للي بتحج كل ما تحتاجينه والله يكتب لنا الحج عاجلا غير آجلا

ا‏​للى ناويه تحج باذن الله كما وصلنى : 
السلام عليكم ورحمة الله وبركاته

تفصلوا يابنات هذي قائمة بالأشياء اللي ممكن تحتاجها أي واحدة منكم للحج
والله يتقبل منا ومنكم صالح الأعمال

الأشياء إلي نحتاجها في الحج مع العلم ان أغلب الأغراض قد يتم توفيرها من قبل الحملة ولكن من باب الاحتياط

أولا الروحانيات :
1- مصحف
2- كتيب اذكار وأدعية
3- سجادة الجيب لمنى وعرفة

الأدوات الشخصية :
1- فرشة اسنان + معجون
2- مزيل للعرق بدون رائحة
3- شامبو للشعر والجسم بدون رائحة
4- ليفه وصابونه بدون رائحة
يباع في بووتس.

5- فوط صحية للاستخدام اليومي
6- قفازات بلاستيكية وايبس ديتول وأسبراي ديتول عشان دورات المياه في منى وعرفة
7- مقص للشعر عشان بعد الأحرام
8- كريم للجسم بدون رائحة
9- أطواق للشعر من نوع القماش الكامل عشان مايضايقك مع الحجاب
10- بندانه عشان تجمع شعرك ولا يطلع يمين ويسار ويضايقك ويحكحك البسيها بعد ماتربطين شعرك في عرفة. ومزدلفة
11- عبايتين يكونون قصار شوي أفضل عشان محد يدوسها ولا تتوسخ
12- شورتات لمنع احتكاك الافخاذ.
13- نعال ويفضل جوتي رياضة خفيف للمشي حق الرمي
14- أكياس بلاستيك عشان تحطين فيها الملابس الوصخه وماتوصخ باقي ملابسك
15- شاحن جوال وتعليقه جوال على الرقبة أحفظ للجوال
16- استشوار
17- غطاء للمخده وشرشف
18- الجزمه وأنتي بكرامه حاولي مايكون ربط عشان مايزعجك باللبس والفصخ
19- شبشب حمام ضروري جدا
20- سدادات أذان مال الطيارة حق منى لأنه في ناس تصحى بدري إذا كنت من النوع اللي نومه خفيف
21- فوط للجسم والشعر للاستحمام
22- معقم لليدين يكون بدون رائحة مثل كلينكس ديتول
23-ماسك غطاء الفم والانف لمنع انتقال الفايروسات بإذن الله
24- شال لأنه مزدلفه يكون برد أحيانا
25- أغطيه لمقعد دورة المياه وأنتي بكرامةحق عرفة ومنى ويفضل وضع جميع أغراض الحمام لمنى وغرفة في شنطة صغيرة
26- فيتامين سي الفوار وأي نوع آخر من الفيتامينات ومصاص البلعوم ينصحون دائما الحاج بأخذ حبة واحدة يوميا:) حتى لو انك مش مريضه
27- بندول وبروفين وفيكس وكريم خاص للعضلات. أخيرا شنطة صغيرة حق أغراض منى وواحدة أصغر منها حق أغراض عرفة ولا تنسين جلابية العيد•
وتقبل الله حجكم ولا تنسونا من دعائكم

حتى لو لست بحاجه لها ارسليها لغيرك••


منقووووول للفائدة