للي اهم شي عندهم الزوج!

صباح الخير بنات كيفكم؟
كل عروسه الله يوفقها ويتمم عليها وكل وحده ماتزوجت وتدعي ربي يجي نصيبها الله يكتبلك الي فيه الخير وييسرلك امرك ويجبر خاطرك وقلبك🤍
فيـه موضـوع قاهرني!صايره اشوف فيه بنات رامين حياتهم بعرض الجدار واهم شي عندها رضا زوجها!لالالا اماااااانه لاترمون نفسكم على الرجال!حبيه اهتمي فيه اسعديه وسوي الي تبين بس لاتعطينه اكبر من حجمه وتخلينه شغلك الشاغل لدرجة تبين تغيرين دنيتك وشخصيتك بس عشان ترضينه!ترا مافيه احد يحب الانسان الي على كل شي يقول تم والي ماعنده شخصيه ولاعنده حياه وتارك حياته بس عشانه!حبي نفسك دلليها ودلعيها محد بيحبك اذا إنتي ماحبيتي نفسك واهتميتي فيها!عطي الوقت الاكبر لنفسك وعطي وقت لزوجك بس مو كل وقتك يروح لزوجك وبيتك وعيالك وتنسين نفسك!لنفسك عليك حق ياقلبي اهتمي بصحتك
وبجسمك وبشكلك لك إنتي مو ل احد ثاني نمي مهاراتك وطوري شخصيتك تسوقي اطلعي مع صحباتك مع اهلك لاتخلين نفسك محبوسه عشان زوجك!والله انا مو قاعده احرض ابداً بالعكس انا انسانه اذا ربي كتب لي نصيب بهتم بزوجي وببيتي وبعيالي وبعطيهم كل مشاعري بس اول شي نفسي اكيد!محد بينفعني لما اوقف بعد سنين واشوف حياتي ضاعت وانا ماسويت شي لنفسي!نصيحه بنات لاتركضون ورا الرجال خليك معتدله بكل شي خذي واعطي لاتعطين بدون ماتخذين!والله ييسرلكم حياتكم ويجبر قلوبكم🤍