لله الحمد والمنه ... اختكم بائعة المسك فرجها الله علي وجبت *كيونتي*

السلام عليكم ورحمة الله وبركاته ..


اشتقت لكم يااحلى بنات في احلى منتدى ...

الحمدلله ولدت ووووووووووووووولدت وانا كنت اقول شكلي ابعوشر :icon33:


بسبب هالناس كل من شافني قالي ماولدتي؟؟؟

وش منتي ماكله لحمة بعير؟؟؟:icon33:


قلت شكل ولادتي تبي تتعسر من هالناس ...

الوحده ودها تقطع جميع وسائل الاتصالات اذا دخلت التاسع ..
بالكليه يوميا اسمع هالسؤال الى الحين ماولدتي ..؟؟
بالتليفون اذا اتصلت وحده من الاهل ولا الصديقات ..
وبالمنتدى من البنات اللي يعرفوني :(

اخر شيء خرررررررررررربت
ابو الشباب مرتين قالها ..
الى الحين ماولدتي ... متى تفكرين تولدين :(


الحمدلله ربي قومني بالسلامه زي ماكنت ادعي

ورزقني بنوووتتي اللي ماخليت رد على موضوع مااقول اسمها (كيان) :D

وكان عندي رعب شدييييييييييد قبل من الولادة

وبعد ماجربته لحد الحين لازال فيه رعب :icon33: على قولة ام زوجي ( تراه مايطلع من كم )

جاني الطلق يوم الثلاثاء الظهر 28 / 6 وولدت الساعه 1,40 بالليل يعني تاريخ 29 / 6

يعني على حساب دكتورتين رحت لهم

الاولى قالت ولادتي ب29/6 وولدت يوم دخل هالتاريخ

الثانيه قالت ب28/6 جاني الطلق فيه

والحساب اللي اسويه قال ولادتي في 29 /6 يعني مضبوط على حساااابي وووه اثري صح :)

اليوم لي 4 ايام والده ..

والله ماادري لاني بكر اول ولاده لي طار عقلي ومن شده حرارة الطلق صرت اصرخ وقول يارب بس نسيت الدعاء واللي ابدعي لهم

او تناسيت اللي ابدعي لهم لانه والله ماااااااااقدرت اغير عن كلمت يارررررررررب يارررررررب

ابغير عجزت يوم غيرت اختي ذكرتني لانها مرافق معي قالت ادعي لامي

صرت اقول الله يجززززززززززززززززززاك الجنه يمممممه وتذكرت ابوي وطريته مرتين بس هو هههههه

وامي لااا اناديها مره يممممممممه ومره ياررررررررب قمت بعدها اضحك ليش اقول يمه

من جد انادي امي بطلوقي الحاره يوم اشتدوا

سالتني ام زوجي يوم جربتي الولادة عساك دعيتي لامك لانك سويتي فيها كذا

قلت لها والله صرت انادي بكلمتي يممممه يييييييييمه ماادري ليه مع انه بطلوق اللي اقدر امسك نفسي ادعي لنفسي بادعيه وطلب من الله الرحمه والمغفره ويقومني بالسلامه

لكن يوم اشتدوا صرت انادي امي

لدرجة امي حلمت فيني الساعه 10 يوم 28 ... جابني زوجي لاهلي العصر يوم زاد شوي الطلق بس ماحبيت اقول لامي بس خبرت اختي لانها كانت فيه وقلت لها لاتروحين لبيتك الظاهر اليوم ولادتي

جلست اختي عشاني ... وحنا جالسين جابت اختي لي كاس يانسون قالت امي لاتشربينها شيء الحين

قالت لا يمه هذا يانسون يخفف الطلق عليها انا طارت عيوني على اختي اقول ليش تعلمينها

قالت اختي امك دااااااريه من زمااااااان .... حنا مانبي امي تدري لانه تتواكل وينشغل مخها علينا مانبيها تبلش فيني بهالنقطه

قالت امي ايه انا عارفه انه اليوم راح يجيك الطلق ,,, شفتك بالحلم جايتني وواقفه هنا تقصد باول الصاله

وتقولين لي يمه شكله يبي يجي اليوم ... يعني ابولد ... تجي تقول امي ليش جايه هنا يالله على المستشفى

وتقول امي شفت هالحلم الساعه 10 الصبح تقريبا وانا كنت ببيتي اشتغل وانظف بهالوقت لكن مو ذاك الشغل لا ترتيب تمسيح ..ولا حسيييييييت بشيء ابداااااااا

يوم صارت الساعه 2 وشوي الظهر بدا معي الم مررره بسيط ورى ظهري بعدين اسفل بطني
يروح ويجي بينهم مده طويل يعني ربع ساعه تقريبا والالم مو ذاك الزود بس شكيت وقلت اتاكد قبل الين زاد الظهر الساعه 3


الله لايحرمني من امي وابوي والله يجعلني باره فيهم ومرضيتهم ياقادر ياكريم

بنتي الحمدلله سليمه بخير من الله عزوجل ... وزنها هو اللي اتعبني بالطلق شكله ...

وزنها كيلوين و500 غرام مرررررررررررره صغنوووونه كل من شافها قال لاتقولين هالنتفه سببت لك طلق :44:

عاد قالت لي وحده اللي زي وزن بنتك وحجمها مايساعد بعملية الدفع لانه مايدفع زي اللي وزنه 3كيلو

بس والله اللي ساعدني الادعيه فقط


بنات للعلم انا مااستخدمت اشيااااااااااء اللي قلوها لي ..

قالولي الجماع يساعد ....
هالنقطه ماسويتها تصير بالشهر مره ... واما بالتاسع نهائيا مافيه ..
قالوا امشي ... يووووه ماسويتها ابد امشي عشر دقايق اصير متكسره ولا امشي بعدها

قالوا خلطة لتخفيف الطلق وفتح الرحم ... شريتهم يوم قلت لاهلي ابسويه قالوا انتي خبله يمكن تاثرين على الجنين خفت ولا سويتها

لقيت رياضه للحامل لتسهيل الولادة مااااااااااسويتها
الصراحه ماجربت ولا استخدمت شيء لتسهيل الولادة

الا شيء واحد بس ..
دايم ادعي ربي يسهل ولادتي ويفرجها علي ويطلعني من الولادة انا والبيبي بصحه وبسلامه وبسعاده..
وكنت ادعي بعد كل ورد (ياجامع الناس فس يوماً لاريب فيه اجمعني بجنيني على خير وسلامه وعافيه وسعاده ياارحم الراحمين)
و
(استودعت نفسي وجنيني الله التي لاتضيع ودائعه)

مافتح رحمي الا الدعاء ماطلع بنتي الا الدعاء
ماجعل ولادتي طبيعيه الا الدعاء
ماصرت انا وبنتي بخير الا من الدعاء

كله بفضل الله عزوجل تسهيل من الله سبحانه وتعالى ... صح الم فضيع بس كل ماتذكرت انه الله سهلها علي ابكي من عظم رحمة الله بي وببنتي

طبعاً الظهر جيت اتغدى وفيني شويات طلوق ... اكلت 7 تمرات وللعلم ماعندي غير(سكري) وشربت ماء مخلوط مع ماء زمزم
وجيت لاهلي العصر سوت لي اختي يانسون عشا يخفف الطلق

بس هذا اللي ذقته

ويوم اشتد علي الطلق شربتني اختي ماء زمزم قرت فيه الادعيه والايات لتسهيل الولادة

وطبعا مااحد يدري اني اطلق بذاك اليوم الا خواتي وامي وابوي وزوجي بس


واخيراً ..... كتبببببببت الموضوع اللي كنت اتمنى اكتبه يوم كنت حامل هههههههه

اقول يارب متى بس اولد واقوم بالسلامه انا والببو حقتي ونزل موضوع اني ولدت ..

وووه يابنات الله يفرجها على كل حامل والله يسهل عليكم ياقادر ياكريم





قبل لا اقفل الموضوع ... انا اخر دورة لي كانت في 15 / 9
ودكتورتين حددولي ولادتي في 28 /6 و 29 / 6

والحساب اللي انا سويته قال ب 29 / 6

والله كتب لي الولادة بين هالتاريخين...


طولت عليكم بالهذره ... بس هذي امنيه وقت ابي انزله اذا ولدت والحمدلله تحققت


الله يحقق لكم امانيكم يارب العالمين آآآآمين