر على طريقة تعاملي مع بناتي وخليهم ما يعرفون يتعاملون معاي أو يخافون مني،:25:، هذا غير التغيرات الجسمية اللي تحدث للجسم ويمكن معظمنا يلاحظ هالشىء.
وبعدين زوجي أصبح يعرف هالموضوع بس ساعات ما يستحمل وما يصدق اني ما أقدر أسيطر على هالموضوع.:30:
حاولت البحث عن السبب وعرفت انه ها الشىء تعاني منه معظم النساء ،،ويزيد بعد الولادة ومعغ تقدم العمر ،،وأسباب هالشىء الهرمونات النسائية والتي تزيد أو تنقص،،،والله بالضبط للحين مب عارفين السبب بالضبط وهالهرمونين هم الأستروجين والبروجسترين.
طبعا حاولت البحث عن هالموضوع في مجلاتنا الكثيرة وللأسف الشديد لقيت أ،ه ما في أي تثقيف حول هذا الموضوع، أما المجلات الغربية فمكتوب عنها الكثير والكثير وتعرف بال PMS، يعني أعراض ما قبل الدورة، وأستغرب ليش أحنا للحين ما في أي توعية عن هالموضوع،،يعني لازم الوحدة تلجأ للمجلات األأجنبية والله يمكن عمرها ماراح تعرف عن هالشىء. واللي تعلمته أنه هالشىء إذا زاد عن الحد المعقول، في بعض الحالات يكون حالة مرضية ويحتاج إلى علاج،،بعض الأحيان يؤدي إلي حالة إكتئاب إذا الوحدة ما حاولت أنه تأخذ دواء يقلل من هذه الأعراض النفسية،،طبعا مب الجميع يحتاج،، أ،ا أتكلم عن بعض الحالات،،مثلي‍‍‍:12:
أنا أضطريت الى اللجوء الى طبيب نفسي علشان يشرح لي أكثر عن هالشىء ويوصف لي دواء يخفف من هالشىء.
وفي نوع من الكبسولات يباع في الصيدليات ينصحون بتناولها وهي عباره عن خلاصة من زهرة تسمى زهرة المساء،،ومعروف أنها تقلل من هذي الأعراض وأسمه evening primrose oil.
وما راح أطول أكثر ،،لأنه الكلام ما ينتهي،، وأتمنى أني أفدت بعض الأخوات:24: :10: :18: :)
وفي الأخير أنوه بأن مب الجميع يحتاج للأدوية والحمد لله،،هذا الموضوع للأفادة والمشاركة فقط:) :) :)