للي تابعوا معي (بعد رجعه زوجي من السفر)

السلام عليكم
موضوعي هذا اللي ماتابعته من اول ماراح تفهم شي
موضوعي عن زوجي وسفره وتركه لنا عشات تحدي
اشكر كل البنات اللي تابعوا معي واهتموا وردوا علي
والله اني كنت افضفض لكم وارتاح
امس رجع زوجي من السفر ومن دريت انه في الطريق بخرت بيتي
وشغلت سورة البقرة ونظفت وكشخت ولدي
وانا اتزينت بس مو مرة يعني شكلي مرتب ماكنت ابيه يحس اني مهتمه فيه
قلت ابتكشخ واطنشه عشان اادبه المهم
لما وصل دخل سلم وانا رديت السلام بدون مااناظر له كنت قاعدة اغير لولدي
وقف يناظرني ويطول بالنظرات وانا مااناظرة بس حاسه فيه
قلت له بدون ماالتفت له
الحمدلله ع السلامه
رد الله يسلمك
اعطيته ولدة ورحت جلست بالصاله
لحقني وجلس يتاملني من بعيد <<<< طويله سالفه النظرات صح هههه
ونا ولا همني جالسه اتابع فيلم واضحكك
عطاني ولدي قال خوذيه ابطلع قلت حطه ع الارض مشاري صار يجلس
عاد هو دمعت عيونه تذكرت لما وعدني اول ماولدت انه ماراح تمر مرحله على مشاري هو اول واحد يشوفها
سكت لحظات وبعدين طلع
راح جاب مقاضي للبيت ورجع نام
وللحين ماصار بيننا اي كلمه
ثاني يوم قام ونزل لاهله بدون فطور
لحقته وجلست مع خواته اضحك ابقهره
واسولف ولا همي وامزح مع خالتي (امه)
ورجعنا البيت المغرب
جلسنا بالغرفه ننوم مشاري كان واقف معي عشان ينومه
xxxx وجلس قال لي والله اني مااتهنيت (سبحان الله من دعواتي)
وماارتحت وبالي معك
انا نزلت دمعتي قلت انت ماينفع معك حبيتك ولا ماحبيتك مايفيد
xxxxxx
بس ماراح ارجع مثل اول مستحيل شي بداخلي انكسر
سويت له عشى صار كل شوي ينقز من العشاء ويحبني ويرجع
طلبت منه نسافر للعمرة يومين
قلت ابي نفتح صفحه جديده ووافق
قلت نروح نعتمر عساه يتوب وينصلح حاله
وبس
ادعو لي ان الله يثبته ومايغيرة
والله اني مابي غير يعيش ولدي بجو مريح بدون زعل او طلاق
دعواتكم اخواتي