للي بشرتهم جافه جدا لقيت لكم احسن كريم اساس

هلا عزيزاتي

انا بشرتي جافه جدا ومتعبه .. يعني زمان قبل لااحط اي كريم اساس لازم اسوي تقشير لبشرتي وارطبها عدل عدل وبعدين احط كريم الاساس ومع هذا كانت تطلع لي قشووووووووور ويطلع ويهي مب صافي ومب حلو

تجاربي كانت مع ماكس فاكتور - ميك اب فورايفر - ديفينورا من جيرلان - سان لوران - كانيبو

كل هالاساسات حلوه بس يبي لها ترطيب كبير

والوحيد الوحيد اللي صج صج نفعني وعجبني ولاطلع لي قشور ولااحتجت اني ارطب بشرتي او اسوي لها اي شي قبل لاحطه هو اساس جيرلان اللي اسمه

Fleur de Teint - Moisturising Foundation with active Rose extract, SPF15



بصراحه فظيييييييييييع تغطيه طبيعيه وملمسه ناعم وتحسينه دهني نوعا ما وهالشي انا استانست عليه صج وبشرتي ماتتقشر ابد خاصة منطقة الانف والجبين وبين الحواجب

ترى انا استخدمه حق الدوام والطلعات العاديه يعطي لوك طبيعي ورائع بس حق المناسبات للحين ماجربته ولاجربت احط اكثر من طبقه عشان اشوف التغطيه شلون .. لاني استعمله يوميا واحط كميه بسيطه وطبقه وحده

ان شاءالله تستفيدون من تجربتي

للي بينفعها وتستفيد تدعي لي بالخير واللي مابينفعها او مابيعجبها لاتدعي علي :)