لله يخليكم هجووم ماا ابي ابيكم تسااعدووني

لاتخونين ثقة اهلك الي وثقوا فيك عشان رجال
احذفيه من المسن احسن وانسيه

الحل احذفيه مسن وغض البصر وتقومين تتوضين وتصلين ركعتين تطلبين ربي يشيل حبه من قلبك واقري قران كثير ترى يجلي هالسوالف عن القلب واستغفري كثير واشغلي الوقت بامور مفيده هوايات تحبينها وابعدي عن طريقه والحمدلله انه مايدرسج

وترى انا نصحتك كاخت وجل من لايخطي وحنا بشر نخطي وربك غفور بس المهم اننا لاعرف الغلط نجاهد لاصلاحه والحمد لله ان نيتك ماكانت شر بالاول طبقي اللي قلت لج عليه وربي يهداج

حبيبتي لاتدورين لنفسك أعذار
هذا إبليس يحلي لك الموضوع ويبسطه ، (الإثم ماحاك في نفسك وكرهت أن يطلع عليه الناس) أنتي قلبك يقول لك إن هذا الشي خطأ والشيطان يزينه لك ، مافيه شي اسمه أعتبره مثل أخوي ، والاستفسارات اللي عن الدراسة تقدرين تطرحينها على دكتورة ، حطي نفسك مكان زوجته وإذا ماترضين يصير لك الشي هذا ولا لها احذفيه من الماسنجر بسرررررعة
ولااااااااتنسين انك قسم دراسات إسلامية ماتناسبك الخرابيط هذي وياليت نشوفك داعية في المستقبل..... الله يوفقك

ياقلبي انتي توك صغيره وأنتي قلتيها متزوج وابو عيال يعني زي ابوك او اخوك الكبير شتبين فيه وبقولك شغله انتبهي تلمحين له تدرين ليه؟؟ لأنه بيحتقرك وبيقول هذي مو متربيه تعرفين تفكير الرجال.. وغير كذا ممكن يتكلم عند الدكاتره الثانين عنك وسمعتك تصير بالكليه عدااااام..
وإذا على انه دكتور مضاف عندك بالمسن عاااادي أنا ضايفه ثلاث دكاتره مو واحد ومسويه عليهم بلوك إلا إذا بغيت اسألهم بخصوص الماده أو الاختبار وكذا وكلهم مصاريه الله يحفظهم خخخـ
يعني عادي اهو بنفسه يقول هذا ايميلي واللي عايزه حاقه ماتخقلش تكلمني عالمسن بس اني اكلم سلام وطق حنك لا وين فشله اصلآ وعيب..
وشيلي من راسك هالخرابيط الله يهداك..

طيب انتي عارفه انه كل اللي سويتيه غلط .. يفترض حتى لوكان غرضك من ( التوصل للايميل ) هو السؤال عن بعض الاشياء المتعلقه

بالتسجيل او غيره .. انه تسألين دكتوره .. او توجهين السؤال بطريقه ثانيه غير هالطريقه .. لكن اضفتيه .. وسألتيه .. وصار بينكم كلام ( وانا احمد ربي انه كلام

لايخرج عن حدود الادب ) لكن ترى الحركه بالأول والأخير ابدا مو زينه ...

عارفه شالمفروض تسوينه الحين .. تبين تسحبين نفسك من الموضوع بالمره .. وترجعين مثل ماكنتي قبل تعرفينه

اليوم تقولين ( اخوي الكبير ) وياخوفي بكره تطمحين الى ان تكوني ( زوجته ) ...

ليش هذا كله ابي افهم يالغاليه ؟؟ رجال ومتزن ودكتور ومتزوج وله اسمه وعايله وزوجه واولاد ..

تجين تحشرين نفسك بالنص ( ليششششششش ؟؟؟!!!!! )

انتي عارفه ان كل اللي تسوينه ( غلط ) هذا غير خيانتك ( لثقة اهلك ) ولربك قبل كل شي ..

طيب هل يكفي انك مقرّه بالغلطه ؟؟؟ لاياعيوني صار لازم تتحركين وتعدلين اللي سويتيه ...

احذفيه بالمره والايميل غيري رقمه السري نهائيا .. واكتبيه بورقه وبعد ماتكتبيه شققي الورقه ولاعاد تدخلين على هالايميل مره ثانيه حتى لو تذكرتي الرقم السري ..

الحركه هذي اصحك تعيدينها مره ثانيه ...

وبعدين اذا الدكتور نيته سليمه .. ويقول هذي طالبه وتستفسر .. بكره وش بيقول لاحس ان السالفه زادت عن حدها ؟؟؟

لاتحرجين نفسك وتكونين سبب ( في انه احد يغلط عليك بالكلام ويسيء الظن فيك )

سواء زميلات / صديقات / او الدكتور نفسه / او حتى زوجة الدكتور

لو بيحصل يوم وانتشر عنك كلام انك ( لعّابه ) لاتبكين وتعظين اصابع الندم .. لانك للحين على نفس الطريق برغبتك

اصحي ياحبيبتي .. وركّزي بدراستك وبس .. وقلبك حطي عليه × ودوسي عليه دامه بيجيب لك الكلام ووجع الراس وسوالفها

الله يستر وش تاليها ...

والله اني اقول لك هالكلام من قلب محب وابي لك الخير ياقلبي انتي .. ماابي احد يجرحك بكره ويقول عيب استحي انتي مخربه بيت

الرجال وجايبة راس ابوك الارض بسبب فعايلك مع الدكتور

لاتقولين لي ان شاء الله ماراح تتطور الامور لهالحد .. بقول لك قبل ماكنتي تكلمين سواقكم .. والحين اضفتي الدكتور لايميلك ..

انا مااقوله ( ضحك او استهزاء ) لا والله .. واتمنى من الله ان يعافينا جميعا من الفتن ..

لكن اللي بوضحه لك ( ان الشيطان شاطر ويزين للانسان الشر ويسهل عليه المعصيه ) ..

يامقلب القلوب ثبت قلبي على دينك