(إذا عندك اي التهابات يجب علاجها عند الاستشاريه)
راح اخلي الموضوع بسيط ومدعم بالصور
انا عانيت بشكل مو طبيعي من التهابات وحكة مابعد الدورة وجربت كذا طريقة وطريقة
وكل بعد التهابات يجيني التهابات المسالك البوليه المرعبه
وبعد ماتخلصت منها وقدرت اسيطر عليها قلت لازم افيد
البنات اللي مثلي يعانون
اول شي ومن اول يوم من الدورة نختار فوط صحية قطنية 100%
انا استعمل برايفت او كوتكس
وبعد كل مره تروحين فيها لدورة المياه تغيرينها حتا لو كانت نظيييفه واحرصي وانت رايحه زياره حتا لو لمده قصيرة تاخذين احتياط
وتنشفي كويس بمناديل ورقية انا استعمل فاين لانها معقمة ويكون االتنشيف من الامام الى الخلف
وكلوتات قطنيه وماتكون ضيقة مره عشان ماتكتمين المنطقة وتكون مهيئه لتكاثر البكتيريا
ملابس خارجيه وسيعه للتهويه وابتعدي عن الاسترتشات
غسول خاص للمنطقة الحساسه مثل سيبا ميد بعد كل مره تروحين لدورة المياه غسلي بالغسول (هذا الشي الوحيد اللي ماكنت اسويه وكان سبب للالتهابات ) حتا لو تروحين في الخمس دقايق مرتين
بودرة جونسون اخذت النصيحة من وحده هنا بالمنتدى رشي على الكوتكس بودرة جونسون فعلا تحسين بانتعاش ونظافه
كريم دكتارين قبل النوم تسوين كل التعليمات اللي فوق بالاضافة الى استعمال الكريم في الليل
واخر يوم استعملي مسك الطهارة للبنوتات من الخارج والمتزوجات من الداخل والخارج
وقبل لاتتروشي للصلاة انتفي منطقة البكيني اللي على شكل Y بمكينه كهربائيه انا استعمل بروان ومرتاحة عليها
والباقي تشيلينه بمكينه حلاقة نسائيه انا كنت استعمل هذا الشكل
وانقطع من السوق وجربت الجديده ومررره سيئه بالاضافة الى غلا سعرها لانها ماتستعملينها الا بالماء وطريقتي احلق على الناشف افضل ميه مره وهذي صورتها
وبعد ماتتروشي دهني المنطقة بشوي فازين وكريم وعطريه ورشي
ملابسك الداخلية بسبريه معطر ونعيما لك النظافه الصحيه والرائحة العطره ووداعا للالتهابات باذن الله