للي تبي تخس وزن !!!

السلام عليكم بنات شلونكم..؟!
حبيت فقط اتكلم بموضوع صار لي سنيين كل ما أبحث عن نقصان الوزن او الرجيم القى كلام ووصفات متناقضة في مواضيع المنتدى الجميل هذا
مثل رجيم اندومي!!! او رجيم ان الوحده تحرم نفسها عشان تخس بسرعه!!!
ابي بس ابين لك الحين تتوقعين صار لك سنيين وانتي تراكمين الدهون بجسمك يعني بالعقل تبيه يروح في ٣ ايام!!؟
طبعا لا فلذلك حبيت انوه واعطي بعض المعلومات الي ممكن بعضكم تجهلها وان شاءالله تعود بالخير للجميع
اولا مافي رجيم اسمه حرمان اكثركم فاهمين الرجيم غلط في شي اسمه اسلوب حياه يعني الدهون والسكريات والغازيات اتخلص منهم بكل اريحيه
ثانيا ممارسة الرياضة ولو المشي فقط ٤٠ دقيقة يوميا راح تساعد الجسم بأنه ينشط الدورة الدموية واشياء اخرى كثير تنفع الجسم
ثالثا الفطور مهم جدا جدا جدا
الشخص المعتدل الي ناوي يبدأ دايت لازم ياكل فطور متزن وبين الغدا والفطور سناك (فاكهة يفضل)
وبين الغدا والعشاء سناك
والعشاء يكون خفييف مرررره زبادي او سلطه مثل ماتعرفون
وثالثا الماء مهم جدا جدا يعدل المزاج ينظف الجسم من السموم اشياء ماتتوقعونها من الماء جربوا ومابتندموا
رابعا اول شهر راح ينزل من وزنك سوائل مابين ٧الى٨ كيلو
الشهر الثاني راح ينزل دهون في الاسبوع اذا محافظة كيلو او نص كيلو دهن صافي( وتختلف ع حسب الاوزان)
خامسا اهمية اليوم المفتوح ويكون فقط وجبه واحده غدا او فطور يكون متزن تاكلين الي تحبين فيه بس السكريات يفضل تقللين منها والعشاء يكون خفيف او اذا ماتحبين تتعشين عادي (اتكلم عن اليوم المفتوح فقط)
سادسا الصبر ثم الصبر تخيلي النتائج الي بتحصلين عليها ع مدى ٣ شهور راح تكون ممتازة وتكملين ويكون روتينك اليومي صحي
سابعا حطوا هاذي زي الخرص بأذنكم الي تنزل وزن سريع وهي اوفر ويت راح يترهل الجلد!!!
ليش اخسر وزن كثير وجلدي بترهل واتعب انا ابي جسم صحي مو شكل فقط!!
ثامنا رياضة الحديد مكمل للكارديو والسويدي وبالعكس معدل حرقه عالي يظل الجسم يحرق طوال اليوم
وبالاخير حبيت افيدكم واعذروني لكن صدق اتنرفزت يوم اشوف بعض البنات عندهم قله وعي وجهل في الاكل وفي الىجيمات وبالرياضة رجاء لا تسوون رجيم مؤذي للجسم النتائج بتكون وخيمه بتكسبين حاجه وتخسرين حاجه(زي الجلد المترهل وغيره اشياء اخطر)
مع السلامة♡