بصراحة الخوات ما قصروا في الشرح بس ما عرفت شو الكشنه؟؟
واذا تبغين رز ابيض اغسليه وانقعية مع ملح ربع ساعة تقريبا او اكثر
اذا ناقعة 1 كاس رز حطي 2 كاس ماء على النار حتى الغليان عندها اضيفي الرز بالملعقة وخلي النار هادءة وبنضج ان شاء الله يمكن اضافة زيت مع الماء........

:cool:
واذا ما تبين عوار راس اشتري رايس كوكر وحطي الماء مع الرز وشغليه والرز يكون جاهز.....

هلا اختي رجة..

سبحان الله كنك تتكلمين عني يوم انا رجة بس منيب رزة مثلك.....
لكن الحمد لله يوم صرت رزة بس منيب رجة ضبطت الرز وصرت سنعة ومن احسن الكباسات.

مااطول عليك الطريقة.......................................

اغسلي لحمتك او الدجاجة مقطعة نصفين وحطيها بالقدر من غير زيت.(لان زيت الكشنة يكفي)
حطي عليها:
بصل شرايح+فص ثوم عدل+3عود قرفة وسط+حبات قرنفل+ هيل+ملح+كزبرة ناشفة م ص تقريبا+شوي ماجي ابيض+ شوي ماء

خليهم علي النار اذا طبخ زيديه مويه حارهحتي تتغطي اللحمة او الدجاجة وحتي تنضج نسوي الكشنة اللي هي:

بصل +زيت(الزيت يكون كثيرشوي)
نحرك حتي يذبل نضيف له:
كزبرة ناشفة مطحونة +شوي ملح+ شوي هيل مطحون+ كركم بطرف الملعقة+ شوي ليمون اسود+كسره من الماجي الاصفر وحركيهم زين وطفيه وخلهم علي جنب.

نرجع للرز طبعا تكونين منقعة الرز قبل و تشخلينه
وبعدين تشخلين اللحمة او الدجاجة وتكبين عليه الرز وتزيدين الماء اذا احتاج
تقريبا الماء يكون فوق الرز ب2 او 3 سم واضبطي الملح وغطي القدر وخلي النار عالية عليه
اذا بدا يطبخ خلي النار وسط
اذا شرب قصريه وذوقي الرز اذا يحتاج ماء زيدية واذا مظبوط وزعي الكشنة عليه وغطيه بالقصدير ربع ساعة وحطي تحته الحديدة
ولا تنسين تحطين الفلفل الخضر فوق الرز عشان الريحة امممممممممممممممم

نجي للدجاج اللي طلعتيه
هاتي قدر صغير وحطي زيت وثوم مهروس و1م صلصةوشوي كركم وحركيهم علي النار وادهني الدجاجة بهم وبالفرن يتحمر..وخلالالالالالالالالالالالالالالالالالالالالالالالالالالالالالاص
وبالعافية..



جربيه لا يغرك كثر الكلام ترا والله سهل ومع التكرار يصير ماهنا اسهل منه وتقولين اثاري الدعوة كذا وحنا نحوس وندوس............................. هاه انتظر تجربتك ....لاتنسين تدعيلي ولحبايبي بالصلاح والهداية..

السلام عليكم ورحمة الله وبركاتة ................

هلا اختي رجة بس رزة البنات ماشاء الله ماقصرو بس حبيت اوضح لك ان الرز انواع وكل نوع له طبخة يعني رز ابو كاس غير عن المهيدب غير عن ابو سيوف غير................. انتي حددي نوع الرز الي تستخدمينة وحنى إن شاء الله ندلتس على الطريقة الصحيحة:26:

ديمة شوق
الله يجزاك خير ان شاء الله ويرفع عنك ويشفيك اللهم امين

نونو وبس
ام شاهين
نور دبي
الله يجزاكم خير ان شاء الله وان شاء الله بجرب طريقتكم......

سندس.........ههههههههه اجل كنتي مثلي يوم انك رجّه؟؟ اشوا منب بلحالي اثاري المراجيج واجد وانا مدري امزح
<<<< تمون
مشكوره يالغاليه على طريقتك اللي شكلها فتّاكه ماشاء الله بجربه وارد لك....:26:


ورده عنيز توي جايبه رزاسمه الوليمه ارز مره بسمتي لان وحده مدحته لي

مدري زين ولا لا...............

رجّه بس رزّه
بحثت لكي أختي عن هذا الرابط للاخت عزيزة ملف عن الرز و طرق تجميله
يارب يفيدك
http://forum.hawaaworld.com/showthread.php?threadid=234137