للي بشربو الحلبه حتى يسمنو

طبعا انا الان مش نحيفه ولا بدي اسمن بالعكس انا مسطوطنه بقسم الحميه والدايت الان
بس حبيت احكيلك عن تجربتي وانا بنت
كنت نحيفه كثير بس هيكل عظمي ولا يمكن يطلع وزني عن الثمانيه واربعين مهمها اكلت
والمشكله الناس صارو يضايقوني ويلقبوني بالقاب بايخه لحتى صرت ادور كيف بدي اسمن باي طريقه فما بعرف مين دلني على الحلبه
فصرت اغليها كل يوم واشربها دافيه على الريق هي الحبوب طبعا لمدة شهر او شهرين
فالي استفدته منها انه صار وجهي دايما شكله صحي ومحمر وانه ايام الطمث لما كنت اخذه اختفت الالام المبرحه الي كانت تيجيني
وبس الطامه بااضرار الي صابتني بعد ما اتزوجت وتاخر الحمل عندي خمس سنوات رحت طبيب وقفقالي عندك المبايض كبار كثير
وغيرها ما كان عندي مشكله.
وهي العقم مشكله نادره بعيلتنا يعني كل عماتي وخالاتي وخواتي ما شاء الله لا قوه الا بالله الوحده اقل من خمسه ما عندها
وبعدها عملت مرتيل طفل الانابيب والثالثه الله رزقتني بس خلفت بكير كثير
مشان هيك لا تبالغو باخذ خلطات وتقولو مهي اعشاب ان ما نفعت ما بتضر

الله يحفظكم جميعا