السلام عليكم ورحمة الله وبركاته ..
اخباركم حوائيات ؟؟ حوامل ونفوسااات؟؟
اليوم حبيت اكتب لكم قصة ولادتي بعد ماارتحت شوي من تعبها وعناءها ربي يكتب لنا الاجر ويعظمه ان شااااءالله
ويهون على كل حاااااااااااااااااااامل ويرزق كل محروووووووومه الذريه الصالحه ان شاااااااءالله ...
في البدايه انا ولدت الخميس 10-6-2010
الصباح الساعه 11 ..
طبعا كانت معي الام طووووووووووووول التاسع بس كانت تجي بالليل وفي النهار ولا كاني كنت بموت بالليل ..
بس طبعا كملت التاسع وماحولي ولااااااده ابد :44: وكنت مررره نفسيتي تعباااااااااااااااانه والدموع بعيوني
على طوووووول عسى مايكلمني زوجي الا شبيت فيه انا بضحك بس هو اذا ضحك قلبتها عليه :22: كنت متوووووحشه الحمدلله يارب ..
وحالتي لله واعد الايام والليالي للحظة الولاده .. وكل ماجاني الم تجهزت قلت الليله بولد وانام في خاطري بشبع نوم
عشان تعب الولاده ..اصحى وماااااااااااااافيني اي شي ...
وفي يوم الثلاثا كنت تعباااانه بس مافككرت اني بولد .. وكل من شافني قال وجهك فيه ولاده خخخخخخخخخخخخخخخخ..
صحيت الاربعا على الظهر كذا وكنت تعباااانه واحس بالام من تحت بس كانت محتمله .. المغرب زاادت بس نفس الشي محتمله ..
الى الليل كانت تروح وتجي الام من تحت زي الم الدوره بس اقوى انا حسيت انها ولاااده لانها الام غير عن اللي كنت احسها قبل ..
والاربعا معروف عندنا يتجمعون اهل زوجي وكنت معهم بس جسد لكن كنت تعباااااااااااانه والطلقات تروح وتجي كل ساعتين تقريبا ...
يوم راحو انا رحت غرفتي بس طبعا بعد ماسويت لي حليب مع حبه سودا ابريق كاااامل وحليته بعسل وشربته كله
وكلت 7تمرات محشيه بزعفران ..
وولعت الفحم وتبخرت فيه ..
جا زوجي كذا من سهرة الاربعا على 3 وقلت له فيني الام فروح نام عشان ترتاح قبل مايقوى الالم وانا بعد رحت نمت
تقريبا ساعتين المهم 6ونص فزيت من نومي على الام قوووووووويه من تحت تعصرني مررررره ...انا عرفت انها ولاده .. طبعا المستشفى كانو مقررين لي تنويم الاحد 1-7 -1431 تنويم للطلق الصناعي لاني خلصت التاسع ..
المهم فزيت من نومي الخميس الصباح 6ونص وانا ميييته من الالم قمت رحت مشيت في الغرفة رايحه جايه وادقرى ادعية تيسير الولاده وامسح على بطني ..
المهم ظليت تقريبا ساعه وانا اتالم بس مابي اصحي :arb:الا لما يقوى الام وينتظم كل 10 دقايق ..لاني مابي اروح واتعذب بالكشف والخرابيط بالعربي كنت مييييته رعب خخخخخخخخخخخخخ
المهم لما حسيت اني خلاااااااااااااااااص صحيته ورحنا وطول الطريق وانا اطلق واتالم وزوجي يطالع فيني وساكت كاسره خاطره ربي يحفظه ويخليه ويبعد عنا عيون الحساد ان شاااااااااااااااءالله ...
وبنتي حطيتها تحت عند عمتها .. وانا احس اني ماراح اشوفها وكل مااتذكرها طاحت دموعي كنت خايفه اموت وانا ماشبعت منها ... واوصي زوجي :( في السياره انه يخلي بنتي عند امي تربيها واللي في بطني بعد امي تربيه
وهو ساكت ولايرد علي سافهني .. في النهايه قال لي خلاص ممكن تسكتين .. بلعت العافيه وسكت وكل شوي تجيني الطلقه واضغط على باب السياره من الالم ...
لما وصلنا المستشفى ودخلوني الاسعاف وهي تاخذ المعلومات وانا اقول لها ولاده خلاص ويحطوني على الكرسي ويدفوني وانا اطالع زوجي لما اختفى ودخلوني قسم الولاده وحطوني على السرير وجهزوني للولاده وجات الممرضه ماشاءالله يدها خفييييفه كشفت لقته فاتح 4سم ..
فرحت قلت واخيرا بفتك بس خفت انه يرجع يسكر .. وهنا نصيحه لاتكثرين قراية قصص ولاده ومشاكل ولاده وانتي حامل
بصراحه طول ماانا اطلق لما ولدت وانا وسواس يروح وثاني يجي مره اخاف يكون الحبل السري ملتف على رقبته بسم الله عليه.. ومره اخاف ان الرحم يسكر .. او يخف الطلق .. او يحولوني عمليات ..
المهم اني تعبتتتتتتت مررره في الطلق وطلبت الابره المسكنه وعطوني اياها وجابولي الكمام ..عاد هذا سالفته سالفه ..
المهم الابره احس ماجابت مفعول لان الطلق كان حاااااااااااااااار وقووووووي .. يقولون طلق الولد كذا ..
وعطوني الكمام وانا اسحب النفس فيه واحس اني داايخه في النهايه طلع مو مفتوح خخخخخخخخخخخخخخخخخخخخخ
جاتني الممرضه ماما مافيه كذا وانا اصييييييييييييييييح في خاطري بضحك على نفسي بس مافيه وقت :06:
المهم واظل اشفط كل ماجاتني طلقه بس مافيه حتى نفس مااقدر اسحبه متواااصل ابداااااااااا..
لما حسيت اني خلاص بدفع وجاتني الممرضه كشفت 8ونص على طول نادت دكتورة الولاده وجات سعوديه عسسسسسسل والممرضه وحده سعوديه و3فليبينيات كلللهم عسسسسسسل ويخففون على الوحده لا صراخ ولاهم يحزنون
المهم خلاص على طول رفعو رجليني وظلت تعطيني تعليمات كل ماحسيتي بطلقه خلي راسك نازل على تحت وسكري فمك وادفعي بنفس متوااااااااااااااااصل ..
انا طبقت اللي قالته بس كنت خااااااااااااااايفه .. وتروح الطلقه وانا اتالم وكل ماجات طلقه الا هي يالله ادفعي
راااااااااااااااائعه >>>جاتني الضحكه وانا اولد حسيت نفسي في مدرررسه ماباقي الا تحط لي نجمه وتعطيني شوكولاته ..
والممرضه تمسح على شعري وتمسك يدي .. ربي يجزاها خييير ..
المهم جاتني طلقه انا حسيت اني ابي اخلص خلاااااااااااااص خصوصا ان نبض البيبي بدى يضعف من قوة الطلق ..
وادفع من قلللللللللللللب وبكل قوووووتي طبعا بعد ماسوت لي توسعه الا طلع ولدي على الدنيا وصررخ
انا حسيت قلبي بيطلع من مكانه في هاللحظه ودموعي بس تنزل ..
الحمدلله يااااااااااااااااااااااارب ..
وحطوه على بطني بعدها شالوه ينظفونه وبدت تخيط بسم الله عليها يدها خفيفه بس حسيت بوخز الابر طبعا دقتني ابره مخدره عشان الخياطه ..
وظلت نص ساعه في الخياطه .. طبعا طول فترة الولاده وانا جوالي تحت راسي يرررررن اول ماخلصت دق علي زوجي ورديت عليه وهي كانت تخيط وبشررته وهو مستااااااااااانس جاه ولي العهد ..
بعد ماخلصو شكرتها والله ماقصرت .. وبعدها قوموني عشان يودوني غرفة التنويم لكن اغمى علي وانا كنت في الحمام لان طبعا بعد الخياطه ضروري تدخلين الحمام الله يكرمكم .. وانا قايمه اغمى علي من المسكن مافتحت الا الدكتوره والممرضات متجمعين علي .. بس الحمدلله عدت على خيير حتى الدكتوره قالت اي شي تحسين فيه مو طبيعي اطلبيني بالاسم . .
والحمدلله يااااااااااااااااااااااارب افتكيت من الكرشه وولدت بالسلاااااااااامه ..
ورزقني ربي احلى راكان بالدنيا ربي يخليه ويحفظه من كل شر ويرزقني بره وصلاحه وسعادته وتوفيقه ...
ادري طولت عليكم بس حبيت اكتب قصتي لكم ..
طبعا عليك اختي الحامل قراءة الادعيه طوووول فترة الحمل وخصوصا في الشهر التاسع ..
مفييييييييييده وتسهل الولاده باذن الله ..
يلزم عليك تسجيل الدخول أولًا لكتابة تعليق.
عروس !
•
الف الف الف مبروووووك
والحمدلله على سلامتك يتربى بعزك ان شاء الله
والفال لنا عسى ربي يسهلها ويهونها علي وعلى كل مسلمه .!
والحمدلله على سلامتك يتربى بعزك ان شاء الله
والفال لنا عسى ربي يسهلها ويهونها علي وعلى كل مسلمه .!
ام البنوته
توفي
عروس
افراحي موضه..
مشكوووووووووووورين على المرور والله يسلمكم ويبارك فيكم ان شاااااءالله .. امييييين .. ربي يهون على كل حاامل
توفي
عروس
افراحي موضه..
مشكوووووووووووورين على المرور والله يسلمكم ويبارك فيكم ان شاااااءالله .. امييييين .. ربي يهون على كل حاامل
الصفحة الأخيرة
ومبررررررررررررررررررررررروك
عليكم راكان
الله يجعله من البارين الصالحين ..